2 Beetero 2:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Toro la ilkerengeetti Soodom ichoow ti Goomorah baabakki us icho baabiicho igooche, ꞌdab kagube bombey kayeele. Iꞌda ka Waakh icho ꞌdooꞌdi berri jiti us ꞌdoono iraahin iyookko ikayeele.

2 Beetero 2:6 ပူးပေါင်းရင်းမြစ်များ

Mattaayo 10:15

Rume atin icheeka, ibeenki Waakh ꞌdooꞌd hukkumo, sinati Waakh ꞌdooꞌdi ilkerengeetti Soodom yiil ichoow ki ilkerengeetti Goomorah yiil tuse iche deefta sinati Waakh ilkerengeettaas tuso ka.

Mattaayo 11:23

Atinhi ilkerengeetti Kafarnaaꞌhum taalliin la kol serey atin liiokkhicho koogtahiin? Mele, meessi ꞌdooꞌdi tuume kijiro iche ikhubattaan. Chirri wihi ittaawenye weeli enenyet yeelin iubaaꞌdane an goytiin ka yeele ilkerengeetohi Soodom lakayeele, ilkerengeettaas kootte uliba laka a jirta on.

Rooma 9:29

A iꞌdi ꞌhor Isaaya icheeke on, “Chirri Kamuri Miig Tuumman Leh nyaakhutoo nah ikasoowaan, nah laka iꞌdi goorat ꞌdooꞌdi ilkerengeetti Soodom ichoow ti Goomorah u, Waakh afe nah kahiyyaayta.”

1 Koriinto 10:11

Waha tuumman yaafohi Issiraayel a kayitaaheene, ꞌdee iyookko inno iyateehiin. A lachiire ꞌdee innohi ibeenki harra ꞌdubiche soodowwaate jirro inno tootoochaan.

Ibiraaniya 4:11

Maantaka, tirriinsanni giꞌde, ꞌdee nasmetaas Waakh a nasno. A mehe eti tuummane ayti Waakh daagiwwaaye iꞌdi goorat yaafohi Issiraayel yeeleen u, ullaka nasmetaas ma naso.

Yuuda 1:15

Ulla ꞌdooꞌd tuumman a hukkuma. ꞌDooꞌdi tuummane Waakh igaranne uskeel leh, wihi Waakh ꞌdiiꞌdo tuumman yeele ichoow yeedichoki tuummane sussuujenye Waakh miinsane icho esseen ka sina igoocha.”

Yuuda 1:7

Iꞌdaas on u ꞌdooꞌdi ilkerengeetti Soodom ichoow ki ilkerengeetti Goomorah ichoow ilkerengeetohi addane isoodow ba jiroti iꞌdi ti hertaasenye jireen. Icho laka sohoꞌddarri ichoow jiti mejel ichoow deyyeho ba isleeurꞌdaan a kheeroocheen. ꞌDooꞌdaas la iyookkoti ꞌdooꞌdi berri ꞌdabi jirtuu ijitin ka sina latuso yitaaheen.