Bakkaahit 1:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”

Bakkaahit 1:11 ပူးပေါင်းရင်းမြစ်များ

Hilassi Ergaano 16:14

Deyyehoti nah dagansatte goyaka too a makhaabassoo Liidiya layadeehe, ilkerengeetti weene ꞌDiyaaꞌdira katimiyye darfohoo mummuggeyyee ororisso. Iche la Waakhe wahatta, Kamur la uuriche fure, ꞌdee wihi Baawulo essi iyoꞌhatta.

Hilassi Ergaano 18:24

Etoo Yaꞌhuudenye ili Alekisaandariya kadesse Aboollo layadeeh la ilkerengeetti Efeesso yimiy. Ulla a etoo af ka miigenye weyti Chiirnaanneti Waakh laka garti.

Hilassi Ergaano 20:17

Baawulo la ilkerengeetti Mileeto ka ewweenki urur Kiriistoki ilkerengeetti Efeesso woyo farniin iꞌdiiche, ꞌdee or a kasoodoween.

1 Koriinto 15:32

Chirri an saggi weeli enenyet on ꞌdooꞌdi ilkerengeetti Efeesso ka iꞌdi binaat u isjahne an iꞌdaakka mehe yeela? Chirri Waakh enenyet omoot ikasookahin, a geeddi an iꞌdi enenyet essuu, “Golossanni, farso laka danno, iꞌdi tahe saahta a tuunna,” an adeeh on gon.

1 Koriinto 16:8

Iꞌdaasenyi ilkerengeetti Efeesso fiddiya, ichoowka daawti Beentekos tateeh.

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.

Kolossaay 2:1

Atinhi saggi an iroonotiin ichoow iroonoti urur Kiriistoki ilkerengeetti Lawodeechiya yaal ichoow iroonoti ꞌdooꞌdi Kiriisto kakhuufo tuummane ani fooleey igaran u, an hol idowe atin icheeko iche ꞌdoona.

1 Timooti 1:3

Maanti an boroofenhi Makedooniya isohdi a kihawwaasde, ilkerengeetti Efeesso fiddiye kiidah. Efeesso fiddiita ꞌdee ꞌdooꞌdi worassi beenaate Waakh miinsan ꞌdooꞌd abcho amur ibihissa wahaas a toollicheen.

Bakkaahit 1:17

Chirri an usu arge ka, an iꞌdi eti yumuy u, ortiis kasoodihe. Ulla dahantiisti miigeet ikorche, wihi us iyidah, “Roorro akhabin. Ani Oreyenye toro ani Salaahime.

Bakkaahit 1:19

“Maantaka, wihi at agarte, wihi toolla jiro ichoow wihi sooyateeh chiir.

Bakkaahit 1:2

Yoohana la wihi us arge tuummane cheeke. Yeedi Waakh ichoow runti Yeesso Kiriisto usu tuse iche chiire.

Bakkaahit 1:20

Wihi dagsane at agarte, bakkaalleti teebeenye an dahanti miigeet kakhuccho ichoow reemassi ꞌdahabe teebeenye taa lakorcho miinsan kallaayo. Bakkaalleti teebee, herti Waakhe ururre Kiriistoti ilkerengeetohi teebee iche itoollaan. Reemassi teebeenye taa lakorcho la, ururreti teebeenye kooba ururoo itoolla.”

Bakkaahit 1:4

Buugga eti atin isoochiiro a Yoohana. Ururre Kiriistoti an ichiiro la a ti teebeenye ili Aassiya kijirto. Waakkhi toolla jiro, goorat laka jire, toro jirtuu tuumman soojiro, ichoow rubeyohi teebeenye kombortiisti antoot ortiis kijiro ba atin imaalaane nebey atin kakaalaan.

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Bakkaahit 10:4

Chirraas guugah kol teeba yeedeen ani la wahanyeyyohaas chiirin leheet. Iꞌdaasenyi hooyi goobi Waakh ka ileeyyeedo daage, “Wihi guugakkaas teebee yidaaheen achiirine dagi,” iyidah.

