2 Beetero 2:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Yaafohi Issiraayel goyaka la, ꞌdooꞌdi beenaate ꞌdooꞌdi Waakh iyeyyeedee a jire. Saggaas on u ꞌdooꞌdi ꞌdooꞌdi Waákh íyeyyeedo iskaayyeelo laka goytiin a soogela dagsi ka yeedassi beenaate jit Kiriisto enenyet buucho enenyet abcha. ꞌDooꞌda la Kamuri gatte laka a ꞌdiiꞌda, baabakki Waakh baabiicho dowwa on isikeenaan.

2 Beetero 2:1 ပူးပေါင်းရင်းမြစ်များ

Mattaayo 10:33

Iꞌdaasenyi eti tuummane enenyet ortiis ka saggi us keey iyahe ꞌdiiꞌdo, an laka usu Aabbaheeyki goobi Waakh kijiro ortiis ka a ꞌdiiꞌda.

Mattaayo 24:11

ꞌDooꞌdi ittaawenye ꞌdooꞌdi Waákh íyeyyeedo iskaayyeelo a buuraata, ꞌdooꞌdi ittaawe ekkeesta.

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Mattaayo 24:5

A mehe ꞌdooꞌdi ittaawenye ani iskaayyeelo yamiite, ‘Ani a Ki Lasubhe,’ essi, a agartaane, ꞌdooꞌdi ittaawenye ekkeestaan la.

Mattaayo 7:15

“Taba ꞌdooꞌdi ꞌdooꞌdi Waákh íyeyyeedo iskaayyeelo yuubsada, iꞌdi tahe icho uummanki iiyyaate atin ikayamiitiine, ugoka uurassicho ka a yaayti weyti sussuuje.

Marko 13:22

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate ekkeestaan.

Luuka 12:9

Iꞌdaasenyi eti ꞌdooꞌd ortiis ka saggi us keey iyahe ꞌdiiꞌdo, herti Waakh ortiche ka a laꞌdiiꞌda.

Luuka 21:8

Wihi us ilaabe, “Yuubsada, uus atin leekkeysan. A mehe ꞌdooꞌdi ittaawenye ani iskaayyeelo yamiite, ‘Ani a Ki Lasubhe,’ essi toro ‘Ibeen a soodowwaate,’ essi a agartaan. Icho araahina.

Luuka 6:26

Atinhi toolla ꞌdooꞌd tuumman atin koolicho, sinati atin sugto eenna a buure. Iꞌdi tahe aacchinyetiin laka goorat saggaas on ꞌdooꞌdi ꞌdooꞌdi Waákh íyeyyeedo iskaayyeelo ikoolisse.

Rooma 16:18

A mehe ꞌdooꞌdaas Kiriistohi Kamureene ma ifalaane, awtichooda on ifalaan. ꞌDooꞌdaas afe chinniyahe, enenyet af on kakoolichaan. Jita ka la malassi ꞌdooꞌdi dowwa luhlo lakakhaato ekkeestaan.

1 Koriinto 11:19

A mehe koobbinohaas goytiinna kijiraane, ꞌdee goytiin ka ꞌdooꞌdi rumanka koo Kiriistee laarga.

1 Koriinto 6:20

A mehe Waakh wihi buurenye gute atin gatte. Maantaka ebba sartiis ka Waakh a inkaanyito.

1 Koriinto 7:23

Waakh wihi buurenye gute atin gatte. Maantaka bowꞌdati wahanyeyyohi enenyet ꞌdoono iitaahana giꞌde.

Galaatiya 2:4

Aytaas khandi miinsan jeenteti ꞌdooꞌdoo ꞌdooꞌd Kiriisto iskaayyeelo dagsi ka goyteen isoogeluu a soobahte. ꞌDooꞌda la furnaanki Yeesso Kiriisto inno soofure, iche ꞌdegey kayimiyye, ꞌdee bowꞌdayyohi hugummeti Yaꞌhuud inno kayeelaan.

Galaatiya 3:13

Kiriisto falohi amurre Muusa a inno kasoogatte inno soofure, iroonoteen u lafale. A mehe wihi chiiran, “Eti tuummane geey lakalooꞌdiche a falanyahe.”

Galaatiya 4:17

ꞌDooꞌdaas amurreti Yaꞌhuud atin ihosso weyti ichohi ankicho atin ilaabo ꞌdoonaane, iꞌdaasenyi wihi icho yeelin ꞌdoonaan ma haaggan. Wihi icho ꞌdoonaan tuumman a seleyhi icho inno bahchaane, ꞌdee atin laka icho weyti raahin ꞌdoontaan.

Galaatiya 5:20

iyookkoyyohi waakkhakh lakayeessi, moroyyohi liirti, isꞌdiiꞌddo, isjihit, inaaf, dowwa hollowin, walah keley isiyowan, seley goggoonaan, rabitohi lakaaggowo,

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Efeesso 4:14

ꞌDeerka inno iꞌdi nyaakhuti dowwa leekkeesti menye, iꞌdi koobanhoo rucchule chirri hafar urgiyo kolba ankoo liikhaato mee. Toro la inno ꞌdooꞌdi worassi beenaate icho enenyet abchaan ka enenyet ekkeesti mee.

Fiiliffi 3:19

Waakh ꞌdooꞌda berri a baabiicha. Iꞌdi tahe waakkhicho a uurichooda. Wihi lakhaanyo ikeeno keeylajaane, toro la mali icho khabaan, a ki wahanyeyyohi harrata on.

Kolossaay 2:18

Uus etoo kalday laka herti Waakhe lawahti icho ꞌdoonaan ka ichoow isnuglaanti beenaat ka atin hukkumine kalaꞌddiin atin tirin. Eti iꞌdaase wihi us weyti kaayyeedo a fooltabchoti us kolossoo arge. Jeenteti mali us khabo ki ꞌdabakkhi weeli enenyet iyahuu, us wihi ilmarhaatteete keeylaja.

Kolossaay 2:8

Taba giꞌde uus etoo kalday laka malassi beenaate indigir laa ka atin ekkeysanne iꞌdi bowꞌduu atin labooliyin. Malassa la wihi Kiriisto essi ma kanoole, hugumme ichoow miigti suujenye harratane kanoolyahiin.

1 Timooti 5:8

Eti tuummane goobicho iwoywoyine kach ka la minkicho iwoywoyin, wihi inno kakhuufno a ꞌdiiꞌde. Eta eti Kiriisto irummeysan laka tabar a dowe.

2 Timooti 4:3

A mehe ibeen a yamiit ki enenyet wori Waakhe laabcho nabah isudiwwaayo. Wihi icho imoonaan on yeelaan. Jeentetuu la, ꞌdooꞌdi buurenye wihi beenaat enenyet abcho wihi dogticho ꞌdoonto idowo, iche urursataan.

Tiito 1:11

Tabe ꞌdooꞌda aficho hid. Iꞌdi tahe wahanyeyyoha kootte ikamaline icho enenyet abchaan ka, goobassi kulman wori rummaat a buucheen. Waha la jeenteti icho chilim iꞌdoonaan on iyeelaan.

Tiito 3:10

Eti goytiin ka enenyet seley goggoocho, koli oraat ichoow koli lammaatteet tootoocha, chuꞌus iꞌdaas yeelo sirbi lakigessa idaha. Chirri us uliba sookuto kafirda.

Ibiraaniya 10:29

Eheet a, eti Weeli Waakh daddabho la mehe imale? Eti diiggi ayyinti Waakh gooche enenyet munyaacho wohoo biꞌdire ikhaato mehe imale? Toro la eti Rubeyti Munyeenye haaggi Waakhe buure inno siisso abaare mehe imale? Sinati eta imasse Waakh igoocho, buur ka geeddoo meheenye kakhayanta?

1 Beetero 1:8

Atin usu injire ma argine, eheetteey laka, usu a ꞌdoontaan. Atin usu toolla ma agartaane, eheetteey laka, usu a rummeysattaane toro la hamaadi etoo cheekin iubaaꞌdane toro weyti buurenye khabtaan,

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.

1 Yoohana 2:26

Wahanyeyyoha an atin isoochiiro, ꞌdooꞌdi jit atin bujin ꞌdoono miinsanyahiin.

1 Yoohana 4:1

Aalasseeyki an weyti ꞌdoono, eti tuummane rubeytoo woyto mee rummeysattaan. Iꞌdaasenyi taba ꞌdooꞌdaas rubeyohoo woyaan fiiricha, ꞌdee wihi icho atin abchaan icho Rubeyti Waakh kayimiy fiiricha. Iꞌdi tahe ꞌdooꞌdi ittaawenye ꞌdooꞌdi Waákh íyeyyeedo iskaayyeelo harrata a itabe.

Yuuda 1:18

Wihi iche atin itidah kallaayo, “Ibeenneti ꞌdaꞌddaboot ꞌdooꞌdi ꞌdooꞌdi addan kachaarti, wahanyeyyohi wihi Waakh ieheynane uurassicho imoonaan on yeelo a soobaha.”

Yuuda 1:4

Iꞌdi tahe ꞌdooꞌdoo dagsi ka goytiin soogele a jira. Saggi archiiy Yeedi Waakh liikachiiruu ꞌdooꞌda sina a liigooche. Icho a ꞌdooꞌdi Waakh igaranne, haaggi Waakhe buure baabulo, jitoo icho sohoꞌddarri kaassohtaan kayeelo. Toro la Yeesso Kiriistohi Kamureenki keleyenye anto tuumman leh a ꞌdiiꞌddanyahiin.

Bakkaahit 13:14

Binahi lammaatteet jeenteti binahi oraat orcho ka miigti us girmo kayeelo liisiichuu, ꞌdooꞌdi harra kijiro ekkeeste. Weeli enenyet amur ibahche ꞌdee iyookkotoo binahi oraate birlab ka lajiisooche uliba jiro lakiinkaanyito a haaggicho.

Bakkaahit 2:13

Inti atin fiddiitaan a garda, a inti Seytaan kombortiisti antoot kakhabo. Iꞌdaasenyi atin uliba rum ka a ikhucchissaan. Maanti eteeyki lakakhuufo Antiiba layadeeh ilkerengeettiinti ween ka inti Seytaan fiddiyo lakayigis laka, atin saggi atin ikakhuuftaan ma ꞌdiiꞌdin. Usu rum ka garteey a laabe.

Bakkaahit 2:9

Sinati atin loomhicho ichoow miskiinkiin a garda. Iꞌdaasenyi atin a kamurre! Saggi ꞌdooꞌdoo Yaꞌhuud isyadeehe toro la Yaꞌhuud ieheynan suujoonki nool atin ikadowo a garda, iꞌdaasenyi icho a minki weysiite Yaꞌhuude Seytaan dakhti.

Bakkaahit 3:8

Wihi atin haaggisaan tuumman a garda. Yeya ani ortiin ka afaf a atin ifure, etoo kalday laka ma hido. Saggi atin miigtoo rucchul on ikhabtaan a garda, iꞌdaasenyi atin yeedeey a raahteene, toro la magaheey ma ꞌdiiꞌdin.

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.

Bakkaahit 6:10

Hooyi buure ka riireene, wihi icho yidaaheen, “Kamuri Miig Tuumman Leh, at a rume toro a munya. Ichoowka maantoh malmassa ꞌdooꞌdi harra kijiro hukkunta, ꞌdooꞌdi goorat diiggeenyo khube aal kagutatta?”