1 Koriinto 14:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Iꞌdi tahe eti afi Rubeyti Munyee kayamiit kaayyeedo, weeli enenyet mee leeyyeedo, iꞌdaasenyi Waakh rubeytiissa leeyyeeda. Et yeediis daago mele, iꞌdi tahe rubeytiis ka us wihi dagsane kaayyeeda.

1 Koriinto 14:2 ပူးပေါင်းရင်းမြစ်များ

Mattaayo 13:11

Yeesso la wihi us ilaabe, “Waakh garanti wihi dagsane dakhi goobi Waakh miinsan lagarti a atin siiche. Iꞌdaasenyi ꞌdooꞌdi addan iꞌdaas mee.

Marko 16:17

ꞌDooꞌdi rummeesti wahanyeyyoha miigti Waakh tuso a yeela. Antohi magaheey ka ginna enenyet a kabahcha, afi us idaagin laka kayeyyeeda.

Marko 4:11

“Waakh atine wihi dagsane dakhi Waakh miinsan atin siiche. Iꞌdaasenyi ꞌdooꞌdi kharaat walah tuumman ka a liimammahta,

Hilassi Ergaano 10:46

Iꞌdi tahe ꞌdooꞌdi yaafohi addan ichohi afi icho idaagin kaayyeedo toro Waakh saaꞌdo, iche daageen. Beetero ꞌdeerka wihi us yidah,

Hilassi Ergaano 19:6

Chirri Baawulo icho dahano korche ka, Rubeyti Munyee isooyagte, icho la afassi icho idaagin kaayyeedeene toro wori Waakh kayimiy cheekeen.

Hilassi Ergaano 22:9

ꞌDooꞌdi iwalhiche banay a arge, iꞌdaasenyi hooyi eti ileeyyeedo ma aban.

Rooma 16:25

Waakh saaꞌdno! Us kakhuufnaanki atin Kiriisto kakhuuftaan ka atin miigoon a yabuuꞌd. Ulla Wori Haaggane Yeesso Kiriisto miinsane an cheeko ka waha yeelin a yabuuꞌd. Wora Haaggan la a ki inno awteen u iabanne, Waakh kalday on inno isoofura. Runta la a ti Waakh guꞌhassi ittaawe dagche.

1 Koriinto 12:10

Toro Rubeyta Waakhe etoo addan miigti wihi weeli enenyet iubaaꞌdan lakayeelo siissa, etoo addan la siinti Waakh liiyeyyeedo siissa, etoo addan laka siinti Rubeyti Waakh ichoow rubeyohoo addan seley lakaabti siissa. Etoo addan la siinti us afassi Rubeyti Munyee kayamiit kaayyeedo siissa, etoo addan la siinti us wihi afassaas ka leessi kalaabo siissa.

1 Koriinto 12:28

Urur Kiriisto goyaka Waakh ꞌdooꞌdoo hilassane korche. Kolooraat ergaano, ki lammaatteet ꞌdooꞌdi Waákh íyeyyeedo, ki seyyahnaatteet ꞌdooꞌdi enenyet ayti Waakh abcho, ki kasookhuccho la a ꞌdooꞌdi wihi weeli enenyet yeelin iubaaꞌdan yeelo, ommos ki siimohi ꞌdooꞌdi khakkhannan lakasamaacho khabo, ommos ki ꞌdooꞌdi addan gargaaro ommos siimohi urur Kiriisto ladakhti ommos ki afi us idaagin kaayyeedo.

1 Koriinto 13:1

Chirri an afassi weeli enenyet ommos afassi herti Waakh kaayyeedo, iꞌdaasenyi an enenyet iꞌdoonin, an a iꞌdi gaꞌdaari ballaaddane hafane weyti riiro, ꞌdollo lajaho on. Ommos an a iꞌdi ꞌdaanki buurenye immarah yeedo on.

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

1 Koriinto 14:16

Chaꞌat rubey ka Waakh saaꞌddo, ꞌdooꞌdoo siintaas ikhabin la kileejiro, saggoh, “Aamiin,” iyadeehiin, chirri icho wihi at elatti idaagin?

1 Koriinto 14:26

ꞌDooꞌd Kiriistokaaw ꞌdeerka mehe incheenka yeessaan? Maambaaw atin kulantaan, etoo geeyoo us Waakh idowo khaba, etoo wohoo us enenyet abcho khaba, koo laka wohoo Waakh ibabbakkaahiche khaba, koo laka afi Rubeyti Munyeenye kaayyeeda, koo laka afaase laaba, ꞌdeerka waha tuumman saggoo icho urur Kiriisto imiigoochaan iyeela.

1 Koriinto 15:51

Maantaka wohoo dagsane atin isoocheeka. Inno tuumman ma namuute, iꞌdaasenyi inno tuumman a inno luurgiyicha.

1 Koriinto 2:10

Iꞌdaasenyi waha a wihi Waakh Rubeyti Munyee ka nah isoobabbakkaahiche. Iꞌdi tahe Rubeyti Munyee walah tuumman a fiirissa. Mali Waakhe dagsan laka a fiirissa.

1 Koriinto 2:7

Kharati nah kaayyeeno la a ti Waakhe dagsan. Waakh la kharataas a dagche. Kharata la a ti Waakh geeddi us walah isoouumin gooche, ꞌdee wihi haaggan tuumman ꞌhella.

Efeesso 6:19

Ani laka Waakh isoowaha, ꞌdee chaꞌan yeyyeedo, Waakh wihi an adeeh a isiicho, ꞌdee roorro laan enenyet wihi dagsane Wori Haaggan miinsan a icheeko.

Kolossaay 2:2

Iꞌdane yeela, ꞌdee icho uur miigoocha, isꞌdoonaane wohoo kalday yateehiin. Toro la ichohi Wori Waakh tuum abtaane rumanka liibuuhicho iche ꞌdoona. Wora Waakhe dagsan la Kiriisto rubeytiissa miinsanyahe,

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

1 Timooti 3:9

Rubeyti suujoon inno ikacheekan ka, a ꞌdooꞌdi wori dagsane rummaate Kiriisto miinsane Waakh enenyet isoobabbakkaahiche kakhuufo.

Bakkaahit 10:7

Maanti herti Waakhe teebannaatteet arab sooafuufto, wihi dagsane Waakh isoobabbakkaahin, saggi us ꞌdooꞌdi Waákh íyeyyeedo falfayyohiise icheeke on u, Waakh a buuhicha.”