Bakkaahit 10:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ ꞌDeerka hertaas Waakhe an arge bey ichoow harrati angagan katolosso dahanticheti miigeet goobi Waakh iokkhisse.

Bakkaahit 10:5 ပူးပေါင်းရင်းမြစ်များ

Hilassi Ergaano 14:15

“Era iꞌda ayeelina. Nah laka iꞌdiin u a weeli enenyet on. Nah Wori Haaggan on atin icheekna, ꞌdee waakkhassi ilmarhaatteete atin wahattaan urgiyissaane, Waakkhi jiro wahattaan. Ulla a Waakkhi serey ichoow harra ichoow beyohi burbuure ichoow wihi tuummane goyahicho kajiro soouume.

Hilassi Ergaano 17:23

Wihi tahe, geedda an ilkerengeettiin goya dah kagooche, an wahanyeyyohi atin wahattaan mujjum fiiriche, chalagtoo hoola lakasoorriyoocho waha kachiiranyahiine ꞌhele, Waakkhi Liigaran. Kaas chirri atin igaran laka atin wahattaan, iche toolla atin isoocheeka.

Rooma 1:20

A mehe uuꞌ goorat harra lasoouume, weeli enenyet saggi miigti Waakh jirtuu tuumman ijirto ichoow saggi us rumanka Waakh iyahe, a abte. Wahanyeyyoha Waakh leeyahe ma laargo, iꞌdaasenyi wihi Waakh soouume tuumman ka a lagarta. Jeentetaas u, wohoo rucchule icho laabaan ma khabaan.

Ibiraaniya 6:13

Maanti Waakh Aburaaham ayyintiis igooche a daatte. Et usu kaween mele gone, chuꞌus daatte, magahiissa on wahe.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Bakkaahit 10:2

Herta Waakh la khadaaboo rucchule yuubane furane dahan kakhabta. ꞌDaꞌddabicheki miigeet beytoo buure katoollisse, ꞌdaꞌddabicheki gurro la harrati angagan katoollisse.

Bakkaahit 14:7

Iche la hooyi buure ka wihi iche tidah, “Taba, Waakh karoora, toro la saaꞌda! Iꞌdi tahe ibeenki Waakh weeli enenyet hukkumo a yitah. Waakkhi serey ichoow harra ichoow bey ichoow indohi biccheet ba soouume, wahda.”

Bakkaahit 16:17

Herti Waakhe teebannaatteet wihi baakhuuliche kijire, hafar kakhubte. Hooyoo buure minki Waakhe buure goyaka komborti antoote Waakhe ka usuhi sooyeedo daage, wihi us yidah, “Walah tuumman a massateen.”

Bakkaahit 4:11

“Kamuraanyaaw ichoow Waakkhaanyaaw, saaꞌdo ichoow inkaanyit ichoow miigti at ꞌhesso a kimaleen. A mehe ati on walah tuumman soouunte, ꞌdoonintaah ka walah tuumman a soouunte, toro la walah tuumman jiro a khabaan.”

Bakkaahit 4:9

Chirbaaw wahanyeyyoha affarenye lasoouume rubey khabo Waakkhi jirtuu tuumman jiro komborti antoot kafiddiyo saaꞌdaane, inkaanyit tusaane, toro la kalaꞌd ilaabaan,