1 Yoohana 4:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Waakh saggane ꞌdoonintiis inno ituse, Weeliiski kaldaye harrata isooerge, ꞌdee Weeliiska ka jirra.

1 Yoohana 4:9 ပူးပေါင်းရင်းမြစ်များ

Marko 12:6

“Etoo kaldaye us ergati ꞌhade, a inankoo, ki us weyti ꞌdoone. ꞌDaꞌddaboka inankiis ergate. ‘ꞌDee inankeey a inkaanyitta one,’ iche essa.

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

Yoohana 10:10

Eti walah hato, ogoos ichoow wihi us baabiicho on menye, walah addane us iyamiit mele. An la a imiyye ꞌdee jiro tuum ꞌhessaan.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Yoohana 3:16

Iꞌdi tahe Waakh weeli enenyet tuumman weyti ꞌdoone, ꞌdeerka weeliiski kalday soodiibe, ꞌdee eti tuummane Weeli Waakh rummeeste ma yamuute, iꞌdaasenyi jiroti jirtuu imassan ꞌhela.

Yoohana 3:18

Eti tuummane Weeli Waakh rummeeste ma lahukkumo. Iꞌdaasenyi eti tuummane irummeysan orey on lahukkume, a mehe Weeli Waakhe keleye ma rummeysan.

Yoohana 5:23

ꞌDee enenyet tuumman saggi us Aabbahiis iinkaanyito, Weeliis laka iinkaanyita. Eti tuummane Weeli Waakh iinkaanyitin la, Aabbahiiski usu sooerge laka ma inkaanyito.

Yoohana 6:29

Yeesso wihi us ilaabe, “Wihi Waakh atin kaꞌdoono, a atinhi eti us sooerge rummeysattaan.”

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”

Yoohana 6:57

Aabbaheeyki jiro lakeelo ani isooergate jiro a isiiche. Saggaas u la, eti tuummane sarteey yaham ani laka usú jiro a siicha.

Yoohana 8:29

Ki isooerge la ma ikatabine, a ileejira, iꞌdi tahe an kol tuumman wihi usu kahamaadicho on yeela.”

Yoohana 8:42

Yeesso la wihi us iyidah, “Chirri kootte Waakh rumanka Aabbahiin yahe, ani a iꞌdoontaan. Iꞌdi tahe an Waakhe kiimiyye, toolla la an intane kajira. An awteey u ma imaatane, iꞌdaasenyi usu isooerge.

Yoohana 9:3

Yeesso la wihi us ilaabe, “Eta ommos ꞌdooꞌdi dele mee uskeel yeele. Iꞌdaasenyi waha a yitaaheene ꞌdee jirotiis ka saggi Waakh hil ihaaggicho laarga.

Rooma 8:32

Waakh Weeliis laka ma inno karimmanne, soorriyoteenna yitah! Waakh Weeliis a inno siiche. Maantaka haaggiiski buure ka walah tuumman usu a inno leesiicha.

Ibiraaniya 1:5

Iꞌdi tahe Waakh hertoh Waakhe injire waha iidah, “At a Weelaaya, maalinka an Aabbahaahha itah.” Ommos Waakh hertoo kaldache Waakh, “An Aabbahiissa ateehe, ulla Weelaaya yateeh,” ma iidaahan.

1 Yoohana 3:16

Saggane wihi ꞌdoonine tahe igaranna. Yeesso Kiriisto jirotiis a inno isoobahche. Inno laka innohi ꞌdooꞌdeenki Kiriisto rummeeste jiroteen ibihinno laꞌdoona.

1 Yoohana 4:10

ꞌDoonine talla, inno mee Waakh ꞌdoonne, iꞌdaasenyi usu inno ꞌdoone toro Weeliis sooerge, soorriyotiis ka, holi Waakhe uskeeleen keeno bahcha.

1 Yoohana 4:16

ꞌDooninti Waakh inno ꞌdoono a garanna, toro la ꞌdoonintaas a kakhuufna. Waakh wihi us yeelo tuumman ꞌdoonintiissa kayeela. Eti tuummane Waakh ichoow ꞌdooꞌdi addan ꞌdoono, Waakh goytiissa fiddiya, ulla Waakh goytiissa fiddiya.

1 Yoohana 5:11

Wihi us cheeko la kallaayo. Waakh jiroti jirtuu imassan a inno siiche, jirota la eti lakeelo a Weeliissa.

1 Yoohana 5:13

Wahanyeyyoha atinhi saggi Yeesso Weeli Waakh iyahe rummeysatteene atin isoochiira, ꞌdee saggi atin jiroti jirtuu imassan ikhabtaan garattaan.