1 Koriinto 7:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Iꞌdaasenyi chirri icho isjeyin iubaaꞌdan, min a disteene ommos a ladiso. Iꞌdi tahe ichohi makhaabassi ommos makhaabali icho weyti leeurꞌdaan iildeerroti ka, ichohi minan disti ommos ladiso deefta.

1 Koriinto 7:9 ပူးပေါင်းရင်းမြစ်များ

Hilassi Ergaano 19:36

Maantaka et runta ꞌdiiꞌdo mele gone, wihi lakaaꞌdoono a atihi gammadisso, wohoo ꞌdalammoon la iyeelin.

1 Koriinto 7:2

Iꞌdaasenyi ꞌdooꞌdi isidisanne isleeurꞌdo a buur gone, a deefta chirri aram ba arantiissa on khabo ommos arame ba arankicheeda on khabto.

1 Koriinto 7:28

Iꞌdaasenyi chirri at min disatte laka uskeel ma yeelin. Galtaanti ladise laka uskeel iche yeesse mele. Iꞌdaasenyi ꞌdooꞌdi isdiste jiroti harrata ka sinati buurenye khaba, anna sinayyohane atin kaholin ꞌdoona.

1 Koriinto 7:36

Iꞌdaasenyi chirri etoo galtaanti us alkume kol us mujjum iwoywoyin koogyahe, iche la geeddi lakadiso eleesse, wihi imale a yeelo, uskeel us yeele mele. A isdisteen on.

1 Koriinto 7:39

Makhaabale geeddi makhaabaliche on jiro, makhaabaliche ma katabto. Iꞌdaasenyi chirri makhaabaliche buje, chiꞌiche ꞌdoonto a geeddi eti iche ꞌdoonto disti. Iꞌdaasenyi eta ki Kamur rummeeste on a eheetti.

1 'Dessaloonika 4:4

toro la ebba jiti munyeenye inkaanyit ka saggi us sartiis ijeysati garti.

1 Timooti 5:11

Iꞌdaasenyi muunkhoyyohi nunnugul achiirin. A mehe ꞌdee yomboka kolossoo ildeerroti sarticho a geeddi iche anatti icho hil Kiriistoki goorat icho isisoobahcheen ꞌdiichaane, mindischo gelin ꞌdoonaan.

1 Timooti 5:14

Maantaka wihi an ꞌdoono muunkhoyyohi nunnugul toro a ladiso nyaakhut a deleene, goobassicho a woywoyeen. Iꞌda ka chiiytankeen jit us inno kahanti mele.