2 Koriinto 2:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Khadaaba an atin isoochiire ka a atin kaja, ꞌdee usu atin wihi an yeela atin iidah tuumman yeessaan abda.

2 Koriinto 2:9 ပူးပေါင်းရင်းမြစ်များ

2 Koriinto 10:6

Maanti atin raahnaanki atin Kiriisto raahtaan atin tuumman tuum kayeesseen, nah walah tuumman ka a tannabanne yeeddaagiwwaayyo tuumman sina tusna.

2 Koriinto 2:3

Jeentetaase khadaabaas atin ikasoochiire, ꞌdee chaꞌan amiit atinhi kootte ikahamaadissaan toro ma ikooyissaan. An atin tuumman a atin kakhuufe, ꞌdee chaꞌan hamaado, atin tuumman laka a hamaaddaan.

2 Koriinto 2:4

Maanti an khadaabaas atin isoochiire, a bolkhe, weyti mal igele toro la ilmohi buure khube. Atin bolkhin mee ꞌdoono, ꞌdooninti buurenye an atin ikhabo, iche atinhi garattaan ꞌdoona.

2 Koriinto 2:8

Maantaka a atin hawwaasde, taba etaas saggi rumanka atin usu iꞌdoontaan toro tusa.

2 Koriinto 8:2

Sinayyohi buurenye lakakaje, iꞌdaasenyi hamaadicho weyti buuraate, miskiinkichoki buuraate ka la icho weyti walah diibin ꞌdooneen.

2 Koriinto 8:24

Maantaka urur Kiriisto tuumman ortiis ka reeraas ꞌdoonin rumanka tusda, ꞌdee ꞌdoonintiin ichoow wihi nah atin keeylajno rumanka a laabti.

Fiiliffi 2:12

Aalasseeyki an weyti ꞌdoono, atin waansiheey kol tuumman a raahteen. Geeddi an atin leejire kalday on menye, toolla an atin ileejirin weyti raahtaan. Maantaka, hamar ichoow roorroti atin Waakh karoortaan ka, orey isohda ribnaanki Waakh atin ribo jirotiin goyaka hol kadowa.

Fiiliffi 2:22

Iꞌdaasenyi Timooti saggi us rumanka indigir ikhabe us enenyet tuumman ituse a garattaan. Ani ichoow Timooti iꞌdi ooyo ichoow inankiissa Wori Haaggan isileecheekne.

2 'Dessaloonika 3:14

Chiꞌ etoo wihi nah khadaaba ka atin abinne iraahin, etaas isicheeka kaseeha, ꞌdee lakhaanyo a khaatatti.

Fiilemon 1:21

Saggi at wihi an kidaahe iyeesso a tissiba, ꞌdeerka khadaaba a kisoochiira. Saggi at wihi an kidaahe laka ꞌdirihicho iyeesso a garda.