Bakkaahit 1:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Waakh eti buugga eti Waákh íyeyyeedo chiire soomo a imaala. Toro la Waakh ꞌdooꞌdi wahaas daago toro wihi buugga goya kachiiran raaho a imaala. Iꞌdi tahe ibeenki waha yateehiin, a soodowwaate.

Bakkaahit 1:3 ပူးပေါင်းရင်းမြစ်များ

Mattaayo 24:15

“ꞌDeerka maanti atin iyookkoti ‘weyti biꞌdirenye, ꞌdooꞌd keehisso,’ meessi lagan katolosso Daaniyelhi goorat Waákh íyeyyeedo cheeke agarteen,

Luuka 11:28

Yeesso wihi us ilaabe, “ꞌDooꞌdi rumanka Waakh imaalo, a ki Yeedi Waakh daago toro la raaho.”

Rooma 13:11

Waha tuumman yeela, iꞌdi tahe ibeenneti luurꞌdo kola a kutte, ꞌdeerka urꞌdummetiin kasooneybaada! A mehe ibeenki Kamur inno ribo, maanti goorat inno Kiriisto rummeysanne ichoow toolla, toollane soodowwaate.

Rooma 13:12

Ibeen kola a kute, il a soobarya. Maantaka taba, wihi suujenye mugꞌdi kasootaba. Birti haaggane banayeet okhsada, ꞌdee uskeel diha.

1 Beetero 4:7

Harra ꞌdubiche kola a yitah. Maantaka mujjum malda toro la isjeycha uus ꞌdee wohoo weysihiin targeyine.

2 Beetero 3:8

Iꞌdaasenyi aalasseeyki an weyti ꞌdoono, waha akadabina. Kamur ka, ibeenkoo a iꞌdi guꞌh alifoo, guꞌh alifoo la a iꞌdi ibeenkoo.

Bakkaahit 22:10

Herti Waakh toro wihi iche itidah, “Jeenteti ibeenki waha yateehiin isoodowwaatuu, yeedassi atihi Waakh iyeyyeeddo buugga kachiirte hanja akadaginne ꞌdee yeedassa a laargo.

Bakkaahit 22:12

Yeesso la toro wihi us yidah, “Nabah suda! An dowwanoha ka guunnaankeey khabaayi a amiit. Gunnaanka an ebba guto ichoow wihi icho goorat yeeleen ba a israahaan.

Bakkaahit 22:20

Eti runti wahanyeyyoha cheeko mehe essa ya, “Aa, Dowannoha ka a amiit!” Aamiin. Yeessohi Kamure, dowwa amiit.

Bakkaahit 3:11

An dowwa soonokhda. Wihi atin khabtaan jurkhicha, uus etoo kalday laka ꞌduubiinki kalaꞌdeet atin kakhaatine.