1 Timooti 2:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Waha a haagganyahiine toro la Waakkhi ꞌDoorribeheene a kahamaadichaan.

1 Timooti 2:3 ပူးပေါင်းရင်းမြစ်များ

Luuka 1:47

Rubeyteey la weyti Waakkheeyki ꞌDoorribee kahamaadda.

Rooma 14:18

Eti tuummane iꞌdaasu Kiriisto ifalo la, Waakh a kahamaada, weeli enenyet laka a jilhaata.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Fiiliffi 4:18

A mehe wihi atin isooeregteen tuumman a ꞌhele. Geeddi an jiroteey ka ꞌdoono laka ꞌdirihicheeda ꞌhele. Toolla Ebaabara siimohi atin ani isooeregteen tuumman ikeene la, wihi an ꞌdoono tuumman a khaba. Waha a iꞌdi soorriyoti uyuugenye Waakh liibahcho, toro Waakh kahamaado.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

1 'Dessaloonika 4:1

ꞌDooꞌd Kiriistokaaw ayti ꞌdaꞌddaboot, saggi atin jiroti Waakh kahamaadisso ijirtaan a atin abinne. Rumanka la iꞌdaas on yeessaan. Toolla la nahi nah ichoow atin ba Yeessohi Kamureene wohoo kalday nahe a atin hawwaassana, taba waha kakhakkhaya yeela.

1 Timooti 1:1

Eti khadaaba kisoochiiro a ani Baawulohi ergaano Yeesso Kiriistee. Ani la Waakkheenki ꞌDoorribeheene ichoow Yeesso Kiriistohi inno khajjeello iche amuricho ka ergaano ikayeele.

1 Timooti 4:10

Jeentetuu la weyti hol downa, tirriinsanna, jeenteti inno Waakkhi jiro khajjeel ikakhabnuu. Waakkha la a ꞌDoorribehi enenyet tuummane, kach ka la ꞌdooꞌdi usu rummeeste.

1 Timooti 5:4

Iꞌdaasenyi chiꞌ muunkhotoo nyaakhut khabto ommos hamalo khabto, nyaakhutaas ommos hamalohichekaas koloo goobicho a woywoyeene saggi icho mujjum Waakh iraahaan a abteen. ꞌDeerka jeenteti icho isooweynaacheen u a guteen. A mehe waha weyti Waakh kahamaadichaan.

2 Timooti 1:9

A mehe Waakh rubeytiissa inno ribe toro inno wahe, ꞌdooꞌdiiski munyee inno kayeele. Waha la jeenteti inno haaggoo iyeelle menye, a wihi goorat usu on gooche, toro la a jeenteti haaggiiski buurenye inno imunneynan on. Haagga Waakh la geeddi harra liisoouumin on innohi inno ichoow Yeesso Kiriisto ba wohoo kalday nahe inno lasiiche.

Ibiraaniya 13:16

Haaggi atin ꞌdooꞌdi addan iyeessaan ichoow gargaari atin ꞌdooꞌdi addan leegisantaan la akadabina. A mehe haagga a iꞌdi soorriyoti Waakh kahamaado.

1 Beetero 2:20

Iꞌdaasenyi koolohoh sugta chirri at uskeeli at yeesse on ka lakijahe, at garrahsatte. Iꞌdaasenyi chirri haaggi at yeesse ka sina lakoomhicho, at la garrahsatti, Waakh a kaahamaada.

1 Beetero 2:5

Toolla la iꞌdi dagahti jiro khabtuu, Waakh minki ꞌdooꞌdi Waakh waho iche atin kadisa. Waakh la iꞌdane yeela ꞌdee kuhaaniyyohi munyee atin kayeela. Iꞌdi kuhaaniyyoot u la, Yeesso Kiriisto ka, iꞌdi soorriyoti Rubeyti Munyee woyto toro Waakh kahamaaduu Waakh isibihissaan.