2 Beetero 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Atinhi wihi goorat ꞌdooꞌdi munyayyeenye Waákh íyeyyeedo cheeke kasooꞌhessaane ꞌdoona. Toro la atinhi amurreti Kamureenki toro ꞌDoorribee miinsane ergaano atin isoocheekte kasooꞌhessaan iche ꞌdoona.

2 Beetero 3:2 ပူးပေါင်းရင်းမြစ်များ

Luuka 1:70

Iꞌdi goorat us ꞌdooꞌdiiski munyayyeenye Waákh íyeyyeedo ka cheekuu,

Luuka 24:27

Yeesso la wihi goorat usu miinsane Chiirnaanneti Waakh goya kachiiran ibabbakkaahiche. Uus buuggag Muusa lakasookhabti ichoowka buuggassi ꞌdooꞌdi Waákh íyeyyeedo chiireen tuumman icheeke.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Hilassi Ergaano 10:43

ꞌDooꞌdi Waákh íyeyyeedo tuumman wihi usu miinsane icho cheekeen, eti Kiriisto rummeeste tuumman, usu ka uskeel a liikakuta.”

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Hilassi Ergaano 3:18

Iꞌdaasenyi Waakh saggane wihi us ꞌdooꞌdi Waákh íyeyyeedo tuumman orey cheeke ka ibuuhiche. Wihi icho orey cheekeen la a Lasubhehiiski sina lakawaaricho.

Hilassi Ergaano 3:21

Iꞌdi goorat archiiy Waakh ꞌdooꞌdiiski munyeenye usú íyeyyeedo ka cheekuu, wihi Waakh gooche, Yeesso goobi Waakhe fiddiya ichoowka ibeenki Waakh walah tuumman husubnaacho yateeh.

Galaatiya 6:2

Huleesi jiro eti addan fuulo isleeokkhicha. Iꞌdaas ka amur Kiriisto a buuhissaan.

Efeesso 2:20

Atin a iꞌdi daddaabohi ilaate minki ergaano ichoow ꞌdooꞌdi Waákh íyeyyeedo kadisanyahiin. Tirrinki dagaheete minka la, a Yeesso Kiriisto rubeytiissa.

Efeesso 3:5

Waakh kholoyyohi oraat waha dagsan ma tusine, toolla la Rubeyti Munyee ka ergaanotiisti munyee ichoow ꞌdooꞌdi Waákh íyeyyeedo munyee waha a isoobabbakkaahiche.

1 Timooti 6:14

Raahnaanki at wihi Wori Haaggan kaaꞌdoono at raahto ka, eloo rucchul laka akhabine, ichoowka Yeesso Kiriistohi Kamureene a soonokhti.

2 Beetero 2:21

Ichohi goorat jiti fissan iabanne deefta ichohi abte toro amurreti Waakhe munyeenye lasiiche bujo ka.

2 Beetero 3:15

Waha la abda, samacchaari Kamureen ribnaanki us enenyet ribo ikhaata. Walaaleenki inno ꞌdoonno Baawulo layadeeh laka kharati Waakh siiche ka waha a atin isoochiire.

2 Beetero 3:16

Baawulo khadaabbetiis tuumman ka, wahanyeyyohi emeet Kiriisto miinsan a kaayyeeda. Khadaabbeti Baawulo chiiro meelassoo, wihi us kaayyeedo abane a miig. ꞌDooꞌdi waha foolicho ikhabin ichoow ki yeed Yeesso goya kahusube mujjum hiiyyay ibihin la, wihi yeediis essi tuummane urgiyicha. ꞌDooꞌda la Chiirnaanneti Waakh tuumman saggaas on ibaabula. Iꞌda ka bakkinnaanki labakkicho iche isikeenaan.

1 Yoohana 4:6

Inno a ki Waakhe eti tuummane Waákh garti la wihi inno ꞌdooꞌd abinno a raaha. Iꞌdaasenyi eti Waakh ikiimaatan ma inno daago. Saggane eti Rubeyti Waakh khabo ichoow ki rubeyti beenaate Seytaan khabo seley ibihinna.

Yuuda 1:17

Iꞌdaasenyi aalasseeyki an weyti ꞌdoono, atin la wihi ergaano Yeesso Kiriistohi Kamureene orey atin icheekte kasooꞌhela.

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”