Bakkaahit 11:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Iꞌdaasenyi uranti minki Waakhe buure khariis tuumman geeddiis arerreegin. Iꞌdi tahe ani intaas ꞌdooꞌdi Waakh igaranne siiche. Icho la hay tomon affar ichoow hay lamma tuumman, ilkerengeetti weene lagan a yabtaan.

Bakkaahit 11:2 ပူးပေါင်းရင်းမြစ်များ

Mattaayo 27:53

Icho la hawwaalo goya kasoobaheen. Inkoo Yeesso omoot kasookahe ka ilkerengeetti weene lagane Yeerusaleem irteene, ꞌdooꞌdi ittaawe la arge.

Mattaayo 4:5

Seytaan toro Yeesso khaate, ilkerengeetti weene lagane Yeerusaleem ka minki Waakhe buure guutiis korche.

Mattaayo 5:13

“Atin a magaaꞌddi weeli enenyet tuumman. Iꞌdaasenyi magaaꞌde chiꞌiche gimbatiche waayte, saggoh toro liigimbaacha? Kola walah iche iroontahe mele, khubnaanki lakhubo enenyet yabti on menye.

Luuka 21:24

ꞌDooꞌd gaasoo birlabbe lakabakkicha, gaasoo laka lakhabta harra tuumman liibooliya. Ilkerengeetti weene Yeerusaleem la ꞌdooꞌdi Waakh igaran yabta, uskulaacha ichoowka ibeenneti ꞌdooꞌdi Waakh igaran labuuhicha.

Ibiraaniya 10:29

Eheet a, eti Weeli Waakh daddabho la mehe imale? Eti diiggi ayyinti Waakh gooche enenyet munyaacho wohoo biꞌdire ikhaato mehe imale? Toro la eti Rubeyti Munyeenye haaggi Waakhe buure inno siisso abaare mehe imale? Sinati eta imasse Waakh igoocho, buur ka geeddoo meheenye kakhayanta?

Bakkaahit 11:11

Iꞌdaasenyi inkoo ibeenneta seyyah ichoow nyuuse kuteen ka, Waakh ꞌdooꞌda lammee neebsihi jiro kaafuufe, icho la sootolossateene, eti tuummane icho arge la weyti nahe.

Bakkaahit 11:3

Ani la ꞌdooꞌdeeyki lammeenye garti runteey laabo miig a siicha, icho la maan alifoo ichoow kud lamma ichoow lih Waákhe íyeyyeedaan. Icho la ingaꞌdaaꞌdiyyo gessataan.”

Bakkaahit 12:6

Makhaabale hidaad ka inti goorat Waakh iyeele ifiridde, ꞌdee herti Waakh ibeen alifoo kud lamma ichoow ibeen tomon lih goollissa.

Bakkaahit 21:10

Herta Waakh la Rubeyti Waakh iwoytaayi haloo weyti deer isiꞌdde. Iche la Ilkerengeetti Weene Lagane Yeerusaleeme Waakh katamiite goobi Waakh kasookhubatti itusse.

Bakkaahit 21:2

Anna Ilkerengeetti Weene Lagane Yeerusaleeme husube goobi Waakh ka sookhubatti arge. Ilkerengeetta a iꞌdi inanti ladiso tannabatte eti disti gaaddi haaggan igessatte.

Bakkaahit 22:19

Chiꞌ etoo buugga eti Waákh íyeyyeedo chiire yeedassoo kabahche la, Waakh rubeytiis etaas gisiiski gurnaanki geeyi jiro lakaꞌhelo a kakhaata toro ilkerengeetti weene lagan goya gelin a tirta. Wahanyeyyoha tuumman buugga ka a ladowdowe.