1 Koriinto 7:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Incheenka atin tuumman iꞌdaaya tateehiine mindischo laan fiddiitaan. Iꞌdaasenyi ebba siintiissa Waakh kaꞌhele. Koo siintane khaba koo la siintoo addane khaba.

1 Koriinto 7:7 ပူးပေါင်းရင်းမြစ်များ

Hilassi Ergaano 26:29

Baawulo la wihi us ilaabe, “Geeddoo rucchul ommos geeddoo deer eheetteey ka ba, Waakhe daaha ati kalday la menye, ꞌdee ꞌdooꞌdi maalinka idagansati tuumman iꞌdeey u Yeesso kakhuufa, hiinaanka an hidanahe on liihidin menye.”

Rooma 12:6

Waakh haaggiiski buure ka, eteemba siimohi yeerenye siiche. Maantaka, chirri siinti Waakh kisiiche ti Waakh liiyeyyeedo tahe, taba giꞌde, ebba kakhuufnaanki Waakh siiche ka, Waakh mujjum a iyeyyeedo giꞌde.

1 Koriinto 12:11

Waha tuumman la a hili Rubeytoo one, a Rubeyti Waakh. Iche la saggi iche iꞌdoonto u, ebba siintoo siissa.

1 Koriinto 12:4

Siimohi yeerarenye jira, iꞌdaasenyi Rubeyta Munyee kalday on siimohaas enenyet siissa.

1 Koriinto 7:8

Maantaka ꞌdooꞌdi minan idisan ichoow ki liidisin ichoow muunkhoyyo ba wihi icho ideefo, a ichohi iꞌdeey ifiddiyaan.

1 Koriinto 9:15

Iꞌdaasenyi an injire waha imuꞌdan golol ma kayowan. Toolla la khadaaba mee soochiiro ꞌdee golol isiissaan. Anihi Wori Haaggane an iꞌdaanu cheeko an keeylajo liikakhaato ka, anihi amuute deefta!

1 Koriinto 9:5

Nah iꞌdi ergaanoti addan u ichoow iꞌdi walaalinye Kamureen ichoow Keefas illeh u, deyyehoteenyoti too Kiriisteenye nah walhisso ma muꞌdan a?