2 Koriinto 4:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Chirri Wori Haaggane nah cheekno dagsanyahe laka, ꞌdooꞌdi bar latiro on kadagsanyahe.

2 Koriinto 4:3 ပူးပေါင်းရင်းမြစ်များ

Mattaayo 11:25

Yeesso chirraakka weeste wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse.

Rooma 2:16

Waha la saggane iyateehiin maalinki Waakh Yeesso Kiriisto ka mali weeli enenyete dagsan tuumman hukkumo. Wori Haaggane an cheeko iꞌdaase yadeeh.

1 Koriinto 1:18

Iꞌdi tahe ꞌdooꞌdi baabaa kijiro ka, wora massalaaba Kiriisto miinsan, a wori ꞌdalam on. Iꞌdaasenyi innohi Waakh inno ribo ka, wora a miigti Waakh.

1 Koriinto 2:6

Chiꞌ nah ꞌdooꞌdi Kiriisto goyaka iiꞌdowe leeyyeeno, wori khara kaleeyyeena. Iꞌdaasenyi waha kharati ꞌdooꞌdi harrata menye ommos ti weynaanti harratane dowwa on baabaato mee.

2 Koriinto 2:12

Maanti an ilkerengeetti Tuurowa imiyye an Wori Haaggane Kiriisto miinsan an cheeke, Kamur jitoo a ifure.

2 Koriinto 3:14

Iꞌdaasenyi malassicho a ladagahnooche. Iꞌdi tahe ichoowka maanta laka chirri icho buuggassi ayyinti raagane Waakh gooche soomaan a iꞌdoo malassicho dafar lakoogooge. Dafarta uliba a jirta. Iꞌdi tahe maanti etoo ichoow Kiriisto ba wohoo kalday yitaaheen kalday on dafar lakayegcha.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

1 'Dessaloonika 1:5

Iꞌdi tahe maanti nah Wori Haaggan atin icheekne, woraas yeedi afoot kalday menye, miigti Rubeyti Munyee laka us a atin tuse. Wori Haaggane nah atin icheekne tuume rummeysanne. Toro la saggi fiddihi nah goytiin fiddiine iroonotiin ieheneet a garattaan.

1 Timooti 1:11

Woraas mujjume ichoow Wori Haaggane weynaanti Waakkhi lasaaꞌdo tusso us ikorche a israahaan.