Bakkaahit 11:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Herti Waakhe teebannaatteet arabiche afuufte, hooyassi buure la goobi Waakh ka sooyeedeene, wihi icho yidaaheen, “Dakhi harra, dakh Kamureen ichoow koo Lasubhehiissa yitaaheen. Ulla jirtuu tuummane harra dakhta.”

Bakkaahit 11:15 ပူးပေါင်းရင်းမြစ်များ

Mattaayo 24:31

Ulla Herti Waakhe arabi fallee afuufto harra ierga, iche la ꞌdooꞌdi Waakh soobahsate harra ꞌdollohiche affarcho ichoow sereyta daayan ꞌdollohiche tuumman kasoobaayissa.

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Luuka 1:33

Ulla nyaakhut nyaakhut Yaakoobo jirtuu tuummamba dakhta, dakhiis la yombuu ma massati!”

Luuka 15:10

Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

Luuka 15:6

goob keena. Ulla ꞌdeerka ollokkiis ichoow aalassiis dakkhamba waha wihi us iyadeeh, ‘Kaaleya a isleehamaano, iꞌdi tahe naffeeyki iiyyaate kootte baabe a ꞌhele.’

Hilassi Ergaano 4:26

Karnatohi harra tuumman ꞌduul a sookahcheen, weynaane la a tossatte, Waakkhi Kamure ichoow Lasubhehiis ꞌdiiꞌdeen.’

Ibiraaniya 1:8

Iꞌdaasenyi Waakh wihi weeliis miinsane us iyidah, “Okkhoow, kombortaahti antoot jirtuu tuumman ma massatti, at la wussaah ka jiti rummaate ꞌdooꞌdaah kadakhatta.

Bakkaahit 10:7

Maanti herti Waakhe teebannaatteet arab sooafuufto, wihi dagsane Waakh isoobabbakkaahin, saggi us ꞌdooꞌdi Waákh íyeyyeedo falfayyohiise icheeke on u, Waakh a buuhicha.”

Bakkaahit 12:10

An ꞌdeerka hooyoo buure goobi Waakh ka daage, wihi us yidah, “Toolla ribnaan ichoow miig ichoow dakhi Waakkheen, ichoow anto Lasubhehiis a yimaateen. Iꞌdi tahe ki ꞌdooꞌdeenki Kiriisto rummeeste cheekti, ibeen ichoow maalim ba Waakh ortiis ka cheekti goobi Waakh a lakasooseye.

Bakkaahit 15:4

Kamuroow ayyo ikaaroorine, magahaah ikoolin? A mehe ati kalday on munyee. Yaafohi harra tuumman a yamiitiine, toro ati kiwahtaan. Iꞌdi tahe wihi fissane at yeesso a soobabbakkaahisse.”

Bakkaahit 16:17

Herti Waakhe teebannaatteet wihi baakhuuliche kijire, hafar kakhubte. Hooyoo buure minki Waakhe buure goyaka komborti antoote Waakhe ka usuhi sooyeedo daage, wihi us yidah, “Walah tuumman a massateen.”

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Bakkaahit 19:1

Waha ꞌdubicho ka goobi Waakh ka wihi iꞌdi kowdoti ururi ꞌdooꞌdi weyti ittaawee daage, wihi us yidah, “Okkhoow, weyti kikoolinna! Ribnaan ichoow weynaan ichoow miig ati leh!

Bakkaahit 19:6

ꞌDeerka toro hooyi iꞌdi ururi ꞌdooꞌdi buurenye kowdootee daage. Hooya la a iꞌdi bicchehi sookhubti, toro la iꞌdi karkaraho iyeeda. Icho la wihi icho yidaaheen, “Okkhoow weyti kikoolinna! Iꞌdi tahe Kamuri Waakhenye Miig Tuumman Leh, usu walah tuummamba anta.

Bakkaahit 20:4

ꞌDeerka komborohi antoot arge, ꞌdooꞌdi komboroha kafiddiyo la, antohi icho ꞌdooꞌd kahukkumaan a lasiiche. Toro ꞌdooꞌdi jeenteti us wori rummaate koo Yeessee ichoow Yeedi Waakh icheeko matahenye laaggooche arge. ꞌDooꞌda la a ki binahi oraat ommos iyookkoti binahaas iwahanne toro sumatti binahaas miinassicho ommos dahanohicho ka iꞌhelin. Icho la omoot a lakasookahche, guꞌh alifoo Kiriisto harra leedakhtaan.

Bakkaahit 8:12

Herti Waakhe affarnaatteet arabiche afuufte. Orrah ichoow yeyyah ichoow yiyyihimo goonan seyyah goyaka goonankoo guꞌddeene, jeentetaas u goonan seyyah goyaka goonankichokoo mugꞌdi yitah. Maalim goonan seyyah goyaka goonankoo banay ma khabo, ibeen goonan seyyah goyaka laka goonankoo banay ma khabo.

Bakkaahit 9:1

Herti Waakhe channaatteet arabiche afuufte, anna bakkaaloo sereyta daayan ka harra kasoodihe arge. Waakh la bakkaalaas furoti afafhi ankhari dahane ieleelin siiche.

Bakkaahit 9:13

ꞌDeerka herti Waakhe lihnaatteet arabiche afuufte, ani la gaasohi affarenye koondihi gaꞌdaare ꞌdahab katoollo Waakh ortiis kijirto ka, hooyoo yeedo daage.