2 Koriinto 1:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Us sinayyo tuumman ka uur a nah khoboocha, ꞌdee nah laka ꞌdooꞌdi addan sinabaaw icho khabaan ka uur miigoonna. Khoboonnaanki Waakh uur nah khoboocho ka, nah laka ꞌdooꞌd uur khoboon a nabuuꞌd.

2 Koriinto 1:4 ပူးပေါင်းရင်းမြစ်များ

Yoohana 14:16

Anna Aabbaheey a daaha, ulla ꞌDooggargaartotoo addane jirtuu tuumman atin leejirto atin isooerga.

Yoohana 14:18

Saggi nyaakhuti ꞌdooꞌdi dele katuume ma atin ikatabo, a atin isoonokhda.

Yoohana 14:26

Iꞌdaasenyi Rubeyti Munyeenye ꞌDooggargaarto layadeehe, Aabbaheey meesseey ka sooergo, walah tuummane atin abissa, toro la wihi tuummane an atin isoocheeke, atin kasooꞌhelissa.

2 Koriinto 7:13

Maantaka waha weyti uur nah khoboocheen. Uur kalday ma nah khoboonne, wihi kach ka nah kahamaadiche a hamaadi Tiito khabe jeenteti atin tuumman waꞌdwaaꞌdi us khabe ibihisseen.

2 Koriinto 7:4

An weyti roorro laan atin leeyyeeda, toro la jeentetiin u a eylaja. Weyti uur liimiigooche. Sinayyohi buurenye inno khabno ka laka, hamaadeey weyti buuryahe.

Fiiliffi 1:14

Toro la jeenteti an jeela ikajiruu, ꞌdooꞌdi Kiriisto rummeeste buurtiis Kamur ka uur a lamiigooche, ꞌdee roorro laan Yeedi Waakh cheekaan.

1 'Dessaloonika 4:18

Taba giꞌde, yeedassa ka uur ismiigoocha.

1 'Dessaloonika 5:11

Toollaka uur ismiigoocha, toro isgargaara iꞌdi toolla atin yeessaan u.

Ibiraaniya 12:12

Maantaka, dahanohiinki ꞌhare ichoow luhlohiinki harmo miigoocha.