1 Koriinto 4:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ilbooyi walah dahanohiis lagesse, usuhi saggi us eti rumanka lakakhuufo iyahe tuso iche laꞌdoona.

1 Koriinto 4:2 ပူးပေါင်းရင်းမြစ်များ

Mattaayo 25:21

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam!’

Mattaayo 25:23

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam.’

Luuka 12:42

Kamur wihi us ilaabe, “Kamalda bal, ilbooyi weene lakakhuufo toro kharee a ayyo? A ki kamuriis ilbooyyetiis dahantiis gesso ꞌdee sahaꞌddi mujjume ka ilbooyye goollicho.

1 Koriinto 4:1

ꞌDeerka ilbooyye Kiriisto ichoow ꞌdooꞌdi Waakh hili maliiski dagsan enenyet liicheeko dahanohicho soogesse nah iekkaacha.

1 Koriinto 4:17

Jeentetane an Timootihi weeleeyenye an weyti ꞌdoono atin ikasooerge. Usu a koo Kamure, toro weyti lakakhuufa. Timooti saggi an sohoteey ka Yeesso Kiriisto iraaho a atin kasooꞌhelcha. Wahaas ichoow wihi an urur Kiriisto meelal tuumman ka abcho a wohoo kalday.

1 Koriinto 4:3

Toolla atin ommos ꞌdooꞌdi addane usu wihi an haaggicho tuumman mujjum yahiin ichoow usuhuus fiiricho ani ka a walahba. Ani rubeyteey laka saggaas ma isifiiricho.

1 Koriinto 7:25

Toolla amur Kamur isiiche galtaam miinsan mele. Iꞌdaasenyi jeenteti uurnugleeli Kamure an eti lakakhuufo iahuu, maleey a atin siicha.

2 Koriinto 2:17

A mehe nah iꞌdi ꞌdooꞌdi buurenye Yeedi Waakh cheeko ꞌdee chilimme kaꞌhelo mee. Iꞌdaasenyi nahi koo Kiriistee, a ergaanoti Waakh sooergate. Wori khollokkhan mee cheekno.

2 Koriinto 4:2

Wihi dagsane lakhaanyo keeno a ꞌdiiꞌdne. Nah la enenyet ma ekkeysanni, Yeedi Waakh ma baabullo. Nah runti Yeedi Waakh on babbakkaahinna. Waakh ortiis ka, eti tuummane rubeytiis haag ichoow suujoon seley saahto, haaggi fiddiheenyo a tusna.

Kolossaay 1:7

Wora rummaat eti atin abche, a Ebaabarahi nah weyti ꞌdoonno ilbooy ka nah walhicho. Us a eti meesseenyo ka hil Kiriisto ka lakakhuufo.

Kolossaay 4:17

Arkiiba la wihi atin itadeehiin, “Tabe hili Kamur dahantaah soogesse, rumanka massi.”

Kolossaay 4:7

Tuuchiko woreey tuumman a atin siicha. Us a eteenki koo Kiriisteenye inno weyti ꞌdoonno, hili Kamur ka lakakhuufo toro la a ilbooyi wahalheenyee.