Bakkaahit 11:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ ꞌDeerka minki Waakhe buurenye goobi Waakh kijiro lafure, saanduukhi ayyinti Waakh gooche tuso, minki Waakhe buure goya kajiro laarge. Ankhad il guꞌddeene, borooꞌd ichoow karkaraho yeedeene, harra sesseehte, dagahti baraafo laka weyti serey kasookhubatte.

Bakkaahit 11:19 ပူးပေါင်းရင်းမြစ်များ

Bakkaahit 11:13

Sahaꞌddaas on harra weyti sesseehte, ilkerengeettaas ween goonan tomon goyaka goonankoo bar waaye. Harrataas sesseehte ka ꞌdooꞌdi elif teebee tuume, ki sooꞌhade la weyti nahe, Waakkhi goobi Waakh ka harra dakhti koolicheen.

Bakkaahit 11:15

Herti Waakhe teebannaatteet arabiche afuufte, hooyassi buure la goobi Waakh ka sooyeedeene, wihi icho yidaaheen, “Dakhi harra, dakh Kamureen ichoow koo Lasubhehiissa yitaaheen. Ulla jirtuu tuummane harra dakhta.”

Bakkaahit 12:1

Girmohoo buure sereyta daayan kasoobaheen. Makhaabassoo orrahe kaankubantahe soobahte. Iche la yeyyahe katolossa, ꞌduubi bakkaal tomon ichoow lamma khabo la matah kakhabta.

Bakkaahit 16:1

ꞌDeerka hooyoo buurenye minki Waakhe buure goya kasooyeede herti Waakhe teebee leeyeede daage, wihi us iyidah, “Nyaama, irda, holi Waakhe baakhuulleti teebee kijiro, harra kakhuba!”

Bakkaahit 16:18

ꞌDeerka ankhad ichoow borooꞌd ichoow karkaraho ba soobaheene, harra la weyti sesseehte. Uuꞌ Waakh harra soouume, injire harra geedda ma sesseehin, a mehe harra saggoo uskule isesseehte.

Bakkaahit 16:21

Dagahti burbuurenye baraafo, kooba geeddi kiilo tomon affare serey ka enenyet kasookhubatte. Enenyet jeenteti sinata weyti buurenye dagahti baraafo keentuu Waakh igafe, a mehe sina weyti suuj eheet.

Bakkaahit 19:11

Goobi Waakh usuhi fahan arge, faraꞌdoo dakhan arge. Eti faraꞌda fuulo la magahiis mehe layadeeh ya, Ki Lakakhuufo, Rum Leh. Usu jiti fissane enenyet kahukkuma, toro la diho irta.

Bakkaahit 4:1

Waha ꞌdubicho ka toro fooltabchotoo afafhi goobi Waakhe furan arge. Hooyi kootte saggi arabi laafuufo iyeedo an daage toro ileeyeede, wihi us iyidah, “Inta saraat amiite, wihi Waakh gooche inkoo waha kuteen sooyateeh a kituso.”

Bakkaahit 4:5

Kombortaas antoot la ankhad ichoow borooꞌd ichoow karkaraho kasoobahe. Kombortaas orche ka la oor teeba ꞌdab kabolkho jirta. Oorassa la a rubeyohi Waakhe teebee.

Bakkaahit 7:15

Maantaka, “icho komborti Waakhe antoote ortiis toollaane, maalim ichoow ibeen minkiiski buure ka usu ihilaan. Waakkhi kombor kafiddiyo la eematiis ka icho a ogooga.

Bakkaahit 8:5

ꞌDeerka hertaas Waakh jilho koondihi gaꞌdaar kakhaatte, khulaam buuhisse, harra isaate. Karkaraho ichoow borooꞌd ichoow ankhad la soobaheene, toro harra laka sesseehte.

Bakkaahit 8:7

Herti Waakhe oraat arabiche afuufte, dagahti baraafo ichoow ꞌdabi diig kawarsanyahe harra kasookhubteen. Harra goonan seyyah ka goonankoo ꞌdab massiche. Geeyo goonan seyyah goyaka goonankoo ꞌdab massiche, hoosi ulhaw tuumman laka ꞌdab massiche.