2 Beetero 1:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Abannaan la isjeyin kakhaya, isjeyin la garrahsi kakhaya, garrahsi la jiroti Waakh kahamaado kakhaya.

2 Beetero 1:6 ပူးပေါင်းရင်းမြစ်များ

Luuka 21:19

Inkoo atin garrahsatteen ka jiroti rummaat ꞌhessaan.”

Luuka 8:15

Iꞌdaasenyi ilmohi harrati haaggan lakachibe a ꞌdooꞌdi hahhaaggane, uuri haaggan khabo Yeedi Waakh daago uuricho gessati, jeenteti us igarrahsatuu gurnaan delo.

Hilassi Ergaano 24:25

Chirra Baawulo wori wihi fissane layeelo ichoow isjeyin ichoow hukkunnaanki ibeenki ꞌdaꞌddaboote Waakh enenyet soohukkumo kayeyyeedo ka, Feelig weyti roorro gesse, Baawulo, “A geeddaas on maanta! A geeddi at iratti on. Maanti ileehaaggan a kiwaha,” iyidah.

Rooma 15:4

Wihi dakkhane goorat Chiirnaanneti Waakh goya lakachiire walahe inno abchaane, ꞌdee Chiirnaannetaas ka garrahsi ꞌhella, uur inno miigowa, toro la khajjeel khabna.

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

Rooma 8:25

Chirri inno wohoo inno iꞌhelin khajjeel kakhabno la, inno a garrahsanna, wahaas sugna.

1 Koriinto 9:25

Eti oriisi kijiro tuumman weyti sartiis oriisi itannabicha. Iꞌdane yeela ꞌdee ꞌduubi massati ꞌhela. Iꞌdaasenyi inno ꞌduubi jirtuu tuumman imassanne yowanna.

2 Koriinto 6:4

Wihi nah yeello tuumman ka saggi nah rumanka ilbooyyeti Waakh inahe tusna. Saggane wahaas itusna, ꞌhool ka ichoow sinayyohi nah loomhicho ka ichoow chirri mal nah gele a garrahsanna on.

Galaatiya 5:23

samacchaar ichoow isjeyin. Amur wahanyeyyoha ꞌdiiꞌddan mele.

Kolossaay 1:11

Toro la Waakh ba miigtiisti miig tuumman kussan ka atin miigoocha, ꞌdee walahbaaw atin isoobahe ka ꞌdooꞌdi samacchaare tateehiine, garrahsattaan. Toro la hamaadi buure ka,

1 'Dessaloonika 1:3

Kol dakkhan Waakkhi Aabbaheene ortiis ka saggi jeenteti atin Kiriisto ikakhuuftaan u hili haaggan ihaaggissaan ichoow jeenteti atin usu iꞌdoontaan u hol idowtaan ichoow jeenteti atin Yeesso Kiriistohi Kamureene khajjeel ikakhabtaan u igarrahsattaan, a kasooꞌhella.

2 'Dessaloonika 1:4

Maantaka ururreti Waakhe addan saggi nah atin ikeeylajno jeenteti atin sinayyohi atin loomhicho ichoow bolokkhi atin latuso atin kajo ka igarrahsattaane toro la Waakh ikakhuuftaan a icheekna.

2 'Dessaloonika 3:5

Kamur ba uurassiin woya, ꞌdooninti Waakh atin ꞌdoono geeddiche ichoow garrahsihi Kiriisto lakeelo tuum abattaan.

1 Timooti 2:10

Iꞌdaasenyi deyyehoti ꞌdooꞌdi Waakh istadeeh, wihi lakasooraaho a haaggi iche yeesso.

1 Timooti 2:2

Karnato ichoow weynaanti addan tuumman iꞌdane yeelaane ꞌdee inno tuumman nebey ichoow roorro laan fiddiina. Toro la ꞌdee Waakh a karoorro jiroti munyee a jirro.

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

1 Timooti 6:11

Iꞌdaasenyi at a eti hili Waakh haaggicho. Maantaka uskeelaas tuumman kafirid. Hol dowe jiroti fissan yowo, jiroti Waakh kahamaado jire, Waakh kakhuufe, ꞌdooꞌdi addan ꞌdoone, garrahso toro samacchaar ateeh.

1 Timooti 6:3

Chirri ꞌdooꞌdoo wihi us enenyet abcho wihi beenaat yahiine, toro wor Yeesso Kiriistohi Kamureene buusanyahiine, toro la saggi kootte ꞌdooꞌd Kiriisto Waakh ikajiro tirrimo,

1 Timooti 6:6

Iꞌdaasenyi jiroti Waakh liijiro a indigirti buure chirri at wihi at khabto kadaragto.

2 Timooti 3:5

ꞌDooꞌdi Waakh tuum raaho iskaayyeela, iꞌdaasenyi miigti Wori Haaggan jiroticho ka a ꞌdiiꞌdaan. ꞌDooꞌdi iꞌdee buj.

Tiito 1:1

Eti khadaaba kisoochiiro a ani Baawulohi ilbooyi Waakhenye, toro la ergaano Yeesso Kiriistee. Anna a liisoobahche, ꞌdee ꞌdooꞌdi Waakh soobahsate gargaara Waakh mujjum kakhuufa, toro la wori rummaate Kiriisto miinsane jiroti Waakh ꞌdoono lajiro icho woya.

Tiito 1:8

Toro la a eti goobiis ka enenyet martiisti, haag on ꞌdoono, samacchaarenye, fissane, munyeenye, isjeycho.

Tiito 2:2

Makhaaballeti araarrinyee isjeycha, saggoo atin liinkaanyito ifiddiya, ꞌdooꞌdi samacchaare ateeha idah. Kakhuufnaanki icho Waakh kakhuufaan ichoow ꞌdooninti icho ꞌdooꞌdi addan ꞌdoonaan ichoow garrahsihi rumanka icho khabaan abi.

Ibiraaniya 10:36

Wihi toolla atin lakaꞌdoono a garrahsi, ꞌdee chaꞌatin wihi Waakh ꞌdoono yeesseen ka, wihi us ayyiche ꞌhessaan.

Ibiraaniya 12:1

Maantaka urura buurenye garti saggi icho Waakh ikakhuufaan laabo a inno kamarsanyahe gone, taba, wihi tuummane inno jeycho ichoow uskeeli inno woyo tuumman rogno, toro la oriisihi Waakh orteen gesse ka, a garrahsanni.

Ibiraaniya 6:12

Iꞌda ka la wihi Waakh miinsan ka ma seyꞌhoottaane, iꞌdaasenyi dabati ꞌdooꞌdi samacchaar ichoow kakhuufnaanki icho Waakh kakhuufaan ka wihi Waakh ayyiche muꞌdane raahtaan.

Ibiraaniya 6:15

Aburaaham la geeddi deer garrahsi ka Waakh a kakhuufe, wihi goorat Waakh iayyiche ꞌdaꞌddaboka ꞌhele.

2 Beetero 1:3

Miigti Waakh ka wihi tuummane jiro miinsane ꞌdee inno jiroti Waakh kahamaado jirro a inno siiche. Garanti inno Kiriisto garanni ka wahanyeyyohaas a khabna. Toro la weynaantiis ichoow haaggiiski weyti deefo ka a inno wahe.

2 Beetero 3:11

Walah tuumman saggane liibaabiicha gone, atinhi jiroti munyee ichoow jiroti Waakh kahamaado jirtaane laꞌdoona,

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

Bakkaahit 13:10

Eti tuummane boolinnaan liigooche a labooliya. Eti tuummane birlab ka omoot liigooche, birlabe lakayagiis. Wihi ꞌdooꞌd Kiriisto lakaꞌdoono a ichohi garrahsati, Waakh kakhuufo.

Bakkaahit 14:12

ꞌDooꞌdi Waakhe amurreti Waakh raaho toro Yeesso kakhuufo ichohi samacchaarenye garrahsati laꞌdoona.

Bakkaahit 2:2

Wihi atin yeessaan ichoow holi atin dowtaan ichoow saggi atin igarrahsattaan a garda. Saggi atin ꞌdooꞌdi uskeel leh iꞌdiiꞌddaan a garda. ꞌDooꞌda ergaano Kiriisto iskaayyeelo iꞌdaasenyi ieheynan a kajjeene, beenticho agarteen.