Bakkaahit 14:13

Hooyoo toro goobi Waakh kayamiit daage, wihi us yidah, “Waha chiir, uus toolla kakhabatti, eti tuummane usu ichoow Kamur wohoo kalday yahiine yamuut a liimaala.” Rubeyti Waakh la wihi iche soolaabte, “Aa, a rum. Hili miigenye icho haaggicheen ka a nasaan. Icho a liimaala a mehe haaggi icho yeelaan ꞌdubichooda raaha.”

Bakkaahit 19:9

Herti Waakh ꞌdeerka wihi iche ani itidah, “Waha chiir, ‘ꞌDooꞌdi Waakh imaalo a ki Waakh oroosi Heleem iwahe.’ ” Herti Waakh kakhayte, wihi iche tidah, “Waha a yeedassi rummaate Waakh.”

Bakkaahit 2:1

“Herti Waakhe keleyenye urur Kiriistoki Efeesso itolosso waha ichiir. Waha a farniinki ki bakkaalleti teebee dahantiisti miigeet kakhuccho toro la reemassi teebeenye ꞌdahabe taa lakorcho dahticho kaassohti.

Bakkaahit 2:12

“Herti Waakhe keleyenye urur Kiriistoki Bergamum itolosso waha ichiir. Waha a farniinki ki birlabi af leh khabo.

Bakkaahit 2:18

“Herti Waakhe keleyenye urur Kiriistoki ꞌDiyaaꞌdira itolosso waha ichiir. Waha a farniinki Weeli Waakh kayamiit. Indohiis a iꞌdi ꞌdabi weyti bolkho, luhlohiis la iꞌdi birtoo boorane lasiguu a bildiikhaan.

Bakkaahit 2:24

Atinhi addane ilkerengeetti ꞌDiyaaꞌdira kajirtaane, wihi iche enenyet abisso iraahine, toro la wahanyeyyohi dagsane Seytaan iaban, hulees addane an atin korcho mele.

Bakkaahit 2:8

“Herti Waakhe keleyenye urur Kiriistoki Simiriina itolosso waha ichiir. Waha a farniinki ki Oreyenye toro la Salaahime, ki yumuyye toro omoot kasookahe.

Bakkaahit 21:5

Eti komborti antoot kafiddiyo la mehe yidah ya, “An walah dakkhan a husubnaacha!” ꞌDeerka wihi us ani iyidah, “Waha chiir, iꞌdi tahe yeedassa a wihi lakakhuufo, toro la a wihi rummaat.”

Bakkaahit 22:10

Herti Waakh toro wihi iche itidah, “Jeenteti ibeenki waha yateehiin isoodowwaatuu, yeedassi atihi Waakh iyeyyeeddo buugga kachiirte hanja akadaginne ꞌdee yeedassa a laargo.

Bakkaahit 22:16

“Anihi Yeessee herteeytoo a kisooerge, ꞌdee iche la wahanyeyyoha tuummane rummaat ururreteey icheekta. Ani a Hiiy ichoow weel weel Dawuude toro la a Bakkaali Baryo weyti ababo.”

Bakkaahit 3:1

“Herti Waakhe keleyenye urur Kiriistoki Sardi itolosso waha ichiir. Ki rubeyohi Waakhe teebee khuccho toro la bakkaalleti teebee khuccho farniinkiis a kan. Wihi atin yeessaan a garda. ꞌDooꞌd kol atin jiro khabtaane koogyahe, iꞌdaasenyi atin a tuunteen.

Bakkaahit 3:14

“Herti Waakhe keleyenye urur Kiriistoki Lawodeechiya itolosso waha ichiir. Ki farniinka sooergo, a ki Aamiin layadeeh. A ki lakakhuufo, garti runti Waakh laabo. A uumacchoti wihi Waakh soouume tuumman.

Bakkaahit 3:4

Iꞌdaasenyi Sardi ka ꞌdooꞌdoo rucchule uskeel iskasoohosse a khabtaan. ꞌDooꞌda gaaddi daddakhane gessata ileesohta, a mehe waha a wihi icho imale.

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.