2 Koriinto 7:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ An weyti roorro laan atin leeyyeeda, toro la jeentetiin u a eylaja. Weyti uur liimiigooche. Sinayyohi buurenye inno khabno ka laka, hamaadeey weyti buuryahe.

2 Koriinto 7:4 ပူးပေါင်းရင်းမြစ်များ

Hilassi Ergaano 5:41

Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.

Rooma 5:3

Wahaas kalday menye, sinayyohi inno ꞌhello laka a keeylajna. Iꞌdi tahe wihi inno garanni, sina a inno gargaarta, ꞌdee garrahsanna.

1 Koriinto 1:4

An kol dakkhan Waakkheey kalaꞌd a ilaaba. Us haaggiiski buurenye inno imunneynan a atin tuste jeenteti atin ichoow Yeesso Kiriisto wohoo kalday itahiin u.

2 Koriinto 1:14

saggi atin geeddoo nah iabatteen u, tuume nah abattaane ꞌdee maanti Kamureenki Yeessee soonokhti ka nah keeylajjaan saggi nah laka atin ikeeylajnuu.

2 Koriinto 1:4

Us sinayyo tuumman ka uur a nah khoboocha, ꞌdee nah laka ꞌdooꞌdi addan sinabaaw icho khabaan ka uur miigoonna. Khoboonnaanki Waakh uur nah khoboocho ka, nah laka ꞌdooꞌd uur khoboon a nabuuꞌd.

2 Koriinto 10:8

A mehe antohi Kamur nah siiche wihi atin jejjebcho menye a wihi atin diso. Chaꞌan antohaas weyti keeylajo laka, an ma uryaawo.

2 Koriinto 11:21

Aa! Nah rumanka a ꞌdarneete iꞌdaas la ma yeelin! A lakhaanyeesdaay? An uliba saggi ꞌdalame iyeyyeedaa, walahbaaw etoo roorro laan keeylajo, ani laka wahaas roorro laan a keeylaja.

2 Koriinto 2:14

Iꞌdaasenyi Waakkhi chirrar tuumman girꞌdaanki soorin Kiriisto ka inno woyo kalaꞌd ilaabno. Waakh nah ka wor Kiriistoki lagarti iꞌdi uyuuggi haaggan u, meel tuummane kataaꞌhicha.

2 Koriinto 3:12

Maantaka jeenteti nah khajjeelaas ikhabno, iche roorro laan ijirra.

2 Koriinto 7:14

A mehe chaꞌan ortiis ka bihin atin kaguꞌdde laka, an lakhaanyo ma argo. Saggi nah walah tuumman rum ka atin isoocheeknuu, bihinti nah Tiito ortiis ka atin kaguꞌdubne laka runtiche a atin tusne.

2 Koriinto 8:24

Maantaka urur Kiriisto tuumman ortiis ka reeraas ꞌdoonin rumanka tusda, ꞌdee ꞌdoonintiin ichoow wihi nah atin keeylajno rumanka a laabti.

Fiiliffi 1:14

Toro la jeenteti an jeela ikajiruu, ꞌdooꞌdi Kiriisto rummeeste buurtiis Kamur ka uur a lamiigooche, ꞌdee roorro laan Yeedi Waakh cheekaan.

Fiiliffi 1:20

Wihi an weyti sugo toro la an khajjeelo intoo rucchul ka laka lakhaanyo ma isikeeno, iꞌdaasenyi toolla ichoow kol tuumman roorro laane sarteey ka Kiriisto weynaacha, jiroteey ommos omootteey eheetteey ka ba.

Fiiliffi 1:26

Iꞌda ka fiddihi an atin leefiddiyo ka, jeenteteey u wihi atin Yeesso Kiriisto ka keeylajjaan weyti kakhaymaan.

Fiiliffi 2:17

Chirri liiyagiis laka, diiggeey a iꞌdi sadakhati soorriyotiin lakakhube, an weyti atin leehamaada, toro la hamaadeey atin leegisma. A mehe hiliin a iꞌdi soorriyoti atin Waakh ibihissaane, kakhuufnaanki atin Waakh kakhuuftaan kayamiit.

Kolossaay 1:24

Toolla sinayyohi an iroonotiin u ꞌhelo ka a hamaada, toro sarteey ka wihi sinayyo Kiriisto kaankhan indigirti sartiis u a buuhicha. Sarta la a urur Kiriisto.

1 'Dessaloonika 2:19

A mehe maanti Yeessohi Kamureene soonokhti ortiis ka khajjeel ommos hamaad ommos kalaꞌddi nah keeylajno a mehe? Atin menya?

1 'Dessaloonika 2:2

Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.

2 'Dessaloonika 1:4

Maantaka ururreti Waakhe addan saggi nah atin ikeeylajno jeenteti atin sinayyohi atin loomhicho ichoow bolokkhi atin latuso atin kajo ka igarrahsattaane toro la Waakh ikakhuuftaan a icheekna.

Fiilemon 1:7

Et Kiriistokaaw, ꞌdooninti at ꞌdooꞌd Kiriisto ꞌdoonto weyti a ikahamaadisse, toro weyti uur imiigoosse, iꞌdi tahe at ꞌdooꞌdi Waakh uur a miigoosse.

Yaakoobo 1:2

ꞌDooꞌd Kiriistokaaw, maambaaw sinayyohi khar kayamiit atin isoobahaan weyti hamaad iekkaacha.