2 Timooti 2:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ At laka iꞌdi eti iskar Yeesso Kiriisteenye haaggan u sinayyohi lakoomhicho ka garrahso.

2 Timooti 2:3 ပူးပေါင်းရင်းမြစ်များ

Hilassi Ergaano 23:31

Iskare ꞌdeerka wihi liiyidah yeesse, ibeenkaas goya on Baawulo khaatte ichoowka ilkerengeetti Antibaatiris geesse.

1 Koriinto 13:7

Us walah tuumman a siꞌda, walah tuumman kakhuufa, walah tuumman ka khajjeel a khaba, kol dakkhan la a garrahsata.

1 Koriinto 9:7

Iskartoh maanta hili iche haaggisso ka toro chilimme gutta? Etoh gos khaba toro gurnaanki us gosiis kasoobahche iumhan? Ersinkoh adihiis yaakhicha toro la haanu ikadamin?

2 Koriinto 1:6

Chirri sina nah taham, a saggoo ꞌdee uur atin liikhoboocho toro la atin liiribo. Chiꞌ uur nah lakhooboche, a saggoo atin laka uur atin liikhoboocho. Iꞌda ka, chiꞌ sinayyohi iꞌdi weheenyee atin kawaaraan, a garrahsattaan.

1 Timooti 1:18

Timooti, weelaaw, amura an kisiicho ichoow wori kimiinsane goorat ꞌdooꞌdi Waákh íyeyyeedo cheeke kisoobaho, a israahaan. Amurane kisiicha ꞌdee woraas at raahto ka, dihoti haaggan gessa,

2 Timooti 1:1

Eti khadaaba kisoochiiro a ani Baawulohi mali Waakh ka ergaano Yeesso Kiriistee. Waakh la iꞌdane yeele ꞌdee jiroti jirtuu imassanne us ꞌdooꞌdi icho ichoow Yeesso Kiriisto ba wohoo kalday yahiin iayyiche enenyet icheeka.

2 Timooti 1:8

Maantaka wihi atin garattaane Kamureen miinsan cheekin akuuryaawina. Ommos wihi anihi jeentetiis u jeela kajiro imiinsan cheekin akuuryaawina. Iꞌdaasenyi miigti Waakh ka sinati jeenteti inno Wori Haaggan icheeknuu inno taham ileegisma.

2 Timooti 2:10

Maantaka jeenteti ꞌdooꞌdi Waakh soobahsatuu an walah tuumman a igarrahsada, ꞌdee icho laka ribnaan ichoow weynaanti jirtuu imassanne Yeesso Kiriisto lakaꞌhelo ꞌhelaan.

2 Timooti 2:9

Jeenteti an icheekuu la sina a ikawaarta, iꞌdi eti wohoo uskul yeeluu a hidanahe. Iꞌdaasenyi Yeedi Waakh ma hidan.

2 Timooti 3:11

sina a lakoomhiche bolokh goya tabte. At sinayyohi ilkerengeetti Antiyookhiya ichoow Ikooniyo ichoow Luussira ka liiomhiche an garrahsade a garatta. Iꞌdaasenyi Waakh sinayyohaas tuumman a ikaribe.

2 Timooti 4:5

Iꞌdaasenyi at tabe walah tuumman ka isjeyiche, sinabaaw kisoobahte ka la garrahso. Hili eti Wori Haaggan taaꞌhicho haaggiche, hili Waakh kikorche tuumman buuhi.

Fiilemon 1:2

ichoow Aafiyati too Kiriistee ichoow eteenyoki Arkiiba layadeehe nah sina isleenaham ichoow urur Kiriistoki kol tuumman minkaah ka Waakh wahti laka a isoochiira.

Ibiraaniya 10:32

Bal saggi atin dowwanohi atin Yeesso Kiriisto rummeysatteen ijirteen kasooꞌhela. Sinati buurenye atin tuhuyye, iꞌdaasenyi atin a garrahsatteen one, yombo ma inokhan.

Ibiraaniya 11:27

Muusa la kakhuufnaanki us Waakh kakhuufe on ka, iche ili Miissiri kabahe, holi karnat hollowe la ma karoorin. Ulla iꞌdoo us Waakkhi liiargin iarge u, yombohi us inokhti ꞌdiiꞌde.

Ibiraaniya 6:15

Aburaaham la geeddi deer garrahsi ka Waakh a kakhuufe, wihi goorat Waakh iayyiche ꞌdaꞌddaboka ꞌhele.

Yaakoobo 1:12

Waakh eti sinayyohi kharaat ka garrahsati a imaala. A mehe inkoo us kajmeyyohaas ka mujjum tolossate, Waakh kalaꞌddi us ꞌdooꞌdi usu ꞌdoono iayyiche iche siicha, kalaꞌdda la a jiroti jirtuu imassan.