2 Koriinto 7:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Emeettiis kalday uur ma nah khoboonne, wihi uur nah khobooche a saggi atin usu uur ikhoboosseen. Us saggi atin iargin iꞌdoontaan ichoow saggi jeenteti atin ani sina itusseen u iooyteen ichoow saggi atin ani weyti aw ikakhabtaan laka a nah isoocheeke. Jeentetuu an weyti hamaade.

2 Koriinto 7:7 ပူးပေါင်းရင်းမြစ်များ

Mattaayo 26:75

ꞌDeerka Beetero yeedi Yeesso iyidah kasooꞌhele. “Geeddi lukki iriirin, at kol seyyah, ‘Ma kigardi!’ tadeeh.” Ulla khar ibahe, bolokh ka ooye.

Mattaayo 5:4

ꞌDooꞌdi Waakh imaalo, a ki toolla uskeeli weeli enenyet bolkhicho, Waakh icho uur a khoboochaa.

Luuka 22:44

Bolokkhi buure goyaka geeddi kootteet laka ꞌdirihiis Waakh wahte, iꞌdiꞌdi us ꞌhooricho harra kaaddibho la iꞌdi diiggi diddibho yitah.

Hilassi Ergaano 11:23

Maanti us intaas sooeleele us saggi icho haaggi Waakhe buurenye icho imunneynan iꞌheleen arge ka, weyti hamaade, ulla icho uur miigoocha ꞌdee rumanka uurassicho tuumman ka Kamur raahaan.

Rooma 1:12

Wihi an eldi a mehe ya, saggi eteen ba Kiriisto ikakhuufo ka, uur a ismiigoonna.

1 Koriinto 5:2

Atin la nane a eylajjaan! Atin kootte incheenka a ooytaane ꞌdee eti waha yeelo goytiin ka rihtaan.

2 Koriinto 1:14

saggi atin geeddoo nah iabatteen u, tuume nah abattaane ꞌdee maanti Kamureenki Yeessee soonokhti ka nah keeylajjaan saggi nah laka atin ikeeylajnuu.

2 Koriinto 1:4

Us sinayyo tuumman ka uur a nah khoboocha, ꞌdee nah laka ꞌdooꞌdi addan sinabaaw icho khabaan ka uur miigoonna. Khoboonnaanki Waakh uur nah khoboocho ka, nah laka ꞌdooꞌd uur khoboon a nabuuꞌd.

2 Koriinto 2:9

Khadaaba an atin isoochiire ka a atin kaja, ꞌdee usu atin wihi an yeela atin iidah tuumman yeessaan abda.

2 Koriinto 5:2

Geeddi inno sarta on khabno a ooyna, toro la sarti husube goobi Waakhe iꞌdi dafarti inno gessannuu imoonna.

2 Koriinto 7:6

Iꞌdaasenyi Waakkhi ꞌdooꞌdi rubeye jebte uur khoboocho, emeet Tiito ka uur a nah khobooche.

2 Koriinto 7:8

A mehe chiꞌ khadaabi an ꞌhor atin isoochiire oytim atin ikeene laka, jeenteti an isoochiiruu ejer ma istowo. Rumanka geeddoo rucchul on ka khadaabeeykaas ka ejer istowe.

2 Koriinto 8:16

Waakkhi awti an atin ikhabo uur Tiito laka goya gesse kalaꞌd ilaabno.

Fiiliffi 1:20

Wihi an weyti sugo toro la an khajjeelo intoo rucchul ka laka lakhaanyo ma isikeeno, iꞌdaasenyi toolla ichoow kol tuumman roorro laane sarteey ka Kiriisto weynaacha, jiroteey ommos omootteey eheetteey ka ba.

Kolossaay 2:5

A mehe an goytiin ma toollo. Eheetteey laka, ani rubey ka a atin leejira. Toro la an weyti hamaada, jeenteti atin jiroti atin jirtaan ka ifissantahiine toro la kakhuufnaanki atin Kiriisto kakhuuftaan ka ichuukhantahiin u.

1 'Dessaloonika 3:6

Iꞌdaasenyi toolla Timooti a soonokhte. Wori haaggane us keene a atinhi uliba Kiriisto kakhuuftaane toro la uliba isꞌdoontaan. Wihi addane us yidah, a atinhi uliba hamaad ka nah kasooꞌhessaane, ichoow saggi atin argin nah iꞌdoontaan saggi nah laka toolla argin atin iꞌdoonnuu.

1 'Dessaloonika 3:8

Atin Kamur ka mujjume tolossaan gone, toolla nah rumanka a jirra.

Ibiraaniya 2:1

Maantaka, jeenteti wihi Waakh yeeluu, runta inno daagne weyti mujjum khabanni giꞌde, uus inno inti inno isoohanni bujine.

Yaakoobo 5:17

Eliiya weeli enenyete iꞌdeene on eheete, weyti Waakh wahte, hiri ilaas iꞌdeyin daahe, guꞌh seyyah ichoow nyuus la hir ꞌdeye mele.

2 Yoohana 1:4

An weyti hamaade chaꞌan nyaakhutaahki gaasoo usuhi runti Waakh raaho arge, saggi Waakkhi Aabbaheene amur inno isiichuu.

Yuuda 1:3

Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.