Bakkaahit 11:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Sahaꞌddaas on harra weyti sesseehte, ilkerengeettaas ween goonan tomon goyaka goonankoo bar waaye. Harrataas sesseehte ka ꞌdooꞌdi elif teebee tuume, ki sooꞌhade la weyti nahe, Waakkhi goobi Waakh ka harra dakhti koolicheen.

Bakkaahit 11:13 ပူးပေါင်းရင်းမြစ်များ

Yoohana 9:24

Koli lammaatteet inokhteene, eti indo laa waheene wihi icho iyidaaheen, “Waakh kooli, eta kisamaache saggi us eti uskeel leh iyahe a garanna.”

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Bakkaahit 11:11

Iꞌdaasenyi inkoo ibeenneta seyyah ichoow nyuuse kuteen ka, Waakh ꞌdooꞌda lammee neebsihi jiro kaafuufe, icho la sootolossateene, eti tuummane icho arge la weyti nahe.

Bakkaahit 11:19

ꞌDeerka minki Waakhe buurenye goobi Waakh kijiro lafure, saanduukhi ayyinti Waakh gooche tuso, minki Waakhe buure goya kajiro laarge. Ankhad il guꞌddeene, borooꞌd ichoow karkaraho yeedeene, harra sesseehte, dagahti baraafo laka weyti serey kasookhubatte.

Bakkaahit 14:7

Iche la hooyi buure ka wihi iche tidah, “Taba, Waakh karoora, toro la saaꞌda! Iꞌdi tahe ibeenki Waakh weeli enenyet hukkumo a yitah. Waakkhi serey ichoow harra ichoow bey ichoow indohi biccheet ba soouume, wahda.”

Bakkaahit 15:4

Kamuroow ayyo ikaaroorine, magahaah ikoolin? A mehe ati kalday on munyee. Yaafohi harra tuumman a yamiitiine, toro ati kiwahtaan. Iꞌdi tahe wihi fissane at yeesso a soobabbakkaahisse.”

Bakkaahit 19:7

Weyti hamaano, weynaantiis koolinno! Iꞌdi tahe oroosi Heleem a yitah. Inantiisti us disti la a istannabisse.

Bakkaahit 3:4

Iꞌdaasenyi Sardi ka ꞌdooꞌdoo rucchule uskeel iskasoohosse a khabtaan. ꞌDooꞌda gaaddi daddakhane gessata ileesohta, a mehe waha a wihi icho imale.

Bakkaahit 6:12

Ani Heleem usuhi hanjati lihnaatteet bukkhiche ꞌdeyꞌdooche. Harra weyti sesseehte. Orrahe urgiite iꞌdi sakkaassi kolleyteet u daayatte, yeyyah tuumman urgiye guꞌduuꞌddi diig bahche.

Bakkaahit 8:5

ꞌDeerka hertaas Waakh jilho koondihi gaꞌdaar kakhaatte, khulaam buuhisse, harra isaate. Karkaraho ichoow borooꞌd ichoow ankhad la soobaheene, toro harra laka sesseehte.