Bakkaahit 10:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Toro hertoo addane Waakhe miige ichehi goobi Waakh kasookhubatti arge. Iche la mirisoo dakhane kaankubane matakkiche la moose kamarsan. Fooliche la iꞌdi orraheet u a ababa, luhlohiche la a iꞌdi tirrimmeti ꞌdabi buure.

Bakkaahit 10:1 ပူးပေါင်းရင်းမြစ်များ

Mattaayo 17:2

ꞌDeyꞌdoossaayi, Yeesso luurgiyiche, fooliis urgiye iꞌdi orraheet u ababe, gaaddiis la iꞌdi banay u dakhnaatte.

Luuka 21:27

Geeddaakka Ínam Aadam usuhi miris goyaka yamiite, miig ichoow antohi buure khabo argaan.

Hilassi Ergaano 26:13

Eti weenoow, geeddi maalimeet jit raahaayi banayhi serey kayimiyye wihi orraheet laka kaababo ani ichoow ꞌdooꞌdi kootte iraaho ꞌdolloheenyo guꞌddeen.

Bakkaahit 1:7

Yeya, Yeesso mirise leeyamiite, weeli enenyet tuumman usu a arga, ꞌdooꞌdi goorat usú ꞌhune laka usu a arga. Jeentetiis u yaafohi harra tuumman a ooyaan. Iꞌdaas la a titaahe giꞌde! Aamiin.

Bakkaahit 18:1

Waha ꞌdubicho ka, hertoo Waakhe addan ichehi goobi Waakh kasookhubatti arge. Herta Waakh la antohi buurenye khabta, ababnaanki iche ababto la harra tuumman banaynoocheen.

Bakkaahit 18:21

ꞌDeerka hertoo Waakhe weyti miige daddaabtoo iꞌdi daddaabti buurenye gurnaan lakatumee okkhisse, bey goya isaate, wihi iche tidah, “Miigti buurenye iꞌdee ka, ilkerengeetti weene Baabiloon a lasoolugꞌda, yombuu la toro ma laꞌhelo.

Bakkaahit 20:1

Ani la hertoo Waakh ichehi goobi Waakh kasookhubatti arge. Iche la furoti ankhari dahane ieleelin ichoow biingotoo miigenye khabta.

Bakkaahit 4:3

Ki intaas fiddiyo la mehe iyoogyahe ya, banayhoo dagahtoo gato miigenye ulhaw ichoow too guuꞌddan. Moosi Waakh iꞌdi daakkoo ulhawe weyti bildiikhuu, komborti antoote kamarsanyahe.

Bakkaahit 5:2

Toro hertoo Waakhe miigenye hooyi buure ka riirte arge. Wihi iche tidah, “Ayyo muꞌdane hanja bukkhicha, ꞌdee khadaaba yuuban fura?”

Bakkaahit 8:13

An ꞌdeyꞌdoochaayi, gabaddi serey katariꞌde hooyi buure ka riirto daage. Iche la wihi iche elatti, “Uuwwiy! Uuwwiy! Sinati weeli enenyete harra kijiro isoosohatti eenna a buure, jeenteti hooyi arabi herti Waakhe addane seyyahe dowwanoha ka isooafuuftuu!”