Bakkaahit 11:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ wihi us yidah, “Kamuri Waakhenye Miig Tuumman Leh, ki toolla jiro goorat tuumman jire, jeenteti at miigtaahti buure ikhaatte, enenyet dakkhan isookhabattuu kalaꞌde kisoolaabna.

Bakkaahit 11:17 ပူးပေါင်းရင်းမြစ်များ

Mattaayo 11:25

Yeesso chirraakka weeste wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse.

Luuka 10:21

Yeesso chirraakka usuhi Rubeyti Munyee hamaadi buure ka rubeytiis buuhisse, wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse. Aa! Aabbahaaw, wihi kaahamaadicho gon wahaase.

Yoohana 11:41

Daddaab hawwaal afiche lakabahche. Yeesso ꞌdeerka serey yeye, wihi us yidah, “Aabba, jeenteti at ani idaagtuu, kalaꞌde kisoolaaba.

2 Koriinto 2:14

Iꞌdaasenyi Waakkhi chirrar tuumman girꞌdaanki soorin Kiriisto ka inno woyo kalaꞌd ilaabno. Waakh nah ka wor Kiriistoki lagarti iꞌdi uyuuggi haaggan u, meel tuummane kataaꞌhicha.

2 Koriinto 9:15

Waakh kalaꞌd ilaabno jeenteti siintiisti buurenye inno af ka wihiche cheekin iubaaꞌdan u.

1 Timooti 1:12

An Yeesso Kiriistohi Kamureene weyti kalaꞌd ilaaba. Us a imiigooche toro eti lakakhuufo iekkaache, hiliis ikorche.

Bakkaahit 1:4

Buugga eti atin isoochiiro a Yoohana. Ururre Kiriistoti an ichiiro la a ti teebeenye ili Aassiya kijirto. Waakkhi toolla jiro, goorat laka jire, toro jirtuu tuumman soojiro, ichoow rubeyohi teebeenye kombortiisti antoot ortiis kijiro ba atin imaalaane nebey atin kakaalaan.

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Bakkaahit 11:15

Herti Waakhe teebannaatteet arabiche afuufte, hooyassi buure la goobi Waakh ka sooyeedeene, wihi icho yidaaheen, “Dakhi harra, dakh Kamureen ichoow koo Lasubhehiissa yitaaheen. Ulla jirtuu tuummane harra dakhta.”

Bakkaahit 15:3

geey Muusahi falfati Waakhe ichoow geeyi Heleem laka doween, “Kamuri Waakhenye Miig Tuumman Leh, wihi at yeesso geeddoo meheenye haag ichoow girma yahiin! Karnati yaafo tuummanoow, wihi at yeesso a wihi rummaate am at kareeto mele.

Bakkaahit 16:14

Icho a rubeyohi ginnayyohi girmo tuso. Ginnayyoha karnatohi harra tuummane iirtaane, ꞌdee ibeenki weene Waakkhi Miig Tuumman Leh ka diho iururichaan.

Bakkaahit 16:5

ꞌDeerka herti Waakhe bicche itolosso ichehi waha elatti daage, “Atihi Munyee, ki toolla jiro, goorat tuumman laka jire, at a fissantahe jeenteti sinayyoha at ꞌdooꞌdi ati kigaran ikagoosse u.

Bakkaahit 16:7

Ani la hooyoo koondihi gaꞌdaar ka sooyeede daage, “Aa, Kamuri Waakhenye Miig Tuumman Leh, hukkunka at ꞌdooꞌd igoosse a wihi rummaate toro fissan.”

Bakkaahit 18:8

Maantaka ibeenkoo kaldach on sinayyohiche iche kahataataane, omoot ichoow oytim ichoow abaár ikeena. Iche ꞌdabe yaham, a mehe Kamuri Waakhenye ween iche a hukkuma.”

Bakkaahit 19:11

Goobi Waakh usuhi fahan arge, faraꞌdoo dakhan arge. Eti faraꞌda fuulo la magahiis mehe layadeeh ya, Ki Lakakhuufo, Rum Leh. Usu jiti fissane enenyet kahukkuma, toro la diho irta.

Bakkaahit 19:6

ꞌDeerka toro hooyi iꞌdi ururi ꞌdooꞌdi buurenye kowdootee daage. Hooya la a iꞌdi bicchehi sookhubti, toro la iꞌdi karkaraho iyeeda. Icho la wihi icho yidaaheen, “Okkhoow weyti kikoolinna! Iꞌdi tahe Kamuri Waakhenye Miig Tuumman Leh, usu walah tuummamba anta.