1 Koriinto 13:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Iꞌdi tahe wihi inno garanni geeddoo on garanna, wori Waakhe inno kaayyeeno la geeddoo on kaayyeena.

1 Koriinto 13:9 ပူးပေါင်းရင်းမြစ်များ

Mattaayo 11:27

Yeesso toro wihi us ꞌdooꞌd iyidah, “Aabbaheey walah dakkhan dahantaaya soogesse. Aabbahaaya on menye et Weeliis garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.

Rooma 11:34

“Ayyo mali Kamur garta? Ommos ayyo Waákh waanicha?”

1 Koriinto 13:10

Iꞌdaasenyi chirri wihi buuho yimaateen, wihi ibuuhin tuumman a baabaan.

1 Koriinto 13:12

Wihi toolla inno agarro tuumman, a iꞌdi oosinti mujjum liiargine, kitaab goya kajirto on. Berri la waha rumanka mujjum a agarra. Toolla walah tuumman geeddoo on garda, berri la Waakh saggi us tuum ani igartuu an laka usu tuume abda.

1 Koriinto 2:9

Iꞌdaasenyi iꞌdi liichiiruu, “Wihiiyye ile injire iargin wihiiyye nabahe injire idaagin toro la wihiiyye mali weeli enenyet injire ikamurin iche Waakh ꞌdooꞌdi usu ꞌdoono itannabiche.”

1 Koriinto 8:2

Chirri etoo kol us walah tuum garti iskoog, garanti rummaate usu lakaꞌdoono, a kaankhantahe.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

1 Yoohana 3:2

Aalasseeyki an weyti ꞌdoono, inno toolla a nyaakhuti Waakh. Wihi berri inno nateeh la ma inno latusin. Iꞌdaasenyi wihi inno garanni, maanti Kiriisto soobaho inno laka iꞌdiissa nateeh, a mehe maantaas iꞌdi rumanka us yahe a agarra.