2 'Dessaloonika 3:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Waha jeenteti icho munnaanteenyo ieheynan mee iyeeliwwaayne. Iꞌdaasenyi iꞌdoo ꞌdee atin laka dabateenyo isooraahtaane yeella.

2 'Dessaloonika 3:9 ပူးပေါင်းရင်းမြစ်များ

Mattaayo 10:10

ommos urgo akhaatanna. Ubbaari deere atin sar kakhabtaan on menye, koo addan akhaatanna. Kobohoo addan akhaatanna. Wul laka akhaatanna. A mehe eti hil haaggicho golol a wihi usu muꞌdan.

Yoohana 13:15

An jit a atin tuse, ꞌdee atin laka wihi an atin iyeele ꞌdooꞌdi addan iyeessaan.

1 Koriinto 4:16

Maantaka a atin hawwaasda, taba dabateey sooraaha.

Galaatiya 6:6

Eti wor Kiriisto laabcho la, eti woraas abcho wahanyeyyohi haaggane us khabo a leegismo.

1 'Dessaloonika 2:6

Nah weeli enenyet, atin eheetteey ommos ꞌdooꞌdoo addan eheetteey ka ba, koolo ma kayowan. Nah a ergaano Kiriisto gone, a geeddi kootte nah walah atin leemaranno.

2 'Dessaloonika 3:7

A mehe atin rubeytiin saggi kootte atin dabateenyo isooraahtaan a garattaan. Maanti nah atin leejirre, nah ollomme ma eheynan.

1 Beetero 2:21

A mehe jeentetane atin liiwahe. Kiriisto laka sina a kawaarte gone, us iyookkoti atin dabatiis raahtaan a atin iyitah.

1 Beetero 5:3

ꞌDooꞌdi dahantiin lagesse iꞌdi kamuri suuje u akaarriirina, iꞌdaasenyi ꞌdooꞌdi woyha iyookkoti haaggan iateeha.