1 Timooti 1:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Icho ichohi tagaammeti amurre Muusa yateehiine ꞌdee liinkaanyito ꞌdoonaane, iꞌdaasenyi wihi icho kaayyeedaan ma gartaane ommos waha icho roorro laan ꞌdooꞌd abchaan wihichekoo rucchul laka ma gartaan.

1 Timooti 1:7 ပူးပေါင်းရင်းမြစ်များ

Mattaayo 15:14

Woricho ꞌdiicha! Icho a iꞌdi ꞌdooꞌdi indo laaye, toro enenyeti indo laa angaamicho. Etoo indo laa chuꞌus koo indo laa angaamicho, lammache ankhar a iskaleedihta.”

Mattaayo 21:27

ꞌDeerka wihi icho Yeesso ilaabeen, “Nah ma garanni.” Ulla ꞌdeerka iiyeyye, “Ani laka antohi an wahanyeyyoha kahaaggicho ma atin isoocheeko gon.”

Luuka 2:46

Ibeenki seyyahnaatteet inkoo icho Yeerusaleem kakaheen ka, Yeessohi uranti minki Waakhe buure ka ꞌdooꞌdi Yeedi Waakh ꞌdooꞌd abcho goycho fiddiyo, wihi icho essaan dagansati toro walah wowworsati ꞌheleen.

Hilassi Ergaano 15:1

ꞌDooꞌdoo ili Yaꞌhuudiya kasookhubte ilkerengeetti Antiyookhiya yimiyye wihi us ꞌdooꞌdi Kiriisto rummeeste abche, sammata iꞌdi amurre Muusa atin iabissuu atin liikhandiyin, Waakh ma atin ribo.

Rooma 1:22

Icho rubeycho khara iskaayyeeleene, eheetteey laka ꞌdalammeti tuunte eheet.

Galaatiya 3:2

Wohoo kaldaye atin kaaban ꞌdoona. Rubeyti Munyee jeenteti atin amurre Muusa ikhucchisseene iꞌhesseen, bal jeenteti atin Wori Haaggan idaagteene, irummeysatteen?

Galaatiya 3:5

Waakh Rubeyti Munyee a atin siicha, wihi ittaawenye weeli enenyet yeelin iubaaꞌdan goytiin ka yeela. Waha a jeenteti atin amurre Muusa iraahteen a? Mele! A jeenteti atin Wori Haaggan idaagteene irummeysatteen gon.

Galaatiya 4:21

Atinhi amurre Muusati atin anatti ꞌdoontaan, bal isoocheeka, wihi amurre Muusa elatti ma dagansattaan a?

1 Timooti 6:4

weyti serey isgeechaane, walah icho gartaan la mele. Malassi suujenye khabaane, wihi ilmarhaatteet on wowworsataane, walah rumenye icho laabaan la mele. Icho la yeedassi jaakh keeno on kahawwoochaan. Waha la kalꞌdarri ichoow hol ichoow meꞌdeꞌddeel ichoow imurchoti suuje

2 Timooti 3:7

Icho kol dakkhan wori Waakh a laabcha, iꞌdaasenyi jirtuu rum aban ma yabuuꞌdiin.

Yaakoobo 3:1

ꞌDooꞌd Kiriistokaaw, buurtiin iiche ꞌdooꞌdi enenyet Yeedi Waakh abcho itaahan. A mehe a garattaane Waakh nahi Yeedi Waakh enenyet abinno, ꞌdooꞌdi addan ꞌdirihiissa nah hukkuma.

2 Beetero 2:12

Iꞌdaasenyi ꞌdooꞌda saggi binahi yibaate mal ikhabine ladelo one ꞌdee lakhabti laabbakkicho iche ijira. Wahanyeyyohi icho foolicho ikhabine saggi suuje ileeabaarramaan. Saggi bina bar liitiro iche icho laka bar liitira.