Bakkaahit 1:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

Bakkaahit 1:9 ပူးပေါင်းရင်းမြစ်များ

Mattaayo 20:23

Yeesso la wihi us iyidah, “Rumanka, kokkoobeey a kadaantaane, iꞌdaasenyi eti ankeeyki miigeet ommos ankeeyki gurro orronti ani mee goocho. Meelassa a ti ꞌdooꞌdi Aabbaheey iyeele.”

Marko 10:39

Wihi icho ilaabeen, “Aa, a nabuuꞌd.” Yeesso la wihi us icho iyidah, “Kokkoobi an damo a dantaane toro la baattissiyoti liibaattissiyo ka laka atin labaattissiya.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Rooma 8:17

Inno a nyaakhutiissa gone, wihi Waakh nyaakhutiis siicho a muꞌdannahe. Toro wihi Waakh Kiriisto siicho laka a leeꞌhella. A mehe chirri rumanka inno sinati usu lakawaariche leegisanno, weynaanti usu laweynaacho laka a leegisanna gon.

Rooma 8:25

Chirri inno wohoo inno iꞌhelin khajjeel kakhabno la, inno a garrahsanna, wahaas sugna.

2 Koriinto 1:7

Khajjeeli nah atin kakhabno la ma sesseeho. A mehe wihi nah tissibno saggaas atin sinayyo nah ileegisantaan u, khoboonnaanki Waakh uur nah khoboocho a nah leegisantaan.

Fiiliffi 1:7

Ani uure atin kakhaba gone, a mujjum chirri an iꞌdaasu atin tuumman atin kamaldi. A mehe chaꞌan hidanahe ommos kootiin ka saggi Wori Haaggan rum iyahe ꞌdooꞌd icheeko, atin tuumman hila haaggi Waakhe buure a ileegisantaan.

Fiiliffi 4:14

Iꞌdaasenyi, atin weyti haaggisseen maanti atin sinati an kajire ka igargaarteen.

2 'Dessaloonika 3:5

Kamur ba uurassiin woya, ꞌdooninti Waakh atin ꞌdoono geeddiche ichoow garrahsihi Kiriisto lakeelo tuum abattaan.

2 Timooti 1:8

Maantaka wihi atin garattaane Kamureen miinsan cheekin akuuryaawina. Ommos wihi anihi jeentetiis u jeela kajiro imiinsan cheekin akuuryaawina. Iꞌdaasenyi miigti Waakh ka sinati jeenteti inno Wori Haaggan icheeknuu inno taham ileegisma.

Ibiraaniya 10:36

Wihi toolla atin lakaꞌdoono a garrahsi, ꞌdee chaꞌatin wihi Waakh ꞌdoono yeesseen ka, wihi us ayyiche ꞌhessaan.

1 Beetero 5:1

Maantaka, wihi an ewweenki urur Kiriisto woyo daaho a waha. Ani laka a ewweenkoo iꞌdiinenye, toro la garti saggi Kiriisto sina liiomhiche a laaba. Ani laka maanti us soonokhti weynaantiis a leegisma.

Bakkaahit 1:1

Waha a wori Yeesso Kiriisto miinsane ani liisoobabbakkaahiche. Waakh Yeesso Kiriisto waha a siiche, ꞌdee falfayyohiis wihi dowwanoha ka sooyateeh tusa. Kiriisto la hertiistoo Waakhe ilbooyiiski Yoohana layadeeh isooerge, wora icheeke.

Bakkaahit 1:2

Yoohana la wihi us arge tuummane cheeke. Yeedi Waakh ichoow runti Yeesso Kiriisto usu tuse iche chiire.

Bakkaahit 1:4

Buugga eti atin isoochiiro a Yoohana. Ururre Kiriistoti an ichiiro la a ti teebeenye ili Aassiya kijirto. Waakkhi toolla jiro, goorat laka jire, toro jirtuu tuumman soojiro, ichoow rubeyohi teebeenye kombortiisti antoot ortiis kijiro ba atin imaalaane nebey atin kakaalaan.

Bakkaahit 1:6

Toro la karnat ichoow kuhaaniyyohi usu harra leedakhti toro la Waakkhi Aabbahiise ihilo inno kayeele. Us ba lakoolicha, miigtiis la laarga jirtuu tuummamba. Aamiin.

Bakkaahit 11:7

Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

Bakkaahit 12:11

ꞌDooꞌd Kiriisto diiggi Heleem ka ichoow wori rummaate icho cheekeen ka Seytaan a sooricheen. Toro la chirri icho layagiis laka, icho omoot ma karoorin.

Bakkaahit 12:17

Khorojebsi ꞌdeerka makhaabál ihollowe, nyaakhuticheki addan diho kiirte. Waha la a ꞌdooꞌdi amurreti Waakh raaho, toro la runti Yeesso soobabbakkaahiche kakhuufo.

Bakkaahit 13:10

Eti tuummane boolinnaan liigooche a labooliya. Eti tuummane birlab ka omoot liigooche, birlabe lakayagiis. Wihi ꞌdooꞌd Kiriisto lakaꞌdoono a ichohi garrahsati, Waakh kakhuufo.

Bakkaahit 14:12

ꞌDooꞌdi Waakhe amurreti Waakh raaho toro Yeesso kakhuufo ichohi samacchaarenye garrahsati laꞌdoona.

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Bakkaahit 20:4

ꞌDeerka komborohi antoot arge, ꞌdooꞌdi komboroha kafiddiyo la, antohi icho ꞌdooꞌd kahukkumaan a lasiiche. Toro ꞌdooꞌdi jeenteti us wori rummaate koo Yeessee ichoow Yeedi Waakh icheeko matahenye laaggooche arge. ꞌDooꞌda la a ki binahi oraat ommos iyookkoti binahaas iwahanne toro sumatti binahaas miinassicho ommos dahanohicho ka iꞌhelin. Icho la omoot a lakasookahche, guꞌh alifoo Kiriisto harra leedakhtaan.

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.

Bakkaahit 6:9

Chirri Heleem hanjati channaatteet bukkhiche ka, koondihi gaꞌdaar iliis ka rubeyohi ꞌdooꞌdi jeenteti us Yeedi Waakh ichoow runti Yeesso miinsan icheeko liibakkiche arge.

Bakkaahit 7:14

Wihi an ilaabe, “Eti ween, ati a garatta.” Ulla wihi us isoolaabe, “Waha a ꞌdooꞌdi sinati buure goya kasoobahe, a ꞌdooꞌdi kabuuꞌddeticho diiggi Heleem lakadikhe, ladakhnaache.