1 Koriinto 12:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Siimohi yeerarenye jira, iꞌdaasenyi Rubeyta Munyee kalday on siimohaas enenyet siissa.

1 Koriinto 12:4 ပူးပေါင်းရင်းမြစ်များ

1 Koriinto 12:1

ꞌDooꞌd Kiriistokaaw toolla toro wori siimohi Rubeyti Munyee kayamiit miinsane atin isoocheeka, ꞌdee wihiche tuumman garattaan.

1 Koriinto 12:28

Urur Kiriisto goyaka Waakh ꞌdooꞌdoo hilassane korche. Kolooraat ergaano, ki lammaatteet ꞌdooꞌdi Waákh íyeyyeedo, ki seyyahnaatteet ꞌdooꞌdi enenyet ayti Waakh abcho, ki kasookhuccho la a ꞌdooꞌdi wihi weeli enenyet yeelin iubaaꞌdan yeelo, ommos ki siimohi ꞌdooꞌdi khakkhannan lakasamaacho khabo, ommos ki ꞌdooꞌdi addan gargaaro ommos siimohi urur Kiriisto ladakhti ommos ki afi us idaagin kaayyeedo.

1 Koriinto 12:5

Hilassi yeerarenye baꞌh liihilo a jiraane, iꞌdaasenyi Kamura kaldach on liihila.

1 Koriinto 7:7

Incheenka atin tuumman iꞌdaaya tateehiine mindischo laan fiddiitaan. Iꞌdaasenyi ebba siintiissa Waakh kaꞌhele. Koo siintane khaba koo la siintoo addane khaba.

Efeesso 4:11

Usu ꞌdooꞌd gaasoo ergaano kayeele, gaasoo laka ꞌdooꞌdi Waákh íyeyyeedo kayeele, gaasoo laka ꞌdooꞌdi Wori Haaggan taaꞌhicho kayeele, gaasoo la ꞌdooꞌdi urur Kiriisto yaakhicho toro la Yeedi Waakh abcho kayeele.

Ibiraaniya 2:4

Waakh rubeytiis la ribnaankaas rummaache. Saggi us irummaache la a iꞌda, wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdane yeele, toro la saggi us iꞌdoono on u, siinti Rubeyti Munyee ꞌdooꞌd gise.

1 Beetero 4:10

Ebba siimbaaw us ꞌhele ka ꞌdooꞌdi addan a ihilo. Iꞌda ka ebba haaggi Waakhe buurenye fil ittaawe mujjume dakhta.