2 Koriinto 13:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Koli lammaatteete goorat an atin leejire a atin tootooche. Toolla an atin ileejirin la a inokhda. Maanti an soonokhdi ꞌdooꞌdi ꞌhor uskeel yeele ichoow ki addan tuumman sirbiti an gesso ka koo kaldaye an ꞌdiicho mele.

2 Koriinto 13:2 ပူးပေါင်းရင်းမြစ်များ

1 Koriinto 5:5

eta suuje dahanti Seytaan gessa. Iꞌda ka etaas wihi uuriis goya kijiro uskeel imoono a labaabiicha, rubeytiis la maanti Yeessohi Kamure soonokhti a lariba.

2 Koriinto 1:23

Waakh a idaagaa, us garteey a laaba, anihi bolokh atin ikeeno an iꞌdoonine, jeentetaase ilkerengeetti Koriinto toro ikasoonokhawwaaye.

2 Koriinto 12:14

Toolla koli seyyahnaatteet a tannabde goytiinna emeet ꞌdoona. Hulees an atin korcho la mele. A mehe wihiin an ꞌdoono mele, iꞌdaasenyi atine atin ꞌdoona. Iꞌdi tahe nyaakhut mee ꞌdooꞌdi dele walah yahay igesso, iꞌdaasenyi ꞌdooꞌdi nyaakhut dele iche nyaakhut walah yahay igessa.

2 Koriinto 13:10

Jeentetaas u geeddi an atin ileejirin khadaaba a atin isoochiira, ꞌdee chaꞌan imiy sag ani antoheeyki miige ka atin idakhdi mele. Antohaas an atin kadakhdi Kamure isiiche, ꞌdee ꞌdooꞌd Kiriisto ma jejjebcho, disa.