1 Koriinto 13:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Toro la chirri an wihi an khabo tuumman miskiino siicho, an sarteey laka an bahcho lagubo, iꞌdaasenyi an enenyet iꞌdoonin, waha haag icho ibahaan mele.

1 Koriinto 13:3 ပူးပေါင်းရင်းမြစ်များ

Mattaayo 23:5

“Wihi iche yeesso tuumman a yeessa, ꞌdee enenyet arga. Saabohi balballaaddane miinan ichoow keymo kahiitaan. Saabassaas la Chiirnaanneti Waakhe goya kakhabaan.

Luuka 18:22

Chirri Yeesso waha daage ka wihi us et iyidah, “At uliba wohoo kaldaye kaankhan. Nyaame wihi at khabto tuumman ororiche, chilimme la miskiin siiche, kamurroonki goobi Waakh ꞌhele, ꞌdee kaale isooraah.”

Luuka 18:28

Beetero wihi us yidah, “Nah wihi nah khabne tuumman a kasootabne, ꞌdee ati kiraahna.”

Luuka 19:8

Iꞌdaasenyi Sakkaayo tolossate wihi us Kamur iyidah, “Kamur, yey! Wihi an khabo tuumman seleye goocha nyuusicho miskiin siicha. Chirri goorat an etoo ekkeesde wohoo kakhaate la, wihi goorat an kakhaate kol affartichooda ilaaba.”

Yoohana 12:43

Iꞌdi tahe koolohi Waakh icho koolicho menye, koolohi weeli enenyet icho koolicho iche ꞌdoonaan.

Yoohana 13:37

Beetero la wihi us worsate, “Kamur, an a iꞌdoh toolla kiraahin? An a geeddi an jiroteey laka soobahcho jeentetaah u.”

Yoohana 15:13

Wihi ꞌdooninti enenyet aalassiis weyti ꞌdoono tuso kallaayo, a ti us jirotiis jeentetichuu isoobahcho.

Yoohana 6:63

Rubeyti Waakhe enenyet jiro siissa. Weeli enenyet, enenyet jiro ma siicho. Yeedi an atin icheeke la Rubeyti Waakhe kayamiite, toro la enenyet jiro siicha.

Hilassi Ergaano 21:13

Baawulo wihi us ilaabe, “A iꞌdoh iꞌduu iooytaane uur iuskulaassaan? An hiinaanki liihido kalday menye, anihi ilkerengeetti weene Yeerusaleem ka jeente Yeessohi Kamure amuut laka ma ꞌdiiꞌdo!”

Galaatiya 5:26

Uus inno eylaji beenaate ilmarhaatteet khabine ommos iskaahholloonne ommos isinaafin.

Fiiliffi 2:3

ꞌDooꞌdi wihi awtiissa on yowti ommos immarah serey isgeecho iitaahana, iꞌdaasenyi ꞌdooꞌdi isnuglaacho ateeha, ꞌdooꞌdi addan saggi us atin ikakhummanyahe iekkaacha.

1 Timooti 4:8

A mehe sarti lajeycho indigirtoo rucchul on khabta. Iꞌdaasenyi jiroti Waakh kahamaado lajiro, walah tuumman indigire ikhabta. Jiroti toolla ichoow ti soosohatti ka, jiroti Waakh kiayyiche jirta.

Ibiraaniya 13:9

Maantaka yeedi tuummane runti Waakh tabardowsane enenyet laabcho, uus jiti mujjume atin bujin. A mehe wihi indigir atin ikhabo gololi soorriyoyyoote layaham menye, a haaggi Waakhe buurenye uurassiin miigoocho.