2 'Dessaloonika 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Toro la Waakh nah isoowaha, Waakh a nah gargaaro, ꞌdooꞌdi weyti sussuuje a nah karibo. A mehe ꞌdooꞌdi buure mee Yeesso kakhuufo.

2 'Dessaloonika 3:2 ပူးပေါင်းရင်းမြစ်များ

Mattaayo 17:17

Yeesso wihi us ilaabe, “ꞌDooꞌdi weyꞌdane uskeel lehe Waakh ikakhuufin! Geeddoh atin leefiddiyo? Geeddoh atin igarrahsadi? Ínam inta ka ikeena!”

Mattaayo 23:23

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Iꞌdi tahe atin wihi ikhummaneynane iꞌdi geeyohi golol haaggicho iꞌdi maanta nyaaykee ichoow bisaaree ka, Kamur gisi tomonnaatteet a ibihissaan. Iꞌdaasenyi wihi amurre ka wihi weyti khumman liiekkaacho a ꞌdiisseen. Waha a iꞌdi maanta ꞌdooꞌdi jiti fissan ka lahukkumo ichoow uurnugleel ichoow atinhi ꞌdooꞌdi lakakhuufo tateehiin a ꞌdiisseen. Kamur gisi tomonnaatteet ibahcha iꞌdaasenyi wahanyeyyohi weyti khumman aꞌdiinna.

Luuka 18:8

Wihi an atin icheeko, Waakh ꞌdooꞌdiis wihi fissane igoocha, toro la ma malmalo. Iꞌdaasenyi maanti Ínam Aadam soonokhti ꞌdooꞌdi harrata usuhi usu kakhuufo a sooeleela?”

Hilassi Ergaano 13:45

Chirri ꞌdooꞌdi Yaꞌhuud ururi buure arge ka, inaaf buuhiche, wihi Baawulo essi abaareen.

Hilassi Ergaano 13:50

Iꞌdaasenyi ꞌdooꞌdoo Yaꞌhuud deyyehoti Waakh karoorto magah khabto ichoow mejeli ilkerengeet ka weynaan leh sootukkicheen. Baawulo ichoow Barnaba sina omhin sookhabteene ichoowka ilicho kariheen.

Hilassi Ergaano 14:2

Iꞌdaasenyi ꞌdooꞌdi yaafohi Yaꞌhuude Kamur rummeysan ꞌdiiꞌde ꞌdooꞌdi addane yaafohi Yaꞌhuud ieheynan sootukkiche ichoowka ꞌdooꞌdi Kiriisto rummeeste iholloween.

Hilassi Ergaano 17:5

Iꞌdaasenyi ꞌdooꞌdi Yaꞌhuud inaaf gele, ꞌdeerka ꞌdooꞌdoo sussuuje sokko ka soobaayicheene, ururi suuje yitaaheene ilkerengeet tuumman wereericheen. Minki etoo Yaason layadeeh dihte, kol Baawulo ichoow Siila minkaas kijiraane koogyihiine, ꞌdee reeraas khaatta enenyet igeessa.

Hilassi Ergaano 25:27

Iꞌdi tahe ani ka, ma haaggan chirri an eti hidan Kaaysar iergo sammata an wihi lakacheekte ikhabin.”

Hilassi Ergaano 28:24

ꞌDooꞌd gaasoo yeediis raahe, iꞌdaasenyi gaasoo yeediis rummeysawwaaye.

Rooma 10:16

Iꞌdaasenyi ꞌdooꞌd tuumman mee Wori Haaggan raahe. Iꞌdi Isaaya rubeytiis chiiruu, “Kamur, ayyo woreenyo rummeeste?”

Rooma 15:31

Waakh isoowaha ꞌdee dahanohi ꞌdooꞌdi ili Yaꞌhuudiya kijiro Yeesso Kiriisto rummeysan ꞌdiiꞌddan a liibuucho. Toro la Waakh isoowaha ꞌdee ꞌdooꞌdi Waakhe ilkerengeetti weene Yeerusaleem hila an icho chilimme igeecho uus ꞌdiiꞌdine,

1 Koriinto 15:32

Chirri an saggi weeli enenyet on ꞌdooꞌdi ilkerengeetti Efeesso ka iꞌdi binaat u isjahne an iꞌdaakka mehe yeela? Chirri Waakh enenyet omoot ikasookahin, a geeddi an iꞌdi enenyet essuu, “Golossanni, farso laka danno, iꞌdi tahe saahta a tuunna,” an adeeh on gon.

1 'Dessaloonika 2:18

A mehe atin sooꞌdaarin a ꞌdoonne. Ani, Baawulo kolassi ittaawenye inonnokhde kaje, iꞌdaasenyi Seytaan a nah tirte.

2 Timooti 4:17

Iꞌdaasenyi Kamur a ileejire, miig isiiche, ꞌdee anna farniin tuum cheeka, ꞌdee yaafohi Waakh igaran tuumman daagaan. Ulla kootiinki Rooma ka omoot a ikaribe.