2 Beetero 2:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² ꞌDooꞌdi buure la sohoꞌddarriti ꞌdooꞌda yeelo raaha, jiti rummaat igafa.

2 Beetero 2:2 ပူးပေါင်းရင်းမြစ်များ

Mattaayo 22:16

Abattitiche ichoow ꞌdooꞌd ꞌHerood koo Yeesso iergateen. Iche la wihi iche tidah, “Eti ween, nah saggi at rum ikanokhan a garanna. Jiti Waakhe at enenyet abisso ichoow runti Waakh a israahaan. At et at ibaasso mele, weyneetteey ichoow kuus ka ba.

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Mattaayo 7:14

Iꞌdaasenyi aritti jiroti armaanjireen lakagelo a juukhe, jiti jiroti jirtuu imassan isohti la a miige, toro la ꞌdooꞌdi jita ꞌhelo a koo rucchul.

Marko 12:14

ꞌDooꞌd Yeesso iyimiyye, wihi us iyidah, “Eti ween, nah saggi at rum ikanokhan a garanna. At et at ibaasso mele, weyneetteey ichoow kuus ka ba. Iꞌdaasenyi jiti Waakhe at enenyet abisso ichoow runti Waakh a israahaan. Kaaysarhi weene kooddi liiguto a mujjum a bal mujjum mee?

Marko 13:22

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate ekkeestaan.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Hilassi Ergaano 13:10

“Weeli Seytaan! At a chiiytanki wihi haaggan tuumman ꞌdiiꞌdo. At a eti ekkeysi lehe, toro wihi suuje tuummane rubeytaah buuha. At la kol tuumman jiti Kamure fissane khollokkhissa.

Hilassi Ergaano 14:2

Iꞌdaasenyi ꞌdooꞌdi yaafohi Yaꞌhuude Kamur rummeysan ꞌdiiꞌde ꞌdooꞌdi addane yaafohi Yaꞌhuud ieheynan sootukkiche ichoowka ꞌdooꞌdi Kiriisto rummeeste iholloween.

Hilassi Ergaano 16:17

Riirtaayi nah ichoow Baawulo nah sooraahte, riirte, “ꞌDooꞌda a falfayyohi Waakkhi weyti ween! Saggi atin liiribo, iche atin icheekaan,” elatte.

Hilassi Ergaano 18:26

Ulla minki weysiite Yaꞌhuud ka ꞌdooꞌd roorro laan leeyyeede. Chirri Birisiila ichoow Akiila usu daageen ka, khaateene minkicho ka mujjum jiti Waakh idowdoween.

Hilassi Ergaano 19:9

Iꞌdaasenyi ꞌdooꞌd gaasiiskoo a ki matah miigenye, yeed rummeysan ꞌdiiꞌde, toro enenyet tuumman ortiis ka, jiti Kamur wihi noole sussuuje kacheekeen. Baawulo ꞌdeerka icho katabe. Abatti khaatte, maan tuumman min Turannoki buure ka ꞌdooꞌd Yeedi Waakh kaleehawwooche.

Hilassi Ergaano 22:4

Jeentetaas u ꞌdooꞌdi goorat jita Yeesso enenyet abche raaho sina omhiche, ogoos laka ꞌdoone. Mejel ichoow deyyeho a sookhabde jeela gesse.

Hilassi Ergaano 24:14

Wahane kisoocheeka, Jita toolla icho a ki rabitti suuje kidowaan, iche an Waakh aacchinyeteenyo kawahda. Iꞌdaasenyi wihi tuummane Chiirnaanneti Amurre ichoow ti ꞌdooꞌdi Waákh íyeyyeedo kachiiran a israahaane a rummeesda.

Rooma 2:24

Iꞌdi liichiiruu, “Jeenteti atinhi Yaꞌhuude, iche ꞌdooꞌdi Waakh igaran magahi Waakh ikagafa.”

1 Timooti 5:14

Maantaka wihi an ꞌdoono muunkhoyyohi nunnugul toro a ladiso nyaakhut a deleene, goobassicho a woywoyeen. Iꞌda ka chiiytankeen jit us inno kahanti mele.

Tiito 2:5

Toro la deyyehoti nunnugul saggi iche isijeyisso, iche jiroti miꞌdabe ijirto, iche urmohicho mujjum idakhatti, iche wihi haaggan iyeesso, iche makhaaballeticho aficho ikutin abin a yubaaꞌdeen. Iꞌda ka enenyet Yeedi Waakh ma igafo.

Tiito 2:8

toro la worassi fiffissane wohoo suuje lakacheekin liiubaaꞌdan cheek. Iꞌda ka ꞌdooꞌdi kitirrimo lakhaanyo khaatatta a mehe walah suujenye icho inno kacheektaan mele.

1 Beetero 2:12

ꞌDooꞌdi Waakh igaran goyaka jiroti haaggan jira, ꞌdee koli icho suujoonkoo atin kacheektaan tuumman, jeenteti icho haaggi atin yeessaan ifiirichaan u, Waakh a koolicheen maanti us yamiit.

2 Beetero 2:12

Iꞌdaasenyi ꞌdooꞌda saggi binahi yibaate mal ikhabine ladelo one ꞌdee lakhabti laabbakkicho iche ijira. Wahanyeyyohi icho foolicho ikhabine saggi suuje ileeabaarramaan. Saggi bina bar liitiro iche icho laka bar liitira.

2 Beetero 2:15

Jiti fissan a bujeene jiti suujenye goorat inam Beeyorki Baalam layadeeh tabe tabeen. Baalam la suujoonki us yeele, chilimmeti us kaꞌhele a ꞌdoone.

2 Beetero 2:18

A mehe icho yeedi ilmarhaatteete kaayyeedaane isatahnoochaan. ꞌDooꞌdi yeed Yeesso ka jarakhenye, dowwanoha ka suujoonki us yeele kabahsati wihi uurassicho goya kijiro uskeel imoono ka sohoꞌddarri isoojiitaane angey gessaan.

2 Beetero 2:21

Ichohi goorat jiti fissan iabanne deefta ichohi abte toro amurreti Waakhe munyeenye lasiiche bujo ka.

2 Beetero 2:7

Toro la Loothi fissane sohoꞌddarriti ꞌdooꞌd yeele bolkhisse ribe.

Yuuda 1:10

Iꞌdaasenyi ꞌdooꞌda wihi icho foolicho ikhabine leeabaarramaan. Icho laka iꞌdi binahi yibaate mal ikhabin u wihi uuricho kasoobaho on gartaan. Wahanyeyyoha on icho bakkichá.

Yuuda 1:15

Ulla ꞌdooꞌd tuumman a hukkuma. ꞌDooꞌdi tuummane Waakh igaranne uskeel leh, wihi Waakh ꞌdiiꞌdo tuumman yeele ichoow yeedichoki tuummane sussuujenye Waakh miinsane icho esseen ka sina igoocha.”

Yuuda 1:4

Iꞌdi tahe ꞌdooꞌdoo dagsi ka goytiin soogele a jira. Saggi archiiy Yeedi Waakh liikachiiruu ꞌdooꞌda sina a liigooche. Icho a ꞌdooꞌdi Waakh igaranne, haaggi Waakhe buure baabulo, jitoo icho sohoꞌddarri kaassohtaan kayeelo. Toro la Yeesso Kiriistohi Kamureenki keleyenye anto tuumman leh a ꞌdiiꞌddanyahiin.

Yuuda 1:7

Iꞌdaas on u ꞌdooꞌdi ilkerengeetti Soodom ichoow ki ilkerengeetti Goomorah ichoow ilkerengeetohi addane isoodow ba jiroti iꞌdi ti hertaasenye jireen. Icho laka sohoꞌddarri ichoow jiti mejel ichoow deyyeho ba isleeurꞌdaan a kheeroocheen. ꞌDooꞌdaas la iyookkoti ꞌdooꞌdi berri ꞌdabi jirtuu ijitin ka sina latuso yitaaheen.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 13:14

Binahi lammaatteet jeenteti binahi oraat orcho ka miigti us girmo kayeelo liisiichuu, ꞌdooꞌdi harra kijiro ekkeeste. Weeli enenyet amur ibahche ꞌdee iyookkotoo binahi oraate birlab ka lajiisooche uliba jiro lakiinkaanyito a haaggicho.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.