Bakkaahit 1:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Yeya, Yeesso mirise leeyamiite, weeli enenyet tuumman usu a arga, ꞌdooꞌdi goorat usú ꞌhune laka usu a arga. Jeentetiis u yaafohi harra tuumman a ooyaan. Iꞌdaas la a titaahe giꞌde! Aamiin.

Bakkaahit 1:7 ပူးပေါင်းရင်းမြစ်များ

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Mattaayo 16:28

Rume atin icheeka, gaasiinkoo maanta inta kijiro, omoot ma argo geeddi icho Ínam Aadamhi dakhiis khabaayi yamiit iargin.”

Mattaayo 24:30

“Maantaas wihi emeetti Ínam Aadam tuso serey ka a soobahaane, yaafohi harra tuumman la ooyaan. Ínam Aadam usuhi mirsohi saraat fuulo miig ichoow weynaanti buure khabaayi yamiit argaan.

Mattaayo 25:31

“Maanti Ínam Aadam herti Waakh khabaayi miigtiis leesoonokhti, kombortiisti antoote karnatoote koorronta.

Mattaayo 26:64

Yeesso wihi us ilaabe, “Aa! A iꞌdaas maanta at tidah on. Iꞌdaasenyi wihi an atin tuumman atin iadeeh, ꞌdee berri Ínam Aadam usuhi Waakkhi Miig Leh anki dahantiisti miigeet fiddiyo toro mirsohi saraat fuulaayi yamiit a agartaan.”

Marko 13:26

“Maantaas Ínam Aadam usuhi mirso goyaka yamiite, miig ichoow antohi buure khabo weeli enenyet tuumman a arga.

Marko 14:62

Yeesso la wihi us iyidah, “Aa, a ani. Ínam Aadam la usuhi Waakkhi Miig Leh anki dahantiisti miigeet fiddiyo toro mirsohi saraat fuulaayi yamiit a agartaan.”

Luuka 21:27

Geeddaakka Ínam Aadam usuhi miris goyaka yamiite, miig ichoow antohi buure khabo argaan.

Yoohana 19:34

Etoo iskareet toor ka Yeesso waaru ꞌhune, diig ichoow bicche kasookhubteen.

Yoohana 19:37

Toro la iꞌdi chiirnaankoo addan Chiirnaanneti Waakh goyaka yadeeh u, “ꞌDooꞌd eti icho toor ka ꞌhuneen a ꞌdeyꞌdoocha.”

1 'Dessaloonika 1:10

Toro la saggi atin Weeli Waakhe goobi Waakh ka soonokhti isugtaan laka a cheekaan. Us a Yeessohi Waakh omoot ka sookahche, holi Waakhe soosohti inno karibo.

1 'Dessaloonika 4:17

Wahaas ꞌdubicho ka innohi uliba jirro sooꞌhaane serey inno lageecha, mirso goyaka inno tuumman ichoow Kamur ba serey ka kulanna. ꞌDeerka jirtuu tuummamba Kamur leejirra.

Ibiraaniya 10:29

Eheet a, eti Weeli Waakh daddabho la mehe imale? Eti diiggi ayyinti Waakh gooche enenyet munyaacho wohoo biꞌdire ikhaato mehe imale? Toro la eti Rubeyti Munyeenye haaggi Waakhe buure inno siisso abaare mehe imale? Sinati eta imasse Waakh igoocho, buur ka geeddoo meheenye kakhayanta?

Ibiraaniya 6:6

Chirri icho Kiriisto kakhuufin ꞌdiicheen, soolaabinti lasoolaabo ꞌdee icho uskeelicho kasoonokhtaan ma tateeh. Iꞌdi tahe icho toro Weeli Waakhe awtichuu massalaaba kakaahaane, toro usu ꞌdow on ka lakhaanyo kadowaan.

1 Yoohana 3:2

Aalasseeyki an weyti ꞌdoono, inno toolla a nyaakhuti Waakh. Wihi berri inno nateeh la ma inno latusin. Iꞌdaasenyi wihi inno garanni, maanti Kiriisto soobaho inno laka iꞌdiissa nateeh, a mehe maantaas iꞌdi rumanka us yahe a agarra.

Yuuda 1:14

Eti Eenog layadeehe kholoti teebannaatteete Aadam sooraahte ka jire, orey on wori Waakhe ꞌdooꞌda miinsan kaayyeede, wihi us yidah, “Bal yeya, Kamur hertiisti munyayyeenye aliffe goosso khabaayi a yamiit.

Bakkaahit 22:20

Eti runti wahanyeyyoha cheeko mehe essa ya, “Aa, Dowannoha ka a amiit!” Aamiin. Yeessohi Kamure, dowwa amiit.

Bakkaahit 22:4

Icho la Waakh fooliis a argaane, magahi Waakh la miinassichooda lakachiira.