1 Koriinto 4:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Iꞌdi tahe ani ka, Waakh nahiiyye ergaanee ꞌdowe nah isoobahche, inti weyti ꞌduboot nah gesse. Nah a iꞌdi ꞌdooꞌdi herti Waakh ichoow ꞌdooꞌdi harrata tuumman ꞌdeyꞌdoochaayi, omoot liiwoyo.

1 Koriinto 4:9 ပူးပေါင်းရင်းမြစ်များ

Hilassi Ergaano 19:29

Chirraas on riirit ilkerengeet tuumman kataaꞌhe. Urur Gaayo ichoow Aristaarkoshi Baawulo walhicho ili Makedooniya ka sooraahe khabte. Leeoryeene, inti lakagirꞌdaamo geecheen.

Hilassi Ergaano 19:31

Weynaanti boroofen gaasoo aalassiise laka Baawulo farniin isooꞌdiichene hawwaasteen uus minki lakagirꞌdaamo iran.

Rooma 8:36

Iꞌdi liichiiruu, “Nah jeentetaah u kol tuumman omoot on afiche raahna, iꞌdi iiyti khalme liiwoyo, iche nah liiwoya.”

1 Koriinto 15:19

Chirri inno jiroti harrata kalday on ka Kiriisto khajjeel kakhabno, weeli enenyet tuumman ꞌdirihiissa inno liisoonaha.

2 Koriinto 11:23

An saggi sirgo iyeyyeeda. Icho a ilbooyye Kiriisto? An ilbooy ka icho a kuta. ꞌDirihichooda hili miige haaggiche, ꞌdirihichooda jeela ka liihide, ꞌdirihichooda laajja ka liijahe, ꞌdirihichooda liigaasan leheet laka.

2 Koriinto 6:9

Rumanka a nah lagarta iꞌdaasenyi saggi ꞌdooꞌdi liigaranne nah liiwoywoya. Omoot laka a nah lamarma, iꞌdaasenyi uliba a jirra on. Weyti nah lajahe iꞌdaasenyi ma namuut.

1 'Dessaloonika 3:3

Iꞌdane yeella uus ꞌdee etiinkoo kalday laka, jeenteti sinayyohi kajo ka Kiriistohi us kakhuufo ka lasesseehin. Rumanka saggi atin igarattaan u, sinayyoha a wihi Waakh inno igooche.

Ibiraaniya 1:14

Herti Waakh a meheey? Icho a rubeyohi Waakh ergati, ꞌdooꞌdi ribnaanki Waakh muꞌdan ihilo menya?

Ibiraaniya 10:33

Kolossoo ꞌdowhi nyiikhsan on ka atin laleeabaarrama, toro sina atin lakawaaricha. Kolossoo laka ꞌdooꞌdi addane sina lakawaaricho goya atin lagata.

Ibiraaniya 11:36

Gaasoo laka a lakachaarte, laajjayyo ka lajahe, gaasoo laka biingoyyo lakahide, jeelayyo lakachibe.