Bakkaahit 11:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Yaafohi Waakh igaran a holloweene, holaah la a yimiy. Ibeenki at ꞌdooꞌdi tuume hukkunto, at ꞌdooꞌdi falfayyohaahenye kiyeyyeedo, ichoow ꞌdooꞌdi Waakh ichoow eti tuummane kaarooro, ki ween ichoow ki rucchul ba at kalaꞌd gutto a yitah. Toro la ibeenki at ꞌdooꞌdi harra ka enenyet bakkicho baabiisso a yitah.”

Bakkaahit 11:18 ပူးပေါင်းရင်းမြစ်များ

Mattaayo 5:12

Girꞌdaama weyti hamaada giꞌde. Waakh goobiis ka kalaꞌddi buurenye atin gutaa. A mehe ꞌdooꞌdi Waákh íyeyyeedo goorat saggaas on sina liiomhiche.

Luuka 1:50

Kamur la kholoyyohi soomaro tuumman ka, ꞌdooꞌdi usu karooro uure inugleesta.

Ibiraaniya 9:27

Wihi Waakh gooche a mehe ya, weeli enenyet tuumman ebba koloo on yamuute, ꞌdee Waakh hukkuma.

Bakkaahit 10:7

Maanti herti Waakhe teebannaatteet arab sooafuufto, wihi dagsane Waakh isoobabbakkaahin, saggi us ꞌdooꞌdi Waákh íyeyyeedo falfayyohiise icheeke on u, Waakh a buuhicha.”

Bakkaahit 11:2

Iꞌdaasenyi uranti minki Waakhe buure khariis tuumman geeddiis arerreegin. Iꞌdi tahe ani intaas ꞌdooꞌdi Waakh igaranne siiche. Icho la hay tomon affar ichoow hay lamma tuumman, ilkerengeetti weene lagan a yabtaan.

Bakkaahit 13:10

Eti tuummane boolinnaan liigooche a labooliya. Eti tuummane birlab ka omoot liigooche, birlabe lakayagiis. Wihi ꞌdooꞌd Kiriisto lakaꞌdoono a ichohi garrahsati, Waakh kakhuufo.

Bakkaahit 13:16

Ulla weeli enenyet tuumman laka ihosse, ki ween ichoow ki rucchul, ki kamure ichoow ki miskiine, ki bowꞌdee ichoow ki bowꞌda ieheynan ba, ꞌdee dahanohichoki miigeet ka ommos miinassicho ka sumat a lagesso.

Bakkaahit 14:10

ullaka farsoti sabiibe holi Waakh itolosso soodama. Hola la, farsoti sabiibe miigenye bicchehoo rucchul laka liikakhayine kokkoob lakachibo liiokkanaache. Waakh eta herti Waakhe munyee ichoow Heleem ortiis ka dagahti bolokhto ka weyti bolokh tusa.

Bakkaahit 15:1

Goobi Waakh ka toro wohoo buurenye girmeenye miigti Waakh tuso arge. Herti Waakhe teebeenye sinayyohi teebeenye harra yaham sookhaatto arge. Waha a sinayyohi ꞌdaꞌddaboot, a mehe sinayyohaas ka holi Waakh a massata.

Bakkaahit 15:7

Wahanyeyyohi affarenye lasoouume rubey khabo kichekoo herti Waakhe teebee kooba baakhuuli ꞌdahabe, holi Waakkhi jirtuu tuumman jiro buuho idiibte.

Bakkaahit 18:6

Iꞌdi iche atin yeesse, atin laka iche iyeela. Suujoonki iche atin iyeesse, kol lammatiis iche iyeela. Farsoti uskule iche kokkoobiche atin ikawarasse, kol lammatiche ikawarsa.

Bakkaahit 19:15

Afiis la birlabi af lehe us yaafo kabaabiicho kasoobaha. “Ulla wussi gaꞌdaar ka icho a dakhta.” Gurnaanki sabiibe inti gurnaan lakayabti kijiro a yabta. Waha la holi Waakkhi Miig Tuumman Lehe itoollaan.

Bakkaahit 19:18

ꞌdee sarti karnatoot ichoow ti ꞌdooꞌdi iskar iwewween ichoow ti iskarti mimmiige ichoow ti faraꞌdeet ichoow ti iskarti faráꞌd fuusso amha. Sarti bowꞌdayyoot ichoow ti ꞌdooꞌdi bowꞌdayyo ieheynan ichoow sarti ꞌdooꞌdi wewween ichoow ti ꞌdooꞌdi ꞌdaꞌddaran amha.”

Bakkaahit 19:5

ꞌDeerka komborti antoot ka hooyoo sooyeede wihi us yidah, “Atinhi ilbooyyetiise tuumman, atinhi usu karoortaan, atinhi rurrucchul ichoow atinhi wewween, taba Waakkheen koolicha.”

Bakkaahit 20:12

Anna ꞌdooꞌdi tuume, ki mimmiige ichoow ki ꞌdaꞌddaran ba usuhi komborta antoot ortiis toollo arge. Buuggag la laaffure. Buuggoo addane magahenyeti ꞌdooꞌdi jiroti imassan ꞌhelo kachiiranyahe lafure. ꞌDooꞌdi tuume ebba wihi us goorat yeele buuggag goya kachiiran ka lahukkume.

Bakkaahit 20:15

Chiꞌ etoo magahiis buuggi ꞌdooꞌdi jiroti jirtuu imassan ꞌhelo goya liikaꞌhelin, beyti ꞌdabe goya liiseye.

Bakkaahit 22:12

Yeesso la toro wihi us yidah, “Nabah suda! An dowwanoha ka guunnaankeey khabaayi a amiit. Gunnaanka an ebba guto ichoow wihi icho goorat yeeleen ba a israahaan.