2 'Dessaloonika 2:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Uus ꞌdooꞌdi, “Ibeenki Kamur soonokhti a kute,” atin idowo dowwa on atin malalinne, ommos atin kanahin. Chirri icho, “Rubeyti Munyee a nah tusse,” ommos, “Farniin a ꞌhelle,” essaane ommos nane khadaabeenyo a ꞌheleen, essaan laka, yeedicho araahina.

2 'Dessaloonika 2:2 ပူးပေါင်းရင်းမြစ်များ

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Marko 13:7

Maanti atin yaafohi isdiho ichoow worassi ibuuhine dihoyyoot daagteen, anahina. Wahanyeyyoha a sooyateehiine, iꞌdaasenyi ibeenki yomboot uliba a ankhanyahe on.

Luuka 21:19

Inkoo atin garrahsatteen ka jiroti rummaat ꞌhessaan.”

Luuka 21:9

Maanti atin yaafohi isdiho ichoow ꞌdooꞌdi il baabiicho daagteen anahina. Wahanyeyyohane koloo yateehe, iꞌdaasenyi ibeenki yomboot chirraas on ma yateeh.”

Yoohana 14:1

Yeesso toro wihi us abattitiis iyidah, “Amalalina, Waakh kakhuufa, ani laka ikakhuufa.

Yoohana 14:27

Nebeye atin ikataba. Nebeytaaya atin siicha. Saggi ꞌdooꞌdi harrata nebey ꞌdooꞌd isiicho mee an nebey atin isiicho. Amalalina toro la roorro akhabina.

1 Koriinto 1:8

Yeesso Kiriistohi Kamureene la a atin miigoocha, usu mujjum kakhuuftaane, ꞌdee maanti us soonokhti ka, wohoo rucchul laka ma atin kacheekti.

1 Koriinto 14:32

ꞌDooꞌdi Waákh íyeyyeedo rubeyohicho a jeycha.

1 Koriinto 7:26

Ani ka, jeenteti sinati buurenye inno kajirruu, a deefta chirri mejel ebba saggi us ijiro on ijiro.

Efeesso 5:6

Uus etoo kalday laka yeedi ilmarhaatteet ka atin ekkeysan. Iꞌdi tahe jeenteti wahanyeyyohi iꞌdee u, holi Waakh ꞌdooꞌdi usú iraahin a isoobaha.

1 'Dessaloonika 3:3

Iꞌdane yeella uus ꞌdee etiinkoo kalday laka, jeenteti sinayyohi kajo ka Kiriistohi us kakhuufo ka lasesseehin. Rumanka saggi atin igarattaan u, sinayyoha a wihi Waakh inno igooche.

1 'Dessaloonika 4:15

Waha toolla nah atin abinno a Yeedi Kamure, innohi jirraayi Kamur soonokhti, ꞌdooꞌdi Kiriisto kakhuufe tuume ortiis Kamur or ma kadowno.

1 'Dessaloonika 5:2

Iꞌdi tahe atin rubeytiin tuum saggi Kamur sahaꞌddi liikamurin iyamiit a garattaan, iꞌdi eti walah ibeen hatuu.

2 'Dessaloonika 2:15

Maantaka ꞌdooꞌd Kiriistokaaw, taba, mujjum tolossada, wihi nah atin abinne, wihi nah af ka atin isoocheekne ommos khadaab ka nah atin isoochiirre tuumman eheetteey ka ba, mujjum khuccha.

2 'Dessaloonika 3:17

Eti bariitota dahantiis kasoochiiro a ani Baawulo. Wahaas a saggi an ichiiro, a sumatti an khadaabbeteey tuumman gesso, khadaabbeti ꞌdooꞌdi addan kayeerarroosso.

Bakkaahit 19:20

Iꞌdaasenyi binaha ichoow eti goorat eti Waákh íyeyyeedo iskaayyeelo binahaas ortiis ka girmohi miig tuso yeele ba islaleekhabte. Girmoha ka la ꞌdooꞌdi sumatti binahaas ꞌhele toro la iyookkoti binahaas wahte a leekkeeste. Icho lammacho rubey khabaani, beyti ꞌdabe iꞌdi lahawti kibiriiꞌd ibolokhto goya liiseye.