1 Koriinto 12:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Toro Rubeyta Waakh on ka etoo addan kakhuufnaanki Waakh weyti lakakhuufo lasiicha, Rubeytaas on ka etoo addan siinti enenyet lakasamaacho lasiicha.

1 Koriinto 12:9 ပူးပေါင်းရင်းမြစ်များ

Mattaayo 10:8

ꞌDooꞌdi khakkhannan samaacha, ki tuume omoot kasookahcha, ki buꞌda sar kakhabo samaacha, ki ginnayyo dakhtaan la, ginnayyo kabahcha. An miigta iꞌdaanu atin siiche, taba waha yeela ꞌdooꞌd la walah akagutanna.

Mattaayo 21:21

Yeesso wihi us ilaabe, “Rume atin icheeka, chirri atin Waakh kakhuuftaane, uurlammaal la ikhabin, wihi geeyi fiig layeele kalday ma yeessaane, iꞌdaasenyi a geeddi atin hala laka, ‘Nyaam beyti buure goya iskaluguꞌd,’ itadeehiine, iꞌdaas la tateeh.

Marko 16:18

Toof laka dahan a kakhabta, toro chuꞌus hadaadohi uskul yabhuub laka ma gaameeraan iꞌdaaru laka. ꞌDooꞌdi khakkhannan dahano on korcha, ꞌdooꞌd samaata.”

Marko 6:13

Ginnayyohi ittaawe enenyet goya kabihisse, ꞌdooꞌdi ittaawenye khakkhannan laka subakki geeyi oolif ka matah subahte, samaasse.

Luuka 10:9

ꞌDooꞌdi khakkhannane ilkerengeettaas kajiro samaacha, wihi atin itadeehiin, ‘Dakhi Waakh kola a atin isoodowwaate.’

Luuka 9:2

Ulla ergaano ili kharaat ierge, ꞌdee wori dakhi Waakh miinsan cheekta, ꞌdooꞌdi khakkhannan laka samaassa.

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Hilassi Ergaano 5:15

Jeenteti wihi ergaano haaggissuu, enenyet ꞌdooꞌdichoki khakkhannan jitate keene, siriiro ichoow ilaalle kareeche. Iꞌdane yeeleene, ꞌdee kolossoo chirri Beetero sohti oosintiis ꞌdooꞌdoo khakkhannan oosimmoosse, samaataan.

1 Koriinto 12:28

Urur Kiriisto goyaka Waakh ꞌdooꞌdoo hilassane korche. Kolooraat ergaano, ki lammaatteet ꞌdooꞌdi Waákh íyeyyeedo, ki seyyahnaatteet ꞌdooꞌdi enenyet ayti Waakh abcho, ki kasookhuccho la a ꞌdooꞌdi wihi weeli enenyet yeelin iubaaꞌdan yeelo, ommos ki siimohi ꞌdooꞌdi khakkhannan lakasamaacho khabo, ommos ki ꞌdooꞌdi addan gargaaro ommos siimohi urur Kiriisto ladakhti ommos ki afi us idaagin kaayyeedo.

1 Koriinto 12:30

Enenyet tuummane siimohi ꞌdooꞌdi khakkhannan lasamaacho khaba? Enenyet tuummane afassi Rubeyti Munyee kaayyeeda? Enenyet tuummane wihi afassa ka leessi cheeka?

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

2 Koriinto 4:13

Wihi chiiran, “An Waakh a rummeesde, ꞌdeerka yeede.” Nah laka iꞌdaasu Rubeyti Waakh ka Waakh a kakhuufne ꞌdeerka Wori Haaggan a cheekna.

Efeesso 2:8

A mehe Waakh haaggiiski buurenye atin ikamalin ka a atin ribe. Ribnaanka la kakhuufnaanki atin usu kakhuuftaane kayamiit. Waha la wihi atin kayimiy menye, a siinti Waakh one,

Ibiraaniya 11:33

Kakhuufnaanki ꞌdooꞌda Waakh kakhuufe on ka, iche yaafohi chiiytichee idiheene, isooricheen. Jiti fissan on enenyet kahukkumeene, wihi goorat Waakh iayyiche la ꞌheleen. Gaasichokoo afi bahassi a ꞌduuꞌdeene,