2 'Dessaloonika 2:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Uus etoo jitoo kalday ka laka atin ekkeysan. A mehe ibeenkaas ma yateehe ichoowka ꞌdooꞌdi buure Waakh ꞌdiiꞌda, toro la ki hugunꞌdarri kaassohti Waakh baabiicho soobaha.

2 'Dessaloonika 2:3 ပူးပေါင်းရင်းမြစ်များ

Yoohana 17:12

Geeddi goorat an icho leejire, magahaas at isiisse ka, a toorribe bariisde. Ki goorat baabaa liigooche on menye, kichekoo kalday laka ma baabiin, ꞌdee wihi Chiirnaanneti Waakh ka lachiire labuuhicha.

1 Koriinto 6:9

Saggi eti uskeel leh dakhi Waakh igelin ma garattaan a? Iisekkeysanna ꞌdooꞌdi isidisanne isleeurꞌdo ichoow ki iyookkoyyohi waakkhakh lakayeessi wahti ichoow eti makhaabassi tiis ieheynan leeurꞌdo ommos mejeli mejel leeurꞌdo,

Efeesso 5:6

Uus etoo kalday laka yeedi ilmarhaatteet ka atin ekkeysan. Iꞌdi tahe jeenteti wahanyeyyohi iꞌdee u, holi Waakh ꞌdooꞌdi usú iraahin a isoobaha.

1 Yoohana 2:18

Nyaakhuteeyki an weyti ꞌdoono, waha a ibeenneti ꞌdaꞌddaboot. Saggi goorat atin idaagteen u la, eti Kiriisto igafo a yamiit. Toolla laka ꞌdooꞌdi ittaawenye Kiriisto igafo a yimiy. Iꞌda ka la saggi waha ibeenneti ꞌdaꞌddaboot iyahiin a garanna.

1 Yoohana 4:3

Iꞌdaasenyi eti tuummane rubeytiis woyto waha Yeesso miinsan cheekin ꞌdiiꞌdo, Waakh ma kiimaatan. Etaas ginnati eti Kiriisto igafo katamiite khaba. Atin saggi eti Kiriisto igafo iyamiit a daagteene, ulla toolla laka harrata a kijira.

Bakkaahit 17:11

Binaha goorat jire toolla la ijirin, a karnati siyyeennaatteet. Ullaka karnatohi teebee a kichokoowe, toro la a labaabiicha.

Bakkaahit 17:8

Binahaas at agarte goorat a jireene toolla ma jiraane berri la ankhari dahane ieleelin goya kasoobahaane labaabiicha. ꞌDooꞌdi harra yaalle, uuꞌ harra lasoouume magahenyeticho buuggi ꞌdooꞌdi jiroti imassan liikachiirin la, maanti icho binaha argaan, weyti girmeestaan. A mehe binahaas maantoo a jireene, toolla ma jiraane toro berri a yamiitiin.