1 Koriinto 14:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ ꞌDooninti ꞌdooꞌdi addan laꞌdoono yowda, toro la siimohi Rubeyti Munyee kayamiit weyti imoona. Kach ka la, siinti Waakh liiyeyyeedo yowda.

1 Koriinto 14:1 ပူးပေါင်းရင်းမြစ်များ

1 Koriinto 14:39

Maantaka ꞌdooꞌd Kiriistokaaw, taba siinti wori Waakh lakaayyeedo weyti imoona. Toro la ꞌdooꞌdi tuummane afassi Rubeyti Munyee kaayyeedin ꞌdoono, atiranna.

Ibiraaniya 12:14

Hol dowa ꞌdee weeli enenyet tuumman nebey kaleefiddiya, toro la ꞌdooꞌdi munyee ateeha. Iꞌdi tahe eti tuummane munya ieheynan, jirtuu Kamur ma argo.

1 Timooti 4:14

Siintaahti maanti ewweenki urur Kiriisto woyo dahano kikorche wori Waakhe lakaayyeedo at kaꞌhesse akadabin.

1 Koriinto 16:14

Wihi atin haaggissaan tuumman ka, ꞌdoonin kahaaggicha.

1 Koriinto 12:1

ꞌDooꞌd Kiriistokaaw toolla toro wori siimohi Rubeyti Munyee kayamiit miinsane atin isoocheeka, ꞌdee wihiche tuumman garattaan.

1 Koriinto 13:13

Maantaka, waha seyyahcho a sooꞌhadaan, kakhuufnaanki inno Waakh kakhuufno ichoow khajjeeli inno Kiriisto khajjeello ichoow ꞌdooninti inno enenyet ꞌdoonno, iꞌdaasenyi ti weyti kutto, a ꞌdoonin.

1 'Dessaloonika 5:20

Wori ꞌdooꞌdi Waákh íyeyyeedo atin icheeko aꞌdarraawina.

1 Timooti 6:11

Iꞌdaasenyi at a eti hili Waakh haaggicho. Maantaka uskeelaas tuumman kafirid. Hol dowe jiroti fissan yowo, jiroti Waakh kahamaado jire, Waakh kakhuufe, ꞌdooꞌdi addan ꞌdoone, garrahso toro samacchaar ateeh.

1 Koriinto 14:37

Chirri etoo eti Waákh íyeyyeedo ommos eti siinti Rubeyti Munyee khabo iskoogyahe, saggi waha an chiiro amuri Kamur on iyahe, a kasa.

1 Timooti 5:10

toro la a ti jeenteti iche haag iyeessuu enenyet tuumman inkaanyito. Haaggiche a ꞌdow on. A ti nyaakhuutiche jiti haaggan kasooweynaasse, a ti goobiche ka ꞌdooꞌd martiisatte, a ti ꞌdooꞌdi Waakh iꞌdi ilbooy u luhlo dikhte, a ti ꞌdooꞌdi sina khabe gargaarte. A ti hili haaggan tuumman isisoobihisse.

Efeesso 1:3

Waakkheenki Aabba Yeesso Kiriistohi Kamureene koolinno. Waakh Kiriisto ka, goobi Waakh goyaka buuhi Rubeyti Munyee kayamiit tuumman a inno imaale.

1 Koriinto 12:31

Iꞌdaasenyi taba siimohi weyti khumman imoona. Toolla la wohoo wahaas tuumman kussane atin tusa.

3 Yoohana 1:11

Aaleeyki an weyti ꞌdoono, ꞌdooꞌdi suujoon yeelo goya atabine, iꞌdaasenyi ꞌdooꞌdi haag yeelo on dabatiis raah. Eti tuummane haag yeelo Waakhe kayimiy. Eti tuummane suujoon yeelo la Waákh ma argin.

2 Beetero 1:7

Jiroti Waakh kahamaado la uuri ꞌdabakhe kakhaya, uuri ꞌdabakhe la ꞌdoonin kakhaya.

Rooma 12:6

Waakh haaggiiski buure ka, eteemba siimohi yeerenye siiche. Maantaka, chirri siinti Waakh kisiiche ti Waakh liiyeyyeedo tahe, taba giꞌde, ebba kakhuufnaanki Waakh siiche ka, Waakh mujjum a iyeyyeedo giꞌde.

2 Timooti 2:22

Tabe suujoonki tuummane eti nugul imoono kafirid. Hol dowe, jiroti fissan yowo, Waakh kakhuufe, ꞌdooꞌdi addan ꞌdoone, eti nebey dowo ateehe, ururi ꞌdooꞌdi uuri haaggan ka magahi Kamur waho goya kijir.

Rooma 9:30

ꞌDeerka mehe nidaahe? ꞌDooꞌdi yaafohi Yaꞌhuud ieheynane goorat jiti icho ꞌdooꞌdi fiffissan liiekkaache iyowan, iche toolla Waakh ꞌdooꞌdi fiffissan iekkaacha jeenteti icho Waakh ikakhuufaan u.

Rooma 14:19

Maantaka taba giꞌde wihi nebey keeno ichoow wihi inno iskamiigoonno hol a kadowno.

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

1 Koriinto 14:22

ꞌDeerka afassi Rubeyti Munyee ꞌdooꞌdi Kiriisto rummeeste menye, ꞌdooꞌdi Kiriisto irummeysanne walah tusaan. Iꞌdaasenyi farniinki ꞌdooꞌdi Waákh íyeyyeedo ki ꞌdooꞌdi Kiriisto irummeysan menye, a ki ꞌdooꞌdi Kiriisto rummeesti.