2 Beetero 2:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.

2 Beetero 2:3 ပူးပေါင်းရင်းမြစ်များ

Luuka 18:8

Wihi an atin icheeko, Waakh ꞌdooꞌdiis wihi fissane igoocha, toro la ma malmalo. Iꞌdaasenyi maanti Ínam Aadam soonokhti ꞌdooꞌdi harrata usuhi usu kakhuufo a sooeleela?”

Luuka 20:20

Weynaanti Yaꞌhuud weyti Yeesso fiirisse. ꞌDooꞌdoo ꞌdegeyenye ꞌdooꞌdi fiffissan iskaayyeelo ergateen, ichohi Yeesso yeediis ka angey gessaane ꞌdoonaane, ꞌdee miig ichoow antohi gaafana idiibaan.

Luuka 22:47

Yeesso yeyyeedaayi, ururoo yimiy. Eti Yuuda layadeehe abattiti tomon ichoow lammee kichekoowe iche soowoya. Ulla Yeesso iyimiy a dongataa.

Yoohana 2:16

Wihi us ꞌdooꞌdi kutukuurrug ororicho iyidah, “Kutukurrugtaas inta kabahcha. Min Aabbaheey uurgiyinna sokko akayeelina!”

Rooma 16:18

A mehe ꞌdooꞌdaas Kiriistohi Kamureene ma ifalaane, awtichooda on ifalaan. ꞌDooꞌdaas afe chinniyahe, enenyet af on kakoolichaan. Jita ka la malassi ꞌdooꞌdi dowwa luhlo lakakhaato ekkeestaan.

2 Koriinto 2:17

A mehe nah iꞌdi ꞌdooꞌdi buurenye Yeedi Waakh cheeko ꞌdee chilimme kaꞌhelo mee. Iꞌdaasenyi nahi koo Kiriistee, a ergaanoti Waakh sooergate. Wori khollokkhan mee cheekno.

1 'Dessaloonika 2:5

A mehe saggi atin igarattaan u, nah injire fool ma atin haagginne, ommos jeenteti ꞌdamaam u ma atin ekkeysan. Waakh la garteenyo a laaba.

1 'Dessaloonika 5:3

Geeddi ꞌdooꞌdi Kiriisto ikakhuufin, “Nebey on jirta, walah nah uloonni mele,” essi, chirraase doglaan sinati buure isoobahta, iꞌdi bolokkhi makhaabassi chiise u. Ma bahsataan la.

1 Timooti 3:3

Toro la eti meleefee mee, eti enenyet jaho menye, iꞌdaasenyi a eti samacchaare. Eti jaakh leh mee, eti chilim ꞌdoono mee.

1 Timooti 3:8

Iꞌdaas on u toro wihi Waakh gooche, ꞌdooꞌdi urur Kiriisto gargaaro laka a ꞌdooꞌdi liinkaanyito, ki iskaayyeelo mee, ki farsoti sabiib khaatto mee, ki anki chilim ka ꞌdamaame mee.

1 Timooti 6:5

ichoow iriirti kol dakkhan islaleeiriiro keenaan. Malassicho a lakheerooche, rum tuumman a lasare. Icho jiroti Waakh liijiro jitoo lakakamurrowo koogyahiin.

Tiito 1:11

Tabe ꞌdooꞌda aficho hid. Iꞌdi tahe wahanyeyyoha kootte ikamaline icho enenyet abchaan ka, goobassi kulman wori rummaat a buucheen. Waha la jeenteti icho chilim iꞌdoonaan on iyeelaan.

Tiito 1:7

Toro la eti urur Kiriisto yaakhicho, hili Waakhe dahanohiis lagesse gone, a eti wohoo rucchul laka liikacheekan. A eti rannyaat ikhabine, holholo ieheynane, meleefu ieheynane, enenyet ijahine, jiti baabule ka chilim iyowan.

1 Beetero 2:8

Toro la, “Us a iꞌdi daakki enenyet tarraantarricho, a daddaabti enenyet lagaꞌddo.” Jeenteti icho ayti Waakh idaagine itarraantarrataan. Waha la a wihi goorat Waakh igooche on.

1 Beetero 5:2

Ururi Waakhe iꞌdi woyhi Waakhenye dahantiin lagesse ersinkicho ateeha, yaakhicha. Uus wohoo atin liihosso eheynane, iꞌdaasenyi wihi atin kasoouummame a eheetti. Jeenteti ꞌdamaanki lakhaanyee la menye, jeenteti atin weyti Waakh ikafalin ꞌdoontaan a eheetti giꞌde.

2 Beetero 1:16

A mehe maanti nah miig Yeesso Kiriistohi Kamureene ichoow saggi us isoonokhti nah atin icheekne, wahaas hawweesseti beenaate nah kharateenyo ka soouunne nah raahne menye, nah indoheenyo ka weynaantiis a agarre.

2 Beetero 2:1

Yaafohi Issiraayel goyaka la, ꞌdooꞌdi beenaate ꞌdooꞌdi Waakh iyeyyeedee a jire. Saggaas on u ꞌdooꞌdi ꞌdooꞌdi Waákh íyeyyeedo iskaayyeelo laka goytiin a soogela dagsi ka yeedassi beenaate jit Kiriisto enenyet buucho enenyet abcha. ꞌDooꞌda la Kamuri gatte laka a ꞌdiiꞌda, baabakki Waakh baabiicho dowwa on isikeenaan.

2 Beetero 2:9

Kamur ꞌdeerka saggi us ꞌdooꞌdi aytiis raaho sinayyohi kajo ikasoobahcho a garta. Toro la ꞌdooꞌdi uskeel yeelo saggi us sina iomhicho ichoowka ibeenki us ꞌdooꞌd hukkumo yateeh laka a garta.

Yuuda 1:11

Sinati icho sugto eenna a buure. A mehe icho jiti suujenye goorat Kaayin tabe tabeen! Toro la jeenteti icho chilim iꞌdoonaan u, uskeeli goorat Baalam gele icho laka ioryeen. Icho laka yeeddaagiwwaayyo katuumaan iꞌdi ꞌdooꞌdi goorat Koorah woyo Kamur daagiwwaayuu.

Yuuda 1:15

Ulla ꞌdooꞌd tuumman a hukkuma. ꞌDooꞌdi tuummane Waakh igaranne uskeel leh, wihi Waakh ꞌdiiꞌdo tuumman yeele ichoow yeedichoki tuummane sussuujenye Waakh miinsane icho esseen ka sina igoocha.”

Yuuda 1:16

ꞌDooꞌda kol dakkhan nyunnyuuto ma ꞌdiicho, iriir on kajiraane, suujoonki uurassicho imoonaan on yeelaan. Icho a iskhukkhummanaachaane, ꞌdooꞌdi addan koolichaane ꞌdee wihi icho ꞌdoonaan ꞌhelaan.

Yuuda 1:4

Iꞌdi tahe ꞌdooꞌdoo dagsi ka goytiin soogele a jira. Saggi archiiy Yeedi Waakh liikachiiruu ꞌdooꞌda sina a liigooche. Icho a ꞌdooꞌdi Waakh igaranne, haaggi Waakhe buure baabulo, jitoo icho sohoꞌddarri kaassohtaan kayeelo. Toro la Yeesso Kiriistohi Kamureenki keleyenye anto tuumman leh a ꞌdiiꞌddanyahiin.

Yuuda 1:7

Iꞌdaas on u ꞌdooꞌdi ilkerengeetti Soodom ichoow ki ilkerengeetti Goomorah ichoow ilkerengeetohi addane isoodow ba jiroti iꞌdi ti hertaasenye jireen. Icho laka sohoꞌddarri ichoow jiti mejel ichoow deyyeho ba isleeurꞌdaan a kheeroocheen. ꞌDooꞌdaas la iyookkoti ꞌdooꞌdi berri ꞌdabi jirtuu ijitin ka sina latuso yitaaheen.