1 Koriinto 3:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Iꞌdi tahe atin uliba a ꞌdooꞌdi ꞌdabakkhi weeli enenyete harrata khabo. A mehe chirri maanta atin isinaaftaane toro la isleejaakhtaan wahaas saggi atin ꞌdabakkhi weeli enenyet ikhabtaan ma tusaan a? Waha la saggi atin uliba jiroti ꞌdooꞌdi harrata ijirtaan ma tusaan a?

1 Koriinto 3:3 ပူးပေါင်းရင်းမြစ်များ

Rooma 13:13

Jirotiin tuumman wihi mujjumenye saggi fiddihi ꞌdooꞌdi banay goya fiddiyo a eheetti. Taba giꞌde, daawohi biꞌdire ommos meleefu uus goytiin kijirine, ommos uus ꞌdooꞌdi isidisanne isleeurꞌdo ommos sohoꞌddarri goytiin kijirine, ommos uus jihit ommos inaaf laka goytiin kijirin.

1 Koriinto 1:10

Maantaka ꞌdooꞌd Kiriistokaaw, anto Yeesso Kiriistohi Kamureene ka a atin hawwaasde, taba atin tuumman isdaaga ꞌdee seley agoggowina. Toro la wihi atin goossaan ka maloo kalday khaba.

1 Koriinto 1:11

Iꞌdi tahe ꞌdooꞌd Kiriistokaaw, ꞌdooꞌdoo goob Kiilow kayimiy saggi atin isileejaakhtaan a isoocheeke.

1 Koriinto 11:18

Wihi kolooraat, chirri atin iꞌdi urur Kiriistuu kulantaan, wihi an daage a mehe ya, atin seleye goggootaane an la yeedaas geeddoo ka a rummeesda.

1 Koriinto 3:4

Chiꞌ gaasiinkoo “An a abatti Baawulo,” essi, gaasoo la, “An a abatti Aboollo,” essi, iꞌda ka atin saggi ꞌdooꞌdi harratane Waakh igaran ma ijirtaan a?

2 Koriinto 12:20

Iꞌdi tahe maanti an goytiin amiit wihi an karooro, saggi kootte an iꞌdoono ma atin iꞌhelo, toro la saggi atin kootte iꞌdoontaan ma iꞌhessaan. Mehe karoora ya, waha tuumman goytiin ka a ꞌhela, jaakh ichoow inaaf ichoow holi buure ichoow wihi ebba wihi awtiis kalday on yowti ichoow ham ichoow meꞌdeꞌddeel ichoow rannyaat ichoow hugunꞌdarri.

Galaatiya 5:15

Iꞌdaasenyi chaꞌatin kol dakkhan iꞌdi binaat u istamhiin, yuubsada a ismassissaanee.

Tiito 3:3

Iꞌdi tahe inno rubeyteen laka ꞌhor ꞌdooꞌdi ꞌdalammeenye yeed idaagine leekkeeste, bowꞌdati wahanyeyyohi noole uurasseen imoonaane toro kahamaadicho on eheet. Jiroteen wihi buuhe a suujoon ichoow kalꞌdarri. A inno laꞌdiiꞌde inno laka ꞌdooꞌdi addan a ꞌdiiꞌdne.

Yaakoobo 3:16

Iꞌdi tahe inti kalꞌdarri kijirto toro la enenyet wihi awtiissa on yowti, intaas wihi jiro a hugunꞌdarri ichoow suujoonki noole layeelo.

1 Beetero 4:2

Jeentetaas u jirotiisti addane harrata ka us soojiro, suujoonki enenyet imoono ma ijiro iꞌdaasenyi wihi Waakh ꞌdoono yeela.