1 Timooti 2:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Wihi an ꞌdoono, inti atin kakulantaane Waakh kawahattaan tuumman ka, mejel jiroti munyeenye us jiro ka Waakh dahano a ioogo a weesti. Chiꞌicho weestaan la, iicho uuricho ka hol khabine ommos iriir khabin.

1 Timooti 2:8 ပူးပေါင်းရင်းမြစ်များ

Mattaayo 21:21

Yeesso wihi us ilaabe, “Rume atin icheeka, chirri atin Waakh kakhuuftaane, uurlammaal la ikhabin, wihi geeyi fiig layeele kalday ma yeessaane, iꞌdaasenyi a geeddi atin hala laka, ‘Nyaam beyti buure goya iskaluguꞌd,’ itadeehiine, iꞌdaas la tateeh.

Mattaayo 5:44

Iꞌdaasenyi wihi an atin iadeeh, chiiytiin ꞌdoona, ꞌdooꞌdi sina atin omhicho la iweesda.

Mattaayo 6:12

Uskeeli nah yeelle nah ikakut, saggi nah laka ꞌdooꞌdi uskeel nah iyeele uskeel ikakunnuu.

Luuka 23:34

Yeesso wihi us yidah, “Aabba, ꞌdooꞌda uskeelicho ikakut! Iꞌdi tahe wihi icho haaggichaan ma gartaanee.” Kura guꞌddateene gaaddiis gisante.

Luuka 24:50

Chirri us abatti khaate ilkerengeetti Beꞌdaaniya idowwaache ka, dahanohiis serey iooge, abatti iweeste.

Yoohana 4:21

Yeesso wihi us makhaabál iyidah, “Makhaabassa, wihi an kidowo rummeyso. Ibeen a yamiit ki enenyet hala ommos ilkerengeetti weene Yeerusaleem Aabbaheey ikawahanne, meelbaaw us kijiro on ka wahti.

Hilassi Ergaano 10:2

Usu ichoow minkiis tuumman kol tuumman wihi Waakh kahamaadicho yeeleene, toro la Waakh a karooraan. Us ꞌdooꞌdi Yaꞌhuude miskiine weyti gargaare, toro kol tuumman Waakhe wahta.

Hilassi Ergaano 10:31

Wihi us iyidah, ‘Korneeliyo, Waakh weysihaah a daage, toro wihi at miskiino siisso a arge.

Hilassi Ergaano 10:4

Korneeliyo iche roorro ka indo katoolliche, wihi us worsate, “A mehe Kamur?” Herti Waakh wihi iche ilaabte, “Waakh weysihaah a daage, wihi at miskiino siisso la a arge, kaasooꞌhele.

Hilassi Ergaano 21:5

Iꞌdaasenyi maanti ibeenkeenyo massate ka kahne, orey isohanne. ꞌDooꞌd tuumman la deyyehoticho ichoow nyaakhut khabaayi nah sooraahe, ilkerengeet nah kaleebahe. Bicche aficho ka nah tuumman icho khabnaayi jilbo il kaguꞌdubne, Waakh wahanne.

Hilassi Ergaano 7:60

Ulla jilbo il kaguꞌdde weyti riire, “Kamur! ꞌDooꞌda uskeela aleeraahin” yidah. Uus yeedaas massiche on rubey gooche, yumuy.

1 Koriinto 1:2

ꞌDooꞌdi nah khadaaba isoochiirro la, a ururi Waakhe ilkerengeetti weene Koriinto kijiro. Atin a ꞌdooꞌdi Waakh rubeytiis wahe munyaache, atin ichoow Yeesso Kiriisto ba wohoo kalday atin kayeele. Toro la eti tuummane harrata ka Yeesso Kiriistohi Kamureenenye toro la icho laka Kamurichee wahti iche ichiirra.

1 Koriinto 7:7

Incheenka atin tuumman iꞌdaaya tateehiine mindischo laan fiddiitaan. Iꞌdaasenyi ebba siintiissa Waakh kaꞌhele. Koo siintane khaba koo la siintoo addane khaba.

2 Koriinto 2:14

Iꞌdaasenyi Waakkhi chirrar tuumman girꞌdaanki soorin Kiriisto ka inno woyo kalaꞌd ilaabno. Waakh nah ka wor Kiriistoki lagarti iꞌdi uyuuggi haaggan u, meel tuummane kataaꞌhicha.

Fiiliffi 1:12

ꞌDooꞌd Kiriistokaaw, wihi an atinhi abattaan ꞌdoono, wihi ani liiyeele ka, rumanka Wori Haaggan a taaꞌhe.

1 'Dessaloonika 1:8

A mehe wori Kamur miinsane goytiin kasoobahe, ꞌdooꞌdi boroofenhi Makedooniya ichoow ki boroofenhi Akhaaya laka a khaatte. Toro la wori saggi atin Waakh ikakhuuftaan il tuumman a kataaꞌhe. Maantaka wohoo rucchule nah kakhayno laka ma jiraan.

1 Timooti 5:14

Maantaka wihi an ꞌdoono muunkhoyyohi nunnugul toro a ladiso nyaakhut a deleene, goobassicho a woywoyeen. Iꞌda ka chiiytankeen jit us inno kahanti mele.

Tiito 3:8

Yeedassaas an idah a wihi lakakhuufo. Atihi yeedassaas katirriinsatti ꞌdee ꞌdooꞌdi Waakh rummeeste kol tuumman haag yeelo iche ꞌdoona. Wahanyeyyoha la enenyet a ihaagganyahiine toro la a iroonyahiin.

Ibiraaniya 10:22

mali fissan ichoow kakhuufnaanki inno Waakh kakhuufno uurlammaal ikhabin ka, Waakh idowwaanni giꞌde. A mehe rubeyoheenki suujoon inno kacheekti diig Kiriisto ka a ladikhe, sarteen la a iꞌdoo bicchehi warraakhe lakadikhe.

Yaakoobo 4:8

Waakh isoodowwaada giꞌde ulla a atin isoodowwaataa. Atinha uskeel leh, dahanohiin uskeeli atin yeesseen ka dikha. Atinha uurlammaal khabattaan, uurassiin dikha.

1 Beetero 3:7

Saggaas on u, atinhi arammee taba deyyehotiin jiti samacchaare ka leefiddiya saggi icho wahalhi atin kaaꞌddaran iyahiin kasa. Toro la inkaanyita iꞌdi tahe atin tuumman jiroti Waakh enenyet iꞌdaanu siicho a isleeꞌhessaan. Chaꞌatin iꞌda yeessaan la, walah weysihiin jeycho mele.