2 Koriinto 6:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Uus ꞌdee hili Waakhe nah haagginno wohoo suuje lakaargine, wohoo rucchule enenyet tarraantarricho nah yeello laka ma jiraan.

2 Koriinto 6:3 ပူးပေါင်းရင်းမြစ်များ

Mattaayo 17:27

Iꞌdaasenyi uus inno kakhuufnaanki icho Waakh kakhuufaan tirine, nyaam beyti Gaalilaaya iro, oroohti bahag lakakhabti bey goya isey. Bahaggi oraate at sookhabatte, chaꞌat af bakkaahisse chilim a agarta, chilinkaas khaate ꞌdooꞌdi kooddi goocho igeeche, kooddiheey ichoow kaah ba kagut.”

Mattaayo 18:6

“Iꞌdaasenyi chiꞌ etoo ꞌdooꞌdaar irummeesti kichokoo tarraantarricho wihi ideefo a usuhi daddaabti buurenye gurnaan lakatumo lukhum lakahido, beyti buurenye hoge ka bicche khaataan.

Hilassi Ergaano 19:27

Toollaka wihi soosohti ka bacchaarateenta magah a uskulaata. Wahaas kalday la menye, minki waakkheenki deyyahe weene Arteemis layadeeh laka magah a waaya. Waakkheenki Aassiya ichoow harra tuumman ka lawahti wohoo marahe yateeh.”

Rooma 14:13

Maantaka taba giꞌde uus inno uskeel isigoon. Fiddihi inno fiddiino ka waha goonno, koloo kalday laka etaahki Kiriisto rummeeste daakki tarraantarricho iitaahane, ommos uskeel goya akalugꞌdin.

1 Koriinto 9:12

Chirri ꞌdooꞌdi addan gargaari us atin kaꞌhelo muꞌdanyahe, nah kootte incheenka ꞌdirihicho ma muꞌdan a? Iꞌdaasenyi nah wahaas nah muꞌdan ma khaatin. Nah sina tuummane igarrahsanne, ꞌdee wohoo rucchule Wora Haaggane Kiriisto miinsan jeycho ma jiraan.

1 Koriinto 9:22

ꞌDooꞌdi ꞌdabakhe ka la, an a isꞌdabakhnoocha, ꞌdee icho Kiriisto ikeena. An ꞌdooꞌda tuumman iꞌdichooda iskayeele, ꞌdee sagag tuumman ka ꞌdooꞌd gaasoo Kiriisto ikeena.

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

2 Koriinto 8:20

Nah la iꞌdane yeelle, uus ꞌdee saggi nah baaysiha buure iwoywoyno ka uskeeloo rucchul laka nah lakacheekanne.