Bakkaahit 11:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Weeli enenyete harra kijiro tuumman la omootti ꞌdooꞌda lammee weyti kahamaada, siimohi icho isiergaan ka sukuuku bahchaan. Iꞌdi tahe ꞌdooꞌda lammeenye Waákh íyeyyeedo ꞌdooꞌdi harra kijiro tuumman weyti bolokh ikeene.

Bakkaahit 11:10 ပူးပေါင်းရင်းမြစ်များ

Mattaayo 10:22

Enenyet tuumman a atin ꞌdiiꞌda jeenteti atin abattiteey itahiin u. Iꞌdaasenyi, eti garrahsate ichoowka sinata ꞌdubiche eleele a lariba.

Yoohana 16:20

Rume atin icheeka, atin a ooytaane, uuwwissaane, iꞌdaasenyi ꞌdooꞌdi wahanyeyyohi harratane sussuuje raaho a hamaada. Atin a bolokhtaane, iꞌdaasenyi bolokkhiin a luurgiyicha hamaad lakayeela.

Yoohana 7:7

ꞌDooꞌdi wahanyeyyohi harratane sussuuje raaho walah us atin kaꞌdiiꞌdo mele, iꞌdaasenyi ani a iꞌdiiꞌda. Wihi us ikaꞌdiiꞌdo la, a jeenteti jiti icho kajiraane an cheeko a suuj ikadowo.

Hilassi Ergaano 5:33

Jaldaabe la chiꞌiche wahaas daagte ka, weyti hollowte, ergaano ogoos ꞌdoonte.

1 Koriinto 13:6

Uskeel ma kahamaado, iꞌdaasenyi wihi rummaat on kahamaada.

Bakkaahit 12:13

Khorojebsi inkoo us saggi harra liikasoolugꞌde kase ka, makhaabassi kootte inankoo desse kalooꞌde.

Bakkaahit 13:14

Binahi lammaatteet jeenteti binahi oraat orcho ka miigti us girmo kayeelo liisiichuu, ꞌdooꞌdi harra kijiro ekkeeste. Weeli enenyet amur ibahche ꞌdee iyookkotoo binahi oraate birlab ka lajiisooche uliba jiro lakiinkaanyito a haaggicho.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 16:10

Herti Waakhe channaatteet wihi baakhuuliche kijire komborti antoote too binahi oraate kakhubte. Harrati binaha dakhtaan tuumman la mugꞌdi kalday titah. Jeenteti bolokkhi uskul u enenyet harrabbe iskhaniine.

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.