2 Koriinto 10:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ A mehe antohi Kamur nah siiche wihi atin jejjebcho menye a wihi atin diso. Chaꞌan antohaas weyti keeylajo laka, an ma uryaawo.

2 Koriinto 10:8 ပူးပေါင်းရင်းမြစ်များ

2 Koriinto 1:24

Anki wihi atin kakhuuftaan ka ma atin dakhanni. Iꞌdaasenyi nah hile atin leehaagginna, ꞌdee atin laka hamaaddaan. A mehe kakhuufnaanki atin Waakh kakhuuftaan ka a chuukhantahiin.

2 Koriinto 10:4

A mehe birti inno diho leeiranni ti harrata mee, birteen a miigti Waakhe worassi beenaat jejjebisso.

2 Koriinto 10:9

Anihiiyye khadaabbeteey ka etoo roorro atin gesso iyoog ma ꞌdoono.

2 Koriinto 12:19

Chirraas tuumman kol nah ortiin ka isribno koogtahiin? Nah Waakh ortiis ka saggi ꞌdooꞌdi icho ichoow Kiriisto wohoo kalday yahiine iyeyyeena. Aalasseeyki an weyti ꞌdoono wihi nah yeello tuumman la a atin miigoochaan.

2 Koriinto 12:6

A mehe chaꞌan eylajin ꞌdoono laka, an ꞌdalam mee, iꞌdi tahe an wihi rummaat on cheeka. Toro la ꞌdooꞌd usuhi wihi us ikaargo ichoow wihi us ikadaago ka eti rumanka an ahe argo ꞌdoona. Iꞌdaasenyi chaꞌan eylajo ꞌdooꞌd etoo deefo iekkaacha, ꞌdeerka an ma eylajo.

2 Koriinto 13:10

Jeentetaas u geeddi an atin ileejirin khadaaba a atin isoochiira, ꞌdee chaꞌan imiy sag ani antoheeyki miige ka atin idakhdi mele. Antohaas an atin kadakhdi Kamure isiiche, ꞌdee ꞌdooꞌd Kiriisto ma jejjebcho, disa.

2 Koriinto 13:8

A mehe nah wihi runti Wori Haaggan buusan yeelin ma nabuuꞌd, iꞌdaasenyi wihi runtaas orey iwoyto on yeella.

2 Koriinto 7:14

A mehe chaꞌan ortiis ka bihin atin kaguꞌdde laka, an lakhaanyo ma argo. Saggi nah walah tuumman rum ka atin isoocheeknuu, bihinti nah Tiito ortiis ka atin kaguꞌdubne laka runtiche a atin tusne.

2 Koriinto 7:4

An weyti roorro laan atin leeyyeeda, toro la jeentetiin u a eylaja. Weyti uur liimiigooche. Sinayyohi buurenye inno khabno ka laka, hamaadeey weyti buuryahe.

Galaatiya 1:1

Khadaaba eti atin isoochiiro, a ani Baawulohi ergaanee. Weel enenyete hila ergaano ikorche mele, ommos weel enenyete isooergate mele. Iꞌdaasenyi Yeesso Kiriisto ichoow Waakkhi Aabbaheenenye, Yeessó omoot kasookahche ka a liisooergate.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.