2 Koriinto 11:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Bal chaꞌan geeddoor saggi ꞌdalam iyeyyeedo iikaꞌharina. Iꞌdaasenyi ma ikaꞌhartaan ba.

2 Koriinto 11:1 ပူးပေါင်းရင်းမြစ်များ

Mattaayo 17:17

Yeesso wihi us ilaabe, “ꞌDooꞌdi weyꞌdane uskeel lehe Waakh ikakhuufin! Geeddoh atin leefiddiyo? Geeddoh atin igarrahsadi? Ínam inta ka ikeena!”

Hilassi Ergaano 18:14

Chirri Baawulo yeedin leheet ka, Gaalliyo ꞌdooꞌdi Yaꞌhuud leeyeede, wihi us iyidah, “Chirri atinhi Yaꞌhuude kootte waha uskeeloo layeele tahe ommos wohoo suuje tahe, a geeddi an nabah atin isudo.

Hilassi Ergaano 26:29

Baawulo la wihi us ilaabe, “Geeddoo rucchul ommos geeddoo deer eheetteey ka ba, Waakhe daaha ati kalday la menye, ꞌdee ꞌdooꞌdi maalinka idagansati tuumman iꞌdeey u Yeesso kakhuufa, hiinaanka an hidanahe on liihidin menye.”

1 Koriinto 1:21

Iꞌdi tahe Waakh kharatiis ka wihi us gooche, ꞌdooꞌdi harrata kharaticho on ka Waakh ma abti. Wihi Waakh kahamaadicho a chirri jiti ꞌdalammoon liikhaato Wori Haaggane lacheeko ka, us ꞌdooꞌdi woraas rummeeste ribo.

1 Koriinto 3:18

Iisekkeysanna giꞌde! Chirri etiinkoo saggi ꞌdooꞌdi harrata iekkaacho ka kol us khara yahe iskoogyahe, iꞌdi eti ꞌdooꞌdi harrata ꞌdalam iekkaacho a yitaahe, ꞌdee eti rumanka kharee a yitaahe.

1 Koriinto 4:10

Jeente Kiriistuu nah ꞌdalamme nah lakoogyahe, iꞌdaasenyi jeenteti atin ichoow Kiriisto wohoo kalday itahiin u, kharayyo atin lakoogyahe. Nah a ꞌdaꞌddarannahe, iꞌdaasenyi atin a mimmiig, nah a nah laꞌdarraawa, atin la a atin liinkaanyita.

1 Koriinto 4:8

Kol atin daragteene kogtahiin. Kol atin kamurrowteene koogtahiin. Chirri nah kamurre ieheynan laka, kol atin kola kamurre titaaheene koogtahiin. Incheenka kootte karnatte tateehiine, ꞌdee inno tuumman walah isleedakhanna.

2 Koriinto 11:19

Iꞌdi tahe atin weyti a kharayyo, ꞌdooꞌdi ꞌdalammee laka hamaad ka a igarrahsattaan.

2 Koriinto 11:21

Aa! Nah rumanka a ꞌdarneete iꞌdaas la ma yeelin! A lakhaanyeesdaay? An uliba saggi ꞌdalame iyeyyeedaa, walahbaaw etoo roorro laan keeylajo, ani laka wahaas roorro laan a keeylaja.

2 Koriinto 11:4

A mehe chiꞌ etoo yamiite Yeessohoo addan cheeko, ommos chaꞌatin rubeytoo addane Rubeyti Munyeenye atin ꞌhesseen kayeere ꞌhessaane, ommos woroo Wori Haaggane atin khaatatteen kayeere khaatattaan, atin iꞌdaanu wahaas khaatattaan.

2 Koriinto 12:11

An eti ꞌdalamenye iskayeele, iꞌdaasenyi atine iholissseen. Atine kootte incheenka haaggeey tuumman cheektaan. A mehe an walah an ahe mele. Eheetteey laka chiꞌ ergaanota a khukkhummantahe leessi liikeekkaacho, meel an icho kaankhanahe mele.

2 Koriinto 5:13

Chiꞌ nah sirgo nahe a iroonoti Waakhe, chiꞌ nah sirgo ieheynan la a iroonotiinna.

Ibiraaniya 5:2

Kuhaanihi ween ullaka ꞌdabakkhi weeli enenyet a khaba gone, ꞌdooꞌdi jeenteti us jiti mujjume igaran u uskeel gelo, inahin a yabuuꞌd.