1 Timooti 2:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Karnato ichoow weynaanti addan tuumman iꞌdane yeelaane ꞌdee inno tuumman nebey ichoow roorro laan fiddiina. Toro la ꞌdee Waakh a karoorro jiroti munyee a jirro.

1 Timooti 2:2 ပူးပေါင်းရင်းမြစ်များ

Luuka 1:6

Lammacho ba la ꞌdooꞌdi Waakh ortiis ka fiffissane eheete, raahnaanki amurreti Kamur ichoow wihi Kamur enenyet kaꞌdoono laraaho ka wohoo rucchul laka ma lakacheekan.

Luuka 2:25

Maantaas la makhaabaloo Siimiyon layadeeh ilkerengeetti weene Yeerusaleem a kijira. Ulla a eti fissane Waakh karooro. Ulla yaafohi Issiraayele uur lakhoboocho iche suga. Rubeyti Munyee la usu a leejirte.

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Hilassi Ergaano 24:16

Anna jeentetaase kol tuumman Waakh ortiis ichoow weeli enenyet ortiis ka hol idowa, rubeyti suujoon ikacheekan ikhaba.

Rooma 12:18

Chiꞌiche tateeh, geeddi atin tabuuꞌdiin tuumman, hol dowa, ꞌdooꞌdi addan nebey kaleefiddiya.

Fiiliffi 4:8

ꞌDooꞌd Kiriistokaaw, wihi ꞌdaꞌddaboote an atin iadeeh, taba wihi rummaate toro la enenyet inkaanyito ichoow wihi fissan ichoow wihi miꞌdabe ichoow wihi enenyet ꞌdoono ichoow wihi haag khabo ichoow wihi weyti deefo ichoow wihi lasaaꞌdo kamalda.

1 'Dessaloonika 4:11

Iꞌdi amuri nah atin ibihinnuu, tirriinsada jiroti kowdo laa jira, ebba la wihi usu miinsan on hol a kadowo, toro la ebba dahanohiis ka hil a haaggicho a isgoollicho.

Ibiraaniya 12:14

Hol dowa ꞌdee weeli enenyet tuumman nebey kaleefiddiya, toro la ꞌdooꞌdi munyee ateeha. Iꞌdi tahe eti tuummane munya ieheynan, jirtuu Kamur ma argo.