2 Beetero 1:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Miigti Waakh ka wihi tuummane jiro miinsane ꞌdee inno jiroti Waakh kahamaado jirro a inno siiche. Garanti inno Kiriisto garanni ka wahanyeyyohaas a khabna. Toro la weynaantiis ichoow haaggiiski weyti deefo ka a inno wahe.

2 Beetero 1:3 ပူးပေါင်းရင်းမြစ်များ

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Rooma 8:32

Waakh Weeliis laka ma inno karimmanne, soorriyoteenna yitah! Waakh Weeliis a inno siiche. Maantaka haaggiiski buure ka walah tuumman usu a inno leesiicha.

Rooma 9:24

Inno laka ꞌdooꞌdi Waakh wahe goya a kijirra, ki Yaꞌhuude kalday on menye, iꞌdaasenyi ꞌdooꞌdi yaafohi Yaꞌhuud ieheynan laka.

1 Koriinto 1:9

Waakkhi atin wahe, atin ichoow Weeliiski Yeesso Kiriistohi Kamureene ba kulankoo kalday atin kayeele, a lakakhuufa.

2 Koriinto 12:9

Iꞌdaasenyi mehe isoolaabe ya, “Haaggeeyki buure a kiyaakha. A mehe ꞌdarritaah ka miigteey tuum a lasoobabbakkaahiche.” Maantaka an ꞌdarriteey ka weyti hamaad ka eylaja, ꞌdee miig Kiriisto goyteey furatta.

Efeesso 4:1

Ani hili Kamure an haaggicho, iche toolla jeela ikajira. Maantaka a atin hawwaasdee, taba jiroti ꞌdooꞌdi Waakh wahe imasse jira.

Efeesso 4:4

Rubeyti Waakh a too kalday one, toro la inno a sartoo kalday. Saggaas on u, maanti Waakh inno wahe khajjeeloo kaldaye inno iwahe.

Fiiliffi 3:8

Wihi wahaas kuto, chaꞌan walah tuumman ichoow indigirti buurenye an Yeesso Kiriistohi Kamureeye an abdi isiyeyo, walah tuumman kola jeente Kiriistuu tuum khasaara iekkaacha. Icho uꞌdu iekkaacha ꞌdee Kiriisto ꞌhela,

Fiiliffi 4:8

ꞌDooꞌd Kiriistokaaw, wihi ꞌdaꞌddaboote an atin iadeeh, taba wihi rummaate toro la enenyet inkaanyito ichoow wihi fissan ichoow wihi miꞌdabe ichoow wihi enenyet ꞌdoono ichoow wihi haag khabo ichoow wihi weyti deefo ichoow wihi lasaaꞌdo kamalda.

Kolossaay 1:16

Iꞌdi tahe usu on ka Waakh walah dakkhan a soouume. Wihi serey kajiro ichoow wihi harra kajiro ichoow wihi laargo ichoow wihi liiargine iꞌdi maanta komborohi antoot ommos wihi miig khabo ommos wihi anto leh ommos wihi walah tuumman dakhti tuumman usu soouume. Kiriisto ka walah tuumman a lasoouume, toro la usu liisoouume.

1 'Dessaloonika 2:12

Nah uur a atin miigoonne, uur atin khoboonne, atin hawwaassanne, ꞌdee jiroti Waakh kahamaado jirtaan. A mehe Waakh dakhiis ichoow weynaantiisti ababto a atin iwaha.

1 'Dessaloonika 4:7

Iꞌdi tahe Waakh jiroti biꞌdirenye lajiro ma inno iwahin. Iꞌdaasenyi a inno wahe ꞌdee jiroti munyee jirra.

2 'Dessaloonika 2:14

Waakh jirota husub Wori Haaggane nah atin isoocheekne ka a atin wahe, ꞌdee Yeesso Kiriistohi Kamureene weynaantiisti ababto leegisantaan.

1 Timooti 4:8

A mehe sarti lajeycho indigirtoo rucchul on khabta. Iꞌdaasenyi jiroti Waakh kahamaado lajiro, walah tuumman indigire ikhabta. Jiroti toolla ichoow ti soosohatti ka, jiroti Waakh kiayyiche jirta.

2 Timooti 1:9

A mehe Waakh rubeytiissa inno ribe toro inno wahe, ꞌdooꞌdiiski munyee inno kayeele. Waha la jeenteti inno haaggoo iyeelle menye, a wihi goorat usu on gooche, toro la a jeenteti haaggiiski buurenye inno imunneynan on. Haagga Waakh la geeddi harra liisoouumin on innohi inno ichoow Yeesso Kiriisto ba wohoo kalday nahe inno lasiiche.

Ibiraaniya 1:3

Weela Waakh la weynaanti Waakkhi ababo tusa, ulla toro a fooli Waakh. Ulla yeediiski miig leh ka wihi tuummane jiro khuccha. Ulla a yumuyye, ꞌdee usu rubeytiis jiti uskeeli weeli enenyet lakadikho yitah. Inkoo us wahaas yeele ka, goobi Waakh ka Waakkhi Weyti Ween ankiiski miigeet orronte.

1 Beetero 1:15

Iꞌdaasenyi saggi eti atin wahe munya iyahuu, atin laka wihi atin yeessaan tuumman ka munya ateeha.

1 Beetero 1:5

Kakhuufnaanki inno Waakh kakhuufno ka, Waakh miigtiis ka a inno toorriba, ichoowka ribnaankaas ꞌhella. Waha la ibeenki ꞌdaꞌddaboote ꞌdow liisoobahcha.

1 Beetero 2:21

A mehe jeentetane atin liiwahe. Kiriisto laka sina a kawaarte gone, us iyookkoti atin dabatiis raahtaan a atin iyitah.

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

1 Beetero 3:9

Eti suujoonkoo kiyeelo ommos kiabaaro aal akagutanne, iꞌdaasenyi iweyso Waakh a imaalo. A mehe wihi atin liiwahe a wahaase, ꞌdee buuh ꞌhessaan.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

2 Beetero 1:10

Maantaka ꞌdooꞌd Kiriistokaaw a atin hawwaasde, tirriinsada wihi saggi Waakh atin iwahe toro us atin isoobahsate tuso yeela. A mehe chaꞌatin iꞌda yeesseen jirtuu ma tarraantarrattaan.

2 Beetero 1:2

Waakh ichoow Yeessohi Kamureene ba garanti atin icho garattaan ka tuum atin imaalaane tuum nebey atin kakaalaan.

2 Beetero 1:5

Jeentetuu la taba tirriinsada kakhuufnaanki atin Waakh kakhuuftaan haag kakhaya, haag la abannaanki atin Waakh abattaan kakhaya.

2 Beetero 1:6

Abannaan la isjeyin kakhaya, isjeyin la garrahsi kakhaya, garrahsi la jiroti Waakh kahamaado kakhaya.

2 Beetero 1:8

Chirri wahaas tuumman wihiin yahiine toro la kakhaymaan, Yeesso Kiriistohi Kamureenenye atin abattaan ka, ꞌdooꞌdi ollommeenye gurnaan idelin ma tateehiin.

2 Beetero 2:20

A mehe chirri icho abannaanki Yeesso Kiriistohi Kamureenenye ꞌDoorribeheene abteen ka, wahanyeyyohi harratane sussuujenye enenyet biꞌdirroocho a kasoobahsateene toro la suujoonkaas icho khabte a kahataateene, icho kola jiroti icho jiraan ti oraat laka a kasuuj.

2 Beetero 3:18

Iꞌdaasenyi haaggi Waakhe buure ichoow abanti atin Yeesso Kiriistohi Kamureenenye ꞌDoorribeheene abattaan ka weynaada. Toolla ichoow jirtuu tuummamba us ba koolo ꞌhela! Aamiin